देशाचे मुख्य आर्थिक सल्लागार वी. अनंत नागेश्वरन यांनी या चर्चेत झेप घेतली आहे. सरकारकडून E20 पेट्रोल वापरासंबंधित जो आग्रह केला जात आहे, त्याला वी. अनंत नागेश्वन यांच्याकडून विरोध केला जातोय. त्यांनी देशातील पेट्रोलपंपावर E20 पेट्रोलसह E10 पेट्रोलचा पर्यायही उपलब्ध करण्याचा सल्ला दिला आहे. तसेच असे करण्यामागचे कारणही स्पष्ट केले आहे.
नेमकं काय आहे वी. अनंत नागेश्वरन यांचं म्हणणं?
देशाचे मुख्य आर्थिक सल्लागार वी. अनंत नागेश्वरन यांचे म्हणणे आहे की जुन्या वाहनांसाठी देशात E10 पेट्रोलचा पर्याय देण्यात यावा. जुन्या वाहनांमध्ये कार्बोरेटर असतो. इंजिनमध्ये हवा आणि फ्यूल यांच्या वापरात समतोल राखण्याचे काम कार्बोरेटरचे असते. E20 मध्ये Ethanol जास्त प्रमाणात असतो. त्यामुळे त्यात अतिरिक्त ऑक्सीजन असते. या अतिरिक्त ऑक्सीजनमुळे कार्बोरेटरवर दबाव येऊ शकतो आणि इंजिनमध्ये फ्यूलपेक्षा जास्त हवा गेली तर इंजिनवर परिणाम होऊ शकतो. इंजिन खूप गरम होऊ शकते. त्यामुळे वी. अनंत नागेश्वरन यांनी किमान जुन्या वाहनांसाठी तरी पेट्रोलपंपावर E10 पेट्रोलचा पर्याय उपलब्ध करण्याचा सल्ला दिला आहे.
E10 आणि E20 मध्ये फरक काय?
सध्या सरकारकडून E20 पेट्रोल वापरण्याचा आग्रह धरला जात आहे. E20 पेट्रोलमध्ये 20% प्रमाण इथेनॉल चे असते तर उर्वरित 80% पेट्रोल असतो. तर E10 पेट्रोलमध्ये 10% इथेनॉल असते आणि 90% पेट्रोल असतो. पेट्रोल इथेनॉलच्या तुलनेने जास्त ऊर्जा देतो. नागेश्वरन सांगतात की E20 वापरल्यास उपलब्ध उर्जेत 7% ची घट होऊ शकते, परिणामी वाहनाचा मायलेज कमी होण्याची शक्यता असते.
वी. अनंत नागेश्वरन यांनी व्यक्त केली चिंता
भविष्यात जर E27 किंवा E30 सारखा पर्याय आणण्यापूर्वी सरकारने त्यासाठी वापरण्यात येणाऱ्या जमिनी, पीक आणि पाण्याचाही विचार करण्यात यावा असा सल्ला नागेश्वरन यांनी दिला आहे. या प्रक्रियेमुळे अन्नधान्य आणि पशूखाद्यावर होणाऱ्या परिणामाविषयी चिंता त्यांनी व्यक्त केली आहे.
LPG eKYC Deadline: एलपीजी कनेक्शनसाठी ई-केवायसी करण्याची मुदत वाढवली; शेवटची तारीख काय? सोपी आहे प्रक्रियाअमेरिकेत आणि भारतात करण्यात आली चाचणी
वी. अनंत नागेश्वरन यांचे म्हणणे आहे की उपलब्ध असणाऱ्या पुराव्यांचा अभ्यास केला तर त्यातून E20 च्या वापरामुळे इंजिन खराब होतो असा निष्कर्ष काढणे योग्य नाही. या संदर्भात अमेरिकेत आणि भारतात विशेष चाचण्याही पार पडल्या. या चाचण्यांमध्ये E20 च्या वापरामुळेच वाहनांची झीज होते किंवा वाहनांचे नुकसान होते असे सिद्ध झाले नाही. परंतु, जुन्या वाहनांसाठी E20 चा वापर करणे याविषयी त्यांनी चिंता व्यक्त केली आहे.
लेखकाबद्दलदिवेश चव्हाणदिवेश दिनेश चव्हाण हे मराठी पत्रकार असून ते सध्या महाराष्ट्र टाइम्स येथे कंटेंट रायटर म्हणून कार्यरत आहेत. ऑगस्ट 2026 पासून ते महाराष्ट्र टाइम्स येथे अर्थ, पर्सनल फायनान्स आणि देश-विदेशातील बातम्यांसंबंधित लेखन करत आहेत. शेअर बाजारातील घडामोडी, बँकिंग, नवे आर्थिक धोरण आणि तांत्रिक नियम अतिशय सोप्या भाषेत आणि सविस्तर पद्धतीने समजावून सांगणे हे त्यांचे वैशिष्ट्य आहे.
यापूर्वी ते नवराष्ट्र या मराठी वेबसाइटसाठी कंटेंट रायटर म्हणून काम करत होते. या काळात त्यांनी अर्थ, व्यवसाय, करिअर आणि नोकरीसह विविध क्षेत्रातील घडामोडींचे वार्तांकन केले आहे. यासोबतच काल्पनिक कथा लेखन आणि एखाद्या कथेचे स्वारस्यपूर्ण विश्लेषण करण्यातही ते पटाईत आहेत.
त्यांचे शिक्षण ठाणे येथील जोशी बेडेकर महाविद्यालयात झाले. याच ठिकाणी त्यांनी पत्रकारितेचे शिक्षण पूर्ण केले. त्यांच्याकडे मास्टर ऑफ आर्ट्स इन मल्टीमीडिया अँड मास कम्युनिकेशन ही पदव्युत्तर पदवी आहे. विविध विषयांवर अचूक आणि विश्वासार्ह बातम्या पुरवणे हा त्यांच्या लेखन, पत्रकारितेच्या माध्यमातून वाचकांना दर्जेदार माहिती देऊन त्यांना जागतिक घडामोडींविषयी जागरुक ठेवणे हा त्यांचा हेतु आहे.
जोशी बेडेकर महाविद्यालयात शिक्षण घेत असताना महाविद्यालयीन वार्षिक अंक Rta मध्ये इंग्रजी रिपोर्टींग विभागाचे हेड म्हणून त्यांनी कारोभार सांभाळला आहे.… आणखी वाचा
