Sohail Khan Alliance Fees: पारंपरिक टीव्ही चॅनेलवरील रिअॅलिटी शोजपेक्षा आता ओटीटीवरील शोज स्पर्धकांना आकर्षित करण्यासाठी मोठे बजेट आणि मानधन ऑफर करत आहेत. दररोज टेलिकास्ट होणाऱ्या एपिसोड्समुळं प्रेक्षकवर्ग सतत जोडला गेला आहे आणि यामुळंच निर्मिती संस्था स्पर्धकांच्या फीवर मोठा खर्च करण्यास मागंपुढं पाहत नाहीत. आता सोहेल खानच्या मानधनाची चर्चा सुरू आहे.
सोहेल खान ‘ द अलायन्स’ मध्ये सहभागी झाल्यानंतर सोशल मीडियावर वेगवेगळ्या चर्चा रंगल्या होत्या. खान कुटुंबातील सदस्य पहिल्यांदाच रिअॅलिटी शोमध्ये स्पर्धक म्हणून दिसल्यानं उत्सुकताही होती. आता बॉलिवूडच्या इतक्या मोठ्या कुटुंबातील सदस्य शोमध्ये सहभागी झाल्यानं त्याच्या मानधानाचीही चर्चा सुरू आहे. या शोच्या विजेत्याला मिळणारी बक्षिसाची रक्कम आणि स्पर्धकांना मिळणारं मानधन यावरून सोशल मीडियावर जोरदार चर्चा सोशल मीडियावर पाहायला मिळतेय.
सोहेल खान हा शोमधील प्रमुख स्पर्धकांपैकी एक होता. समोर आलेल्या अहवाल आणि चर्चांनुसार, सोहेल खान याचं एका आठवड्याचं मानधन या शोच्या विजेत्याला मिळणाऱ्या एकूण रोख रक्कमेपेक्षाही अधिक असल्याचं समजतं.
५० लाखांचं विजेतेपद विरुद्ध स्टार स्पर्धकांचं मानधन
‘द अलायन्स‘ या शोच्या विजेत्याला तब्बल ५० लाख इतकी रोख रक्कम आणि विजेतेपदाची ट्रॉफी मिळणार आहे. मात्र, शोमधील काही सेलिब्रिटी स्पर्धकांना दर आठवड्याला मिळणारं मानधन या विजेतेपदाच्या रक्कमेलाही मागं टाकत असल्याचं म्हटलं जातंय.काही रिपोर्ट्सनुसार, सोहेल खान आणि कुशाल टंडन सारख्या मोठ्या स्टार्सना दर आठवड्याला ५० लाख किंवा त्याहून अधिक मानधन दिलं जात असल्याची चर्चा रंगली आहे.
Pradeep Rawat son: उचक्या यायच्या, कोणाला वाटेल हा कॅन्सर असेल, ICUत त्यांना पाहिलं अन् आईच्या अश्रुंचा बांध फुटला; प्रदीप रावत यांच्या मुलाने सांगितला हृदयद्रावक प्रसंग
सोहेल खाननं शोमध्ये अनेक आठवडे घालवले असून फिनालेच्या अगदी आधी तो एलिमिनेट झाला आहे.जर या चर्चांमधील आकडेवारी पाहिली, तर सोहेल खाननं शोमध्ये घालवलेल्या एकाच आठवड्यात विजेत्याच्या एकूण बक्षिसाइतकी कमाई केली आहे, तर संपूर्ण सीझनमधील त्यांच्या एकूण मानधनाचा आकडा विजेत्याच्या बक्षिसाच्या कित्येक पटीनं जास्त ठरतोय.
Star Pravah Serial:ती गोड बोलते, पण तिच्या प्रत्येक कृतीमागे एक वेगळा हेतू असतो; स्टार प्रवाहच्या मालिकेत दिसणार अमृता धोंगडे, भूमिकेची चर्चा
सोहेल खानचा शोमधील प्रवास आणि सलमान खानची हजेरी
सोहेल खाननं ‘अलायन्स’मध्ये आपल्या वैयक्तिक आयुष्याबद्दल आणि माजी पत्नी सीमा सजदेहसोबतच्या संबंधांबद्दल मोकळेपणानं भाष्य केलं होतं. सीमा सजदेह हिनंही वाइल्डकार्ड एंट्री घेतल्यानंतर या दोघांमधील संवाद आणि बॉन्डिंग प्रेक्षकांच्या पसंतीस उतरलेलं.तसंच, बॉलिवूड सुपरस्टार सलमान खान यांनीही आपल्या भावाला पाठिंबा देण्यासाठी ‘अलायन्स’च्या सेटवर विशेष हजेरी लावली होती.
