मुख्यमंत्री एकनाथ शिंदे यांच्या गटातील शिक्षण सम्राट डॉ. तानाजी सावंत यांच्या शिक्षण संस्थेच्या विद्यापीठाला राज्य सरकारने हिरवा कंदील दाखवला आहे. आगामी विधिमंडळ अधिवेशनात स्वयंअर्थसहाय्यित विद्यापीठाबाबतचे विधेयक मांडले जाणार आहे. हे विद्यापीठ २०२३-२४ या शैक्षणिक वर्षापासून सुरु होणार आहे. पुणे जिल्ह्यातील हवेली तालुक्यातील वाघोली येथे हे विद्यापीठ स्थापन केले जाणार आहे.
तानाजी सावंत यांनी १९९८ मध्ये स्थापन केलेली जयवंत शिक्षण प्रसारक मंडळ (जेएसपीएम) ही शिक्षण संस्था अभियांत्रिकी, वैद्यकीय, संगणक आणि व्यवस्थापन क्षेत्रात कार्यरत आहे.
फडणवीस सरकारमध्ये मंत्रिपद उपभोगलेल्या तानाजी सावंत यांना उद्धव ठाकरे सरकारमध्ये संधी मिळाली नव्हती. त्यामुळे ते नाराज होते. महाविकास आघाडीचे सरकार असताना राष्ट्रवादीकडून शिवसेनेच्या पदाधिकारी-कार्यकर्त्यांना त्रास दिला जात असल्याची तक्रारही त्यांनी वारंवार केली होती.
एकनाथ शिंदे यांच्या बंडात तानाजी सावंतही सामील झाले होते. शिंदे-फडणवीस सरकारमध्ये त्यांना कॅबिनेट आरोग्य मंत्रिपदाची धुरा सोपवण्यात आली. आता त्याच्या शिक्षण संस्थेच्या विद्यापीठाला मान्यता मिळाल्याने डबल बोनस मिळाला आहे.
हेही वाचा : ठाण्यातील राड्यावेळी ठाकरे गटात, दोनच दिवसात बाळासाहेबांच्या शिवसेनेत प्रवेश
दरम्यान, राज्यातील अकृषी विद्यापीठांचे कुलगुरू व प्र-कुलगुरू यांची निवड आता विद्यापीठ अनुदान आयोगाने विहित केलेल्या कार्यपद्धतीनुसार होणार आहे. यासंदर्भात महाराष्ट्र सार्वजनिक विद्यापीठ अधिनियम, २०१६ च्या विविध कलमांमध्ये सुधारणा करण्याचा निर्णय राज्य मंत्रिमंडळाच्या बैठकीत घेण्यात आला असून त्याबाबत अध्यादेश जारी करण्यात येणार आहे.
हेही वाचा : नाराजीच्या चर्चांवर अमोल कोल्हे रोखठोक, स्टार प्रचारकांची यादी तयार करणं माझ्या हातात कुठे?
लेखकाबद्दलअनिश बेंद्रेअनिश बेंद्रे हे महाराष्ट्र टाइम्स ऑनलाइनमध्ये सहाय्यक वृत्त संपादक या पदावर कार्यरत आहेत. ते मटा ऑनलाईनमध्ये २०२२ पासून कार्यरत आहेत. टीव्ही आणि डिजिटल अशा दोन्ही माध्यमांचा एकत्रित १३ वर्षांचा अनुभव त्यांच्या गाठीशी आहे. त्यांना राजकारण, समाजकारण यासोबतच मनोरंजन, गुन्हेगारी यासारख्या विविध विषयांवरील बातम्यांचे लेखन करण्याचा अनुभव आहे.
