Stock Market Today 2nd July: अमेरिका आणि दक्षिण कोरियाच्या शेअर मार्केटमध्ये AI Stocks मध्ये सुधारणेचा रंग हावी झाल्याचं पाहायला मिळत आहे. आदल्या दिवशी अमेरिकी शेअर बाजारात अस्थिरता दिसून आली तर गुरुवारी सकाळी आशियाई बाजार विशेषतः कोरियन आणि जपानी बाजारातील AI आणि सेमीकंडक्टर स्टॉकमध्ये विक्रीचा जोर दिसून आला, पण या उलट भारतीय शेअर मार्केटमध्ये तेजीसह व्यवहाराची सुरुवात झाली आहे.
आशियाई बाजाराला घसरणीचे ग्रहण
दुसरीकडे, गुरुवारी सकाळी (2 जुलै) आशियाई बाजारांमध्ये जोरदार घसरण पाहायला मिळत आहे. AI बद्दल वाढत्या चिंतेच्या पार्श्वभूमीवर दक्षिण कोरियाचा कोस्पी निर्देशांक जवळपास 7% घसरला. सॅमसंग इलेक्ट्रॉनिक्स आणि SK हायनिक्स यासारख्या प्रमुख चिप कंपन्यांचे शेअर्स 8% हून जास्त कोसळले. तसेच, मेटा आणि ॲपलशी संबंधित हालचालींनी देखील गुंतवणूकदारांची चिंता वाढवली, ज्यामुळे अमेरिकेतील कंपन्यांसह जागतिक चिप स्टॉक्समध्ये मोठी विक्री झाली.
8th Pay Commission लागू होण्याआधीच केंद्रीय कर्मचाऱ्यांना मिळणार मोठी भेट; 3 टक्के वाढणार DA, हातात किती येणार पगार?
गुंतवणूकदार सध्या AI क्षेत्रातील मोठ्या गुंतवणुकीतून मिळणाऱ्या परतावा आणि वाढत्या स्पर्धेबद्दल सावध भूमिका घेत असल्याचे तज्ज्ञांचे म्हणणे आहे. याचा परिणाम भविष्यात जागतिक टेक आणि भारतीय आयटी स्टॉक्सवर होऊ शकतो.
कोरियाई बाजारात विक्रीचा हाहाकार
बुधवारी दक्षिण कोरियाच्या शेअर बाजारात मोठी घसरण दिसून आली आणि व्यवहार दरम्यान, कोस्पी निर्देशांक जवळपास 7% घसरणीसह व्यवहार करत असून आर्टिफिशियल इंटेलिजन्स (AI) क्षेत्राबद्दल वाढणारी चिंता या घसरणीमागचे मुख्य कारण आहे. AI-संबंधित कंपन्यांच्या भविष्य आणि क्षेत्रात होणाऱ्या मोठ्या गुंतवणुकीबद्दल प्रश्नचिन्ह निर्माण झाल्याने गुंतवणूकदारांनी नफा बुक करत आहेत.
कोरियन बाजारातील घसरणीचा सर्वाधिक फटका सेमीकंडक्टर कंपन्यांना बसला. सॅमसंग इलेक्ट्रॉनिक्स आणि SK हायनिक्स यासारख्या प्रमुख चिप उत्पादक कंपन्यांचे शेअर्स 8% हून अधिक घसरले, ज्या जगातील आघाडीच्या AI मेमरी चिप उत्पादकांपैकी आहेत. अशाप्रकारे अमेरिका आणि आशियाई बाजारातील घसरणीचा मागोवा घेत भारतीय आयटी आणि टेक स्टॉक्सवरील परिणामांची भीती लागून असून यामुळे भारतीय गुंतवणूकदारही जागतिक बाजारातील या घसरणीवर लक्ष ठेवून आहेत.
