शिवसेनाप्रमुख बाळासाहेब ठाकरे यांच्या स्मृतिदिनानिमित्त ठाण्यातील टेंभी नाका येथील आनंद आश्रम या ठिकाणी मुख्यमंत्री एकनाथ शिंदे यांनी बाळासाहेबांच्या प्रतिमेला अभिवादन केले. आनंद मठामध्ये यावेळेस माजी महापौर आणि शिंदे गट प्रवक्ते नरेश म्हस्के यांच्यासह सर्व माजी नगरसेवक देखील उपस्थित होते.
मुख्यमंत्री एकनाथ शिंदे यांच्या उपस्थितीत अनेक जणांनी बाळासाहेबांची शिवसेना पक्षाचा झेंडा हाती घेतला. दोन दिवसांपूर्वी ठाण्यातील श्रीनगर पोलीस ठाण्याच्या हद्दीत ठाकरे गट अणि शिंदे गटात राडा झाला होता. त्या वेळेस ठाकरे गटात असणाऱ्या काही कार्यकर्त्यांनी मुख्यमंत्री एकनाथ शिंदे यांच्या उपस्थितीत हा पक्ष प्रवेश करण्याचा निर्णय घेतला.
हेही वाचा : नाराजीच्या चर्चांवर अमोल कोल्हे रोखठोक, स्टार प्रचारकांची यादी तयार करणं माझ्या हातात कुठे?
ठाण्यात राडा
दोनच दिवसांपूर्वी ठाण्यात तुफान राडा झालेला पाहायला मिळालाय. ठाण्यात पुन्हा एकदा शिंदे गट आणि ठाकरे गट आमनेसामने आल्याचं पाहायला मिळालं. किसन नगरमध्ये ठाकरे आणि शिंदे गट आमनेसामने आले. शिंदे गटाच्या कार्यकर्त्यांकडून ठाकरे गटाच्या कार्यकर्त्यांना प्रचंड मारहाण करण्यात आल्याचा आरोप करण्यात येतोय.
संबंधित प्रकार कॅमेऱ्यातही कैद झालाय. विशेष म्हणजे या मारहाणीवेळी खासदार राजन विचारे हे देखील घटनास्थळी होते. किसन नगरमध्ये ठाकरे गटाकडून मेळावा घेण्यात येत होता. यावेळी शिंदे गटाचे कार्यकर्ते योगेश जानकर यांच्याकडून ठाकरे गटाच्या कार्यकर्त्यांवर मारहाण करण्यात आल्याचा आरोप करण्यात येतोय.
हेही वाचा : राष्ट्रवादीतून शिवसेनेत, मुंबईतील दिग्गज नेत्याच्या कन्येची युवासेना कार्यकारिणीत नियुक्ती
लेखकाबद्दलटीम मटा ऑनलाइनमहाराष्ट्र टाइम्स ऑनलाइन हा गेल्या २६ वर्षांपासून महाराष्ट्रातील अग्रगण्य पोर्टल आहे. राजकीय, सामाजिक, आर्थिक, कला, क्रीडा, मनोरंजन, लाइफस्टाइल या विषयावर बातम्या देण्याचा आणि वाचकांना अपडेट ठेवण्याचे काम केले जाते. या टीममधील प्रत्येक पत्रकार हा वाचक हा केंद्र बिंदू मानून त्यांना बित्तमबातमी देण्याचा प्रयत्न करतो.… आणखी वाचा
