यवतमाळच्या शिरपूर पोलिसांनी अमली पदार्थांच्या तस्करीला मोठा दणका दिला आहे. नागपूर कनेक्शन असलेल्या तस्कराकडून ९.८२ लाखांचे एमडी ड्रग्ज आणि आलिशान कार जप्त केली आहे.
अशी झाली कारवाई
जिल्हा पोलिस अधीक्षक कुमार चिंता यांनी ड्रग्स बाळगणाऱ्यांवर व सेवन करणाऱ्यांविरोधात कठोर कारवाईचे आदेश दिल्यानंतर शिरपूर पोलिसांनी विशेष मोहीम हाती घेतली होती. त्यानुसार पुनवट येथे राहणारा व सध्या नागपूर येथे वास्तव्यास असलेला श्रेयश उर्फ गुड्डु शशिकांत पाटील (वय 24) हा वणीशिरपूर परिसरात एमडी (मेफेड्रोन) या सिंथेटिक ड्रग्सची विक्री करण्यासाठी येणार असल्याची गोपनीय व खात्रीशीर माहिती पोलिसांना मिळाली.
दोन पथके तयार केली
या माहितीच्या आधारे वरिष्ठांच्या मार्गदर्शनाखाली दोन पथके तयार करून चारगाववणी मार्गावर नाकाबंदी करण्यात आली. सायंकाळी चारगावकडून वणीकडे येणारी एक संशयित कार थांबवून तपासणी केली असता आरोपीजवळ 57.1 ग्रॅम एमडी ड्रग्स (अंदाजे किंमत 5 लाख 60 हजार रुपये) आढळून आला.
त्यानंतर पोलिसांनी आरोपीला ताब्यात घेऊन त्याच्याकडून ड्रग्स मोजण्यासाठी वापरण्यात येणारे तीन डिजिटल वजन काटे (15 हजार रुपये), एक मोबाईल फोन (70 हजार रुपये) तसेच तस्करीसाठी वापरलेली आलिशान कार (4 लाख रुपये) असा एकूण 9 लाख 82 हजार रुपयांचा मुद्देमाल जप्त केला.
ही कारवाई पोलिस अधीक्षक कुमार चिंता, अपर पोलिस अधीक्षक अशोक थोरात, उपविभागीय पोलिस अधिकारी सुरेश दळवे यांच्या मार्गदर्शनाखाली शिरपूर ठाणेदार संतोष मनवर, सहायक पोलिस निरीक्षक धीरज गुल्हाने, सुरज साबळे, इकबाल शेख, प्रशांत झोड, पंकज कुडमेथे, परमेश्वर दराडे, किरण दासरवार व सुनिल दुबे यांनी केली.
लेखकाबद्दलसुनिल लाटेसुनिल प्रभाकर लाटे हे ‘महाराष्ट्र टाइम्स ऑनलाइन’मध्ये कन्सल्टंट या पदावर कार्यरत आहेत. ते गेल्या तीन वर्षांपासून पत्रकारिता क्षेत्रात सक्रिय आहेत. महाराष्ट्र टाइम्स ऑनलाइनमध्ये ते स्थानिक बातम्या, लाइव्ह ब्लॉग कव्हरेज, गुन्हेगारी, राजकारण, देश-विदेश, सरकारी योजना, तसेच इन्फ्रास्ट्रक्चर आणि नागरी विकासाशी संबंधित विषयांवर नियमित लेखन करतात. २०२२ मध्ये पत्रकारितेचे शिक्षण पूर्ण केल्यानंतर त्यांनी आपल्या कारकिर्दीची सुरुवात ‘लोकसत्ता ऑनलाइन’ (मुंबई) येथून केली.सुनिल यांनी राजकारण, मनोरंजन, क्रीडा आणि गुन्हेगारी अशा विविध विषयांचे वार्तांकन व विश्लेषण प्रभावीपणे केले आहे. हायपरलोकल न्यूज, क्राईम रिपोर्टिंग, राजकारण आणि चालू घडामोडींवरील नाविन्यपूर्ण डिजिटल कंटेंट लिहिण्याचा त्यांना दांडगा अनुभव आहे. त्यांनी डॉ. बाबासाहेब आंबेडकर मराठवाडा विद्यापीठाच्या वृत्तपत्रविद्या विभागातून पत्रकारितेतील पदव्युत्तर शिक्षण (MA) पूर्ण केले आहे. शिक्षण घेत असतानाच त्यांनी ‘दैनिक दिव्य मराठी’ आणि ‘दैनिक पुण्य नगरी’ यांसारख्या नामांकित वृत्तपत्रांसाठी बातम्या लिहून प्रत्यक्ष कामाचा अनुभव घेतला. यादरम्यान त्यांनी प्रामुख्याने शिक्षण क्षेत्रातील बातम्यांचे कव्हरेज केले.अचूक आणि प्रभावी डिजिटल रिपोर्टिंग ही सुनिल यांची खासियत आहे. गेल्या तीन वर्षांत त्यांनी उत्कृष्ट ‘न्यूज सेन्स’ आणि ‘ब्रेकिंग न्यूज’ कव्हरेजचे संपादन कौशल्य विकसित केले आहे. महाराष्ट्र टाइम्स ऑनलाइनमध्ये काम करताना वेगवान अपडेट्स देणे आणि डिजिटल वाचकांना समजेल अशा सोप्या शैलीत घडामोडींची मांडणी करणे, यात त्यांनी प्राविण्य मिळवले आहे. पत्रकारितेतील नवनवीन तंत्रे शिकून स्वतःला अधिक सक्षम बनवण्यावर त्यांचा सतत भर असतो.पत्रकारितेसोबतच त्यांना फोटोग्राफी, व्हिडिओ एडिटिंग आणि ग्राफिक्स डिझाइनची विशेष आवड असून, जाहिरात क्षेत्रातही त्यांनी काम केले आहे. सर्जनशील लेखनाची ओढ असलेल्या सुनिल यांनी काही लघुपटांचे दिग्दर्शन आणि पटकथा लेखनही केले आहे. तसेच, संगीत आणि गायन क्षेत्रातही त्यांना विशेष रुची आहे.… आणखी वाचा