भारतीय शेअर बाजारातील स्थिती काय
अमेरिका आणि आशियाई बाजारांमध्ये घसरणीचा दबाव कायम असताना दुसरीकडे, भारताच्या शेअर मार्केटमध्ये तेजीचं धारा बरसल्या आहेत. बाजारात उत्साहाचे वातावरण असून गुरुवारी सेन्सेक्स आणि निफ्टी निर्देशांकांनी हिरव्या रंगात सुरुवात केली. निफ्टी 56 अंकांनी वाढून 24,062 अंकांवर उघडला, तर सेन्सेक्स 162 अंकांनी वाढून 77,083 अंकांवर बंद पोहोचला. त्याचवेळी, IT स्टॉक्समध्ये लक्षणीय तेजी दिसून आली असून त्याचा फायदा निर्देशांकाला झाला आणि 0.49% वधारला.
लेखकाबद्दलप्रियांका वर्तकप्रियांका वसंत वर्तक या 2023 पासून महाराष्ट्र टाइम्स ऑनलाईनमध्ये डिजिटल कन्टेन्ट प्रोड्युसर पदावर काम करत आहेत. 2015 पासून डिजिटल मीडियामध्ये विविध वेबपोर्टलसाठी काम केले असून क्रीडा आणि बिझनेस यासारख्या विषयांवरील बातम्यांचं लेखन आणि कव्हरेज करायचा दहा वर्षाचा अनुभव आहे.
मुंबई विद्यापीठातून बीएमएम आणि मग मास्टर्सच शिक्षण घेतल्यावर त्यांनी एनडीटीव्हीमध्ये या अग्रगण्य वृत्तवाहिनीमध्ये इंटर्नशीप केली. मग एनबीटी या वृत्तपत्रात शिक्षण आणि मनोरंजन डेस्कवर काम केले. इथे काम करताना त्यांनी शिक्षण व मनोरंजनाशी संबंधित मुलाखती घेतल्या. त्यानंतर 2016 मध्ये फ्री प्रेस जर्नल या इंग्रजी वृत्तपत्रातील ऑनलाईन डिपार्टमेंटमध्ये तीन वर्ष केले जिथे त्यांनी मनोरंजन आणि क्रीडा क्षेत्रातील घडामोडींचे कव्हरेज सुरु करून तीन वर्षाचा अनुभव घेतला.
पत्रकारिता क्षेत्रात 15 वर्षांचा अनुभव
2019 मध्ये लेट्सली या मराठी वेबसाईटसाठी क्रीडा क्षेत्रात न्यूज रायटर म्हणून काम केले. मे 2023 मध्ये महाराष्ट्र टाइम्समध्ये सर्वप्रथम कन्सल्टंट म्हणून तीन महिन्यांचा अनुभव घेतला. या दरम्यान बिझनेस आणि क्रीडा क्षेत्रातील घडामोडी जसे की आयपीएल आणि वेगवेगळ्या क्रीडा मालिका तसेच बिझनेसमध्ये वेतन आयोगासह आंतरराष्ट्रीय घडामोडी कव्हर केल्या.
2023 मध्ये फुल-टाइम्स बिझनेस कव्हरेज सुरु केले. व्यापार कार्यक्षेत्रातील बातमी आणि विश्लेषण लेखांना प्राधान्य दिलं. आंतराष्ट्रीय तसेच राष्ट्रीय शेअर मार्केट, रिअल इस्टेट आणि व्यापार उद्योगाशी संबंधित घडामोडी आदी विषयांवर लेख मालिका लिहिले. केंद्रीय अर्थसंकल्प, अमेरिकेसोबत ट्रेड डील आणि त्यांचा जनसामान्यांसोबत भारतीय अर्थव्यवस्थेवर होणार परिणाम यांचे विश्लेषण केले.
शैक्षणिक पात्रता
प्रियांका वर्तक यांनी 2014 मध्ये विद्याविहार येथील एस.के. सोमैया महाविद्यालयातून मीडिया व जर्नालिसममधून पदवी आणि पदव्युत्तर शिक्षण घेतले. महाविद्यालयीन काळात बॅडमिंटन आणि क्रिकेट यासारख्या खेळात भाग घेऊन पारितोषिके जिंकली. खेळ, चित्रपट, संगीत, पर्यटन यामध्ये प्रियांका यांना रुची आहे.… आणखी वाचा