Sachin Deshpande Interview : रिल्स स्टारमुळे आम्हाला कोणी विचारत नाहीये, सचिन देशपांडेंची खदखद
दरम्यान, कुशल टंडन , सोहेल खान ,अली गोनी, वंशज सिंग , डेझी शाह हे या शोमधील मुख्य स्पर्धकांपैकी एक मानले जात होते.कलाकारांच्या मानधनाबद्दल बोलायचं झालं तर ‘द अॅलायन्स’ शोमध्ये एकूण १६ लोकप्रिय सेलिब्रिटीज सहभागी झाले होते. इतर रिअॅलिटी शोजप्रमाणेच या शोमध्येही स्पर्धकांचं मानधन त्यांच्या लोकप्रियतेवर आणि इंडस्ट्रीतील अनुभवावर आधारित ठरवलं गेलं होतं.
लेखकाबद्दलभाग्यश्री रसाळ“भाग्यश्री चंद्रकांत रसाळ, महाराष्ट्र टाइम्स ऑनलाइनमध्ये प्रिन्सिपल डिजिटल कंटेंट प्रोड्युसर या पदावर कार्यरत आहे. दोन महिन्यांसाठी इंटर्न म्हणून इथे सुरू झालेला हा त्यांचा प्रवास हा प्रिन्सिपल डिजिटल कंटेंट प्रोड्युसर या पदापर्यंत पोहोचला आहे. या नऊ वर्षांच्या करिअरमध्ये त्यांनी कॉपी एडिटर, सिनिअर कॉपी एडिटर, डिजिटल कंटेंट प्रोड्युसर, सिनिअर डिजिटल कंटेंट प्रोड्युसर या वेगवेगळ्या पदांवर केले.
जनरल बातम्यांसोबत त्यांचा सुरू झालेला हा प्रवास लाइफस्टाइल, ऑटो, टेक अशा बातम्यांसोबत आता मनोरंजन क्षेत्रातल्या बातम्यांपर्यंत आला आहे. डिजिटल प्लॅटफॉर्मवर वाचकांची नस ओळखून आशय म्हणजेच कंटेंट तयार करण्यात हातखंडा आहे.
गेल्या तीन वर्षापासून मनोरंजन टीम हाताळताना या क्षेत्रातल्या बऱ्याच गोष्टी त्यांना नव्याने शिकता आल्या. तसेच टीममधील इतरांसोबत ते अनुभव शेअर करता आले. या अनुभवांच्या जोरावर काम करतना त्यातून सर्वोत्तम निकालही त्यांना मिळवता आला. डिजिटल क्षेत्रात काम करताना प्रेक्षकांची दिशाभूल न करता पेज व्ह्यूज, युझर्सच्या स्पर्धेतही टिकून राहत राहण्यात त्यांचं विशेष कौशल्य आहे. या क्षेत्रातील नवनवीन गोष्टी, रंजकपणे वाचकांना समजेल अशा सोप्या भाषेत पोहोचवण्यासीठी त्या प्रयत्नशील असतात. त्यांनी सिनेइंडस्ट्रीतल्या फिल्मफेअर, मटा सन्मान यांसारख्या मानाच्या पुरस्कार सोहळ्यांचे लाइव्ह डिजिटल वार्तांकन केले आहे.
विविध विषयांवरच्या बातम्यांच्या लिखाणासोबतच सोशल मिडिया सांभाळण्याचा अनुभव.डिजिटल दिवाळी अंक, महिला दिन विशेष कव्हरेजमध्ये सहभाग. केंद्रीय अर्थसंकल्प, सेलिब्रिटींचे निधन अशा काळत सोशल मीडिया एकहाती हाताळण्याचा अनुभव. कामाची घेत दखल संस्थेअंतर्गतील वेगवेगळ्या तीन पुरस्कारांनी गौरव. काम करत असतानाच संस्थेअंतर्गत काही कौशल्य कोर्सेसही पूर्ण केले. यात फोटो शॉपसह इतक सॉफ्टवेअर शिकण्याची संधी मिळाली.त्यांनी केवळ मनोरंजनच नव्हे, तर ‘आईपणाचं डिप्रेशन’ (Postpartum Depression) यांसारख्या गंभीर आणि संवेदनशील सामाजिक विषयांवरही ब्लॉग लेखन केलं, ज्याला वाचकांचा मोठा प्रतिसाद मिळाला होता.
पुरस्कार आणि गौरव
त्यांच्या कामाची दखल घेऊन त्यांना आतापर्यंत संस्थेअंतर्गत तीन पुरस्कारांनी गौरवण्यात आले आहे.
शैक्षणिक पात्रता
SNDT विद्यापिठातून बॅचलर ऑफ मास मिडिया पूर्ण केले आहे. या काळात मनोरंजन क्षेत्राशी जवळून ओळख झाली. आणि नंतर मुंबई विद्यापिठातून पत्रकारिता विषयात पदव्युत्तर पदवी संपादन केली.
आजच्या काळात जेव्हा माहितीचा ओघ प्रचंड आहे, तेव्हा विश्वासार्ह आणि रंजक माहिती देण्याचे काम भाग्यश्री रसाळ पार पाडत आहेत.… आणखी वाचा