पत्रकारितेतील अनुभव
अनिश बेंद्रे यांनी टीव्ही माध्यमातून पत्रकारितेला सुरुवात केली. एबीपी माझा वृत्तवाहिनीत सर्वप्रथम त्यांना प्रॉडक्शन आणि टिकर विभागात काम करण्याची संधी मिळाली. मराठी भाषेवरील प्रभुत्वामुळे त्यांनी लिहिलेल्या आकर्षक हेडलाईन्स सहकाऱ्यांसह प्रेक्षकांची वाहवा मिळवून गेल्या. त्यानंतर २०१५ मध्ये एबीपी माझा वृत्तवाहिनीच्याच वेब टीमसोबत त्यांनी डिजिटल विश्वात कामाचा श्रीगणेशा केला. डिजिटल माध्यमासाठी लेखन करण्याचं आव्हान पेलताना त्यांनी लक्षवेधी मथळे लिहिण्याचं कसब आत्मसात केलं. एबीपी समुहासोबत जवळपास ६ वर्षांच्या कार्यकाळात त्यांनी विविध जबाबदाऱ्या पार पाडल्या. ट्रेनी, असिस्टंट प्रोड्युसर पदापासून प्रोड्युसरपर्यंत संधी मिळवली. मराठी भाषा दिवस, आंतरराष्ट्रीय पुरुष दिन, विवाहबाह्य संबंधावरील सुप्रीम कोर्टाचा निर्णय, वर्ल्ड टीव्ही डे यासारख्या विषयांवर त्यांनी केलेल्या डॉक्युमेंट्रीही विशेष गाजल्या.
पुढे टीव्ही९ मराठी वृत्तवाहिनीच्या वेबसाईटसोबत त्यांनी चार वर्ष काम केलं. यावेळी त्यांच्यातील नेतृत्व गुणांना वाव मिळाला. मॉर्निंग शिफ्ट इन्चार्ज म्हणून काम करताना बातमी लेखनाचं तंत्र शिकवण्यासोबतच त्यांनी सहकाऱ्यांना वेळोवेळी मार्गदर्शन केले. टीमसोबत समन्वय राखणे, प्रत्येकातील गुण हेरुन त्यानुसार कामाची विभागणी करणे यामध्ये त्यांचा हातखंडा आहे. कारकिर्दीच्या १३ वर्षांपैकी दहाहून अधिक वर्ष त्यांनी डिजिटल विश्वात काम केलं आहे. या काळात लोकसभा-विधानसभा-महापालिका यासारख्या विविध निवडणुकांचा त्यांनी बारकाईने अभ्यास केला आहे.
अनिश बेंद्रे २०२२ पासून महाराष्ट्र टाइम्स ऑनलाईनसोबत काम करत आहेत. सुरुवातीपासूनच मॉर्निंग शिफ्ट इन्चार्ज म्हणून काम करताना त्यांनी सहाय्यक वृत्त संपादक पदापर्यंत उन्नती मिळवली आहे. बातम्यांच्या सखोल विश्लेषणासोबतच बातमीमागील बातमी जाणून घेण्यात त्यांना रस आहे. बातमीचे विविध पैलू जाणून घेत सोप्या भाषेत ते प्रेक्षकांपर्यंत पोहोचवण्याचा त्यांचा प्रयत्न असतो. मानसशास्त्र विषयातील अभ्यासामुळे गुन्हेगारी बातम्या उलगडून सांगण्यात त्यांना मदत होते. याशिवाय मटा मॉर्निंग बुलेटिनच्या सूत्रसंचालनाची जबाबदारी त्यांनी स्वीकारली होती. तसंच मटा पत्रकार परिषद या निवडणूक विषयक कार्यक्रमाची संकल्पना-संयोजन आणि सूत्रसंचालनही त्यांनी केले होते. निवडणुकांच्या निमित्ताने त्यांनी विविध मान्यवरांच्या मुलाखती घेतल्या, सखोल राजकीय विश्लेषण केले, तसेच सामान्य नागरिकांशी संवाद साधणारे काही कार्यक्रमही व्हिडिओ टीमसोबत केले.
शैक्षणिक पात्रता
अनिश बेंद्रे यांनी २०१२ मध्ये रुपारेल महाविद्यालयातून मानसशास्त्र विषयात पदवी संपादन केली. त्यानंतर झेवियर्स महाविद्यालयातून मास कम्युनिकेशन विषयात पदव्युत्तर शिक्षण घेतले. मराठीसोबतच हिंदी, इंग्रजी, संस्कृत आणि जपानी भाषेचाही त्यांनी अभ्यास केला आहे.… आणखी वाचा
