SBI Har Ghar Lakhpati Scheme; सरकारी हमी असलेली RD योजना; दरमहा फक्त 600 रुपये जमा करून 1 लाखांहून अधिक कमवा, 8 टक्केपर्यंत व्याजदर

एसबीआयची ‘हर घर लखपती’ योजना काय

स्टेट बँक ऑफ इंडियाने सुरू केलेल्या या एक विशेष आवर्ती ठेव योजनेचा उद्देश सर्वसामान्य जनता आणि मध्यमवर्गामध्ये नियमित बचतीची सवय लावण्याचा आहे. बँकेचे ग्राहक सोय आणि आर्थिक उद्दिष्टांनुसार 3 ते 10 वर्षांपर्यंत कालावधी निवडून या योजनेअंतर्गत दरमहिन्याला एक निश्चित रक्कम जमा करून मुदतपूर्तीनंतर 1 लाख किंवा त्याहून अधिक हमी निधी मिळू शकतात.

Har Ghar Lakhpati खाते कोण उघडू शकते?

एसबीआयने ही योजना समाजातील सर्व घटकांसाठी अत्यंत सुलभ केली असून कोणतीही व्यक्ती वैयक्तिकरित्या किंवा संयुक्त खाते सुरू करू शकते. याशिवाय 10 वर्षे व त्याहून अधिक वयाची, स्वतंत्र सही करू शकणारी मुले स्वतःच्या नावाने अकाउंट सुरू करू शकतात, तर लहान मुलांसाठी पालक किंवा कायदेशीर पालक खाते सुरू करू शकतात.

बँक खात्यात होती 54 लाखांची रक्कम जमा! आयटीआर भरणे टाळले, नोटीशी केल्या दुर्लक्षित; शेवटी काय घडलं? ते पहाचठेव रक्कम आणि मॅच्युरिटीचे नियम

काही प्रकरणांमध्ये ग्राहक मासिक हप्त्याच्या रकमेच्या निम्मी रक्कम जमा करू शकतात आणि भविष्यातील हप्ते देखील आगाऊ भरता येतात. पण, आगाऊ हप्ता भरल्याने मुदतपूर्तीची रक्कम वाढणार नाही. तर, एसबीआयच्या नियमांनुसार निवडलेला कालावधी संपल्यानंतर किंवा शेवटचा हप्ता जमा केल्यानंतर मुदतपूर्तीची रक्कम दिली जाईल, ज्यावर सध्याच्या आयकर नियमांनुसार कर आकारला जाईल.

Gold Rate: 1947 पासून सोने 1726 पट महागले; 80 वर्षांत 1.53 लाखांच्या पुढे, 10 हजारांच्या सोन्याचे आज किती झाले असते?

600 रुपयांचे 1.10 लाख कसे बनू शकतात?

दर महिन्याला छोट्या बचतीतून दीर्घकाळात मोठा निधी कसा तयार होऊ शकतो हे समजून घेण्यासाठी एसबीआयचे उदाहरण वापरून खालील कॅलक्युलेशन पाहा:

मासिक आठवडा: दर 600 रुपये
मुदत: 10 वर्षे (120 महिने)
एकूण गुंतवणूक: 72,000 रुपये (10 वर्षांमध्ये)
अंदाजित परतावा: सुमारे 8% (कर्मचारी/ज्येष्ठ नागरिक/विशेष दरांनुसार)
एकूण व्याज: सुमारे 38000 रुपये
मुदतपूर्तीनंतर एकूण रक्कम: सुमारे 1.10 लाख रुपये

मॅच्युरिटीआधी पैसे विड्रॉ करता येतील का?

होय, गरज पडल्यास खाते मुदतपूर्तीपूर्वी बंद केले जाऊ शकते, पण त्यावर दंड आकारला जाईल. पाच लाखांच्या ठेवींवर 0.50% दंड लागू होईल, तर 5 लाख रुपयांपेक्षा जास्त ठेवींवर 1% दंड आकारला जाईल. म्हणजे, तुमच्या व्याजावर कात्री लागते. तसेच खाते उघडल्याच्या 7 दिवसांच्या आत ठेव काढल्यास एक रुपयाही व्याज मिळणार नाही.

गुंतवणूक करण्यापूर्वी विचारात घ्यायचे मुद्दे

खाते उघडण्यापूर्वी योजनेचा कालावधी, व्याजदर, आयकर नियम आणि मुदतपूर्व पैसे काढण्याच्या अटी समजून घेतल्या पाहिजे. कमी मासिक रकमेतून मोठा निधी उभारू इच्छिणाऱ्या बचतकर्त्यांसाठी ही योजना फायदेशीर पर्याय असू शकते, पण आर्थिक उद्दिष्ट आणि गुंतवणुकीच्या कालावधीनुसार योजनेचे मूल्यांकन करणे महत्त्वाचे आहे.