Savita Malpekar : 10 दिवस लेक कोमात, डॉक्टरांनीही आशा सोडलेली; सविता मालपेकर यांनी सांगितला प्रसंग, आलेली स्वामींची प्रचिती

सविता मालपेकर यांनी सांगितला प्रसंग

प्रसंग सांगताना सविता मालपेकर म्हणाल्या की, ‘२००३ मध्ये माझी मुलगी लंडनला शिकायला होती. तिला मॅनेनजेटिस हा आजार झाला. आदल्या दिवशी आम्ही फोनवर बोललो होतो. ११वी झाल्यानंतर ती तिथे गेलेली. दुसऱ्यादिवशी कॉलेजमधून फोन आला की, केतकीला हॉस्पिटलमध्ये दाखल करण्यात आलं आहे. ती कोमामध्ये गेलीये, व्हेन्टीलेटरवर आहे. मी एकटीच घरी होते. २ महिन्यांपूर्वी माझ्या सासूबाई गेल्या होत्या. माझे मिस्टर कोकणात गेले होते. मला काय करावं समजत नव्हतं. त्याच्या १५ दिवस आधी शरद उपाध्येंनी मला स्वामींचा फोटो दिला होता. मी त्या फोटोच्या समोर गेले आणि म्हणाले, ‘स्वामी, तारा-मारा जे काही करायचंय ते तुम्ही करा. माझं लेकरू मी तुमच्या ताब्यात दिलं आहे.’ कारण, मी इथे काहीच करू शकत नव्हते.’

‘ज्यावेळी ऑक्सिजन लेव्हल कमी झालेली हे माझ्या मुलीला समजलं आणि तिनं मैत्रिणीला अॅम्ब्युलन्स बोलवायला सांगितली. डॉक्टरांनी आम्हाला सांगितलेलं की, ती वाचू शकणार नाही. तिच्या मित्र-मंडळींचे आई-वडील मला भेटायला येत होते. मी फक्त स्वामींचं नामस्मरण करत होते. दहा दिवसांनी लंडनहून फोन आला की, ती कोमातून बाहेर आली आहे आणि व्हेन्टीलेटर काढलं आहे.’ असं सविता यांनी शेवटी सांगितलं. ‘राजश्री मराठी’ला दिलेल्या मुलाखतीमध्ये सविता मालपेकर बोलत होत्या.
Eva Grover : आमिर खानच्या सावत्र भावासोबत लग्न, नवऱ्यानेच कामासाठी ठेवायला सांगितले निर्मात्यांसोबत संबंध; अभिनेत्रीनं सांगितला प्रसंग
दरम्यान, सविता मालपेकर यांच्या कामाबद्दल सांगायचं तर त्यांनी ‘काकस्पर्श’, ‘मुळशी पॅटर्न’, ‘पांघरूण’, ‘कोकणस्थ’, ‘मुलगी झाली हो’ यांसारख्या मालिका आणि सिनेमांमध्ये काम केलं आहे.