Thalapthy Vijay Divorce : थलपती विजयची पत्नी संगीतानं घटस्फोटाचा अर्ज मागे घेतला आहे.
Trisha-Thalapathy Vijay relationship : त्रिशा जयललितांची जागा घेणार? MGRप्रमाणे विजयसाठी ‘लेडी लक’
संगीतानं घटस्फोट मागे घेतला
ANI च्या वृत्तानुसार, संगीतानं आपले पती, मुख्यमंत्री सी. जोसेफ विजय यांच्याविरुद्ध दाखल केलेली घटस्फोटाची याचिका मागे घेतली आहे. संगीतानं याचिका मागे घेतल्यानंतर, चेंगलपट्टू न्यायालयानं विजय यांच्याविरुद्ध दाखल केलेला घटस्फोटाचा खटला बंद केला.
विजय आणि संगीता यांंचं लग्न
विजयनं संगीता सोरनालिंगमशी २५ ऑगस्ट १९९९ रोजी लग्न केलं. मूळची श्रीलंकन तमिळ कुटुंबातील असलेली संगीता, लग्नापूर्वी विजयची चाहती होती. भेटीनंतर त्यांच्या मैत्रीचं रुपांतर प्रेमात झालं आणि त्यांनी लग्न करण्याचा निर्णय घेतलां. लग्नानंतर, संगीता अनेक वर्षे विजय यांच्सोयाबत सार्वजनिक कार्यक्रमांमध्ये दिसू लागली आणि तिनं त्यांच्या कौटुंबिक जीवनात महत्त्वाची भूमिका बजावली. त्यांना दोन मुलं आहेत.
लग्नाच्या २७ वर्षांनंतर, विजय आणि संगीता यांच्या नात्यात दुरावा निर्माण झाल्याच्या चर्चा होऊ लागल्या. २०२६ मध्ये, संगीतानं चेंगलपट्टू कौटुंबिक न्यायालयात घटस्फोटासाठी याचिका दाखल केली. मिळालेल्या माहितीनुसार, संगीतानं तिच्या घटस्फोटाच्या याचिकेत विजय यांच्यावर गंभीर आरोप केले होते. या याचिकेत सीएम विजय यांच्यावर विश्वासघाताचा आरोप करण्यात आला असून, विजय यांचे एका अभिनेत्रीसोबत विवाहबाह्य संबंध असल्याचा दावा करण्यात आलेला. पण, विजय यांनी या आरोपांवर मौन बाळगलं. सुनावणी अनेक वेळा पुढे ढकलण्यात आली आणि न्यायालयानं दोन्ही पक्षांच्या उपस्थितीबाबत निर्देश जारी केले. याच काळात, विजय यांनी आपल्या राजकीय कारकिर्दीत वेगाने प्रगती केली आणि ते तामिळनाडूचा मुख्यमंत्री बनले.
लेखकाबद्दलतेजश्री कुलयेतेजश्री कुलये महाराष्ट्र टाइम्स ऑनलाईनमध्ये गेल्या एक वर्षापासून ‘कन्सल्टन्ट’ या पदावर कार्यरत आहेत. डिजिटल पत्रकारितेची सुरुवात त्यांनी ‘महाराष्ट्र टाइम्स ऑनलाईन’ मधूनच केली. पत्रकारितेचा डिप्लोमा करत असताना त्यांना महाराष्ट्र टाइम्स ऑनलाईनमध्ये इंटर्नशिप करण्याची संधी मिळाली. इंटर्नशिप करताना बऱ्याच नव्या गोष्टी शिकायला मिळाल्या. वेब स्टोरी, फोटो गॅलरी करण्यात त्यांचा हातखंडा आहे. चार महिने इंटर्नशिप केल्यानंतर त्यांना महाराष्ट्र टाइम्स ऑनलाईनमध्येच ‘कन्सल्टन्ट’ म्हणून नेमण्यात आलं.
तेजश्री यांना मनोरंजन क्षेत्रातील घडामोडींसोबतच, चालू घडामोडी, क्राईम, राजकीय, फॅशन, या विषयांवर बातम्या लिहिण्याचा अनुभव आहे. वाचकांची दिशाभूल न करता, घडलेली घटना साध्या आणि सोप्या शब्दांत वाचकांपर्यंत कशी पोहोचेल, हाच कायम त्यांचा प्रयत्न असतो. मनोरंजन क्षेत्रातील नवनवीन बदल, गोष्टी जाणून घेण्यासाठी कायम त्यांची धडपड असते. अनेक कलाकारांच्या मुलाखती ऐकून त्याचा ‘सार’ वाचकांपर्यंत पोहोचवण्याचा त्यांचा कायम प्रयत्न असतो. मालिकांची आवड असल्यामुळे त्यातील काही रंजक गोष्टी त्या सोप्या भाषेत वाचकांपर्यंत पोहोचवतात. एखादा सिनेमा किंवा वेब सीरिजवर वाद सुरू असेल तर तेजश्री स्वतः ती कलाकृती पाहून त्यानंतरच त्या विषयावर लेखन करतात.
तेजश्री यांना शाळा शिकत असतानाच मराठी भाषेची गोडी निर्माण झाली, त्यामुळे मराठी भाषेत काहीतरी करायचं, असं त्यांनी शालेय जीवनातच ठरवलं. म्हणूनच त्यांनी ‘मराठी साहित्य’ मध्ये पदवी (BA In Marathi Literature) घेण्याचा निर्णय घेतला. मराठी भाषेचा इतिहास, साहित्यशास्त्र, भाषाविज्ञान या विषयाचा गाढा अभ्यास त्यांनी केला. महाविद्यालयाच्या मासिकासाठी त्यांनी लेखन केलं आहे. ‘मराठी साहित्यात’ पदवी घेत असतानाच नाटक, कविता, कथा, कादंबरी, या कलाकृतींची गोडी अधिकच वाढली. तेजश्री यांनी वझे केळकर महाविद्यालयातून पदवी घेतली आहे. BA In Marathi Literature मध्ये त्यांनी दुसरा क्रमांक मिळवला आहे. पदवीनंतर तेजश्री यांनी CHM महाविद्यालयातून मराठी साहित्यातच पदव्युत्तर (MA In Marathi Literature) शिक्षण घेतलं. त्यावेळीही त्यांनी नाट्यशास्त्र, साहित्यशास्त्र या विषयांचा सखोल अभ्यास केला. महाविद्यालयीन शिक्षण घेत असताना पहिली ते पाचवीच्या विद्यार्थ्यांचे क्लासेसही त्यांनी घेतले आहेत.
पदव्युत्तर शिक्षणानंतर तेजश्री यांनी मुंबई विद्यापीठाच्या गरवारे शिक्षण संस्थेतून मराठीमध्ये पत्रकारितेचा डिप्लोमा केला. पत्रकारितेच्या डिप्लोमामध्ये त्यांनी दुसरा क्रमांक पटकवला. पत्रकारितेच्या डिप्लोमानंतर तेजश्री यांचा ‘महाराष्ट्र टाइम्स ऑनलाईन’ मध्ये प्रवास सुरू झाला असून त्या रंजक आणि विश्वासार्ह माहिती वाचकांपर्यंत पोहोचवण्याचं काम करत आहेत.… आणखी वाचा
