Rules Change From 1st July 2026; जुलैपासून खर्चाचे गणित बदलणार, आजपासून 11 बदल लागू; ITR पासून आधार, पासपोर्ट अन् LPG पर्यंत परिणाम होणार!

आजपासून देशभरात वेगवेगळे बँकिंगसह वित्तीय नियमांमध्ये बदल लागू होणार आहेत. या बदलांचा थेट परिणाम सर्वसामान्यांच्या खिशावर, रेल्वे प्रवास आणि दैनंदिन व्यवहारांवर होऊ शकतो. आधार कार्ड अपडेट करण्यापासून ते वाढीव रेल्वे दंड, नवीन पासपोर्ट शुल्क आणि LPG सिलिंडरच्या किमतींपर्यंत, असे अनेक बदल आहेत जे लोकांना माहिती असले पाहिजे. अशाच 9 बदलांविषयी आपण जाणून घेऊ, ज्यांचा तुमच्या खिशावर थेट परिणाम होईल.

26 या आर्थिक वर्षांसाठी नोकरदार करदात्यांना आयटीआर दाखल करण्यासाठी 31 जुलै 2026 पर्यंत मुदत दिली गेली आहे. ही तारीख चुकली तर, करदात्यांना दंड आकारला जाईल. उशिराने आयटीआर दाखल केल्यास 1000 रुपये ते 5000 रुपयांपर्यंत दंड होऊ शकतो. त्यामुळे शेवटच्या क्षणापर्यंत वाट न पाहता वेळेवर आपले रिटर्न दाखल करा.

गेल्या सहा महिन्यातील महागाईनंतर व्यावसायिक सिलिंडर या वर्षी पहिल्यांदाच स्वस्त झाला आहे. 1 जुलै 2026 पासून लागू व्यावसायिक आणि हॉटेल-रेस्टोरंट्सला दिलासा मिळाला असून 19-किलोच्या व्यावसायिक एलपीजी सिलेंडरच्या दरात 183.50 रुपयांची घट झाली पण, सर्वसामान्यांच्या घरगुती खर्चावर कोणताही परिणाम झालेला नसू 14.2-किलोच्या एलपीजी सिलेंडरच्या दरात कोणताही बदल झालेला नाही.

1 जुलै रोजी सकाळीच एका पाठोपाठ एक आनंद वार्ता ऐकायला मिळत आहेत. पश्चिम आशियातील तणाव निवळला आणि तेलाचा पुरवठा पुन्हा सुरू झाल्यामुळे जागतिक स्तरावर कच्च्या तेलाच्या किमतीतील घसरणीच्या पृष्ठभूमीवर नायरा एनर्जीने महिन्याच्या सुरुवातीलाच पेट्रोलच्या दरात 5 रुपये प्रति लिटर आणि डिझेलच्या दरात 3 रुपयांनी कपात केली आहे.

1 जुलै 2026 पासून ते 31 डिसेंबर 2026 पर्यंत UIDAI ने जाहीर केल्यानुसार आधार मोबाईल ॲपद्वारे ई-मेल आयडी अपडेट करण्यासाठी कोणतेही शुल्क आकारले जाणार नाही. ज्यांचा ई-मेल ॲड्रेस आधारशी जोडलेला नाही किंवा ज्यांना जुना ई-मेल बदलायचा आहे, त्यांना ही सुविधा मोफत उपलब्ध होईल.

1 जुलैपासून अनेक बँकांच्या क्रेडिट कार्ड नियमांमध्ये बदल लागू होत आहेत. SBI क्रेडिट कार्डांसाठी रिवॉर्ड पॉइंट्सची रचना बदलेल आणि HDFC क्रेडिट कार्डांसाठी एअरपोर्ट लाउंजमध्ये एंटर करण्यासाठी खर्चाच्या अटी अधिक कडक केल्या जातील. उदाहरणार्थ लाउंजमध्ये एन्ट्रीसाठी आता मागील तिमाहीत ठराविक रकमेचा खर्च करणे अनिवार्य असेल. म्हणजे, क्रेडिट कार्ड वापरण्याच्या पद्धतीत बदल होईल.

तुम्ही नवीन पासपोर्ट बनवण्याचा विचार करत असाल तर लक्षात घ्या की 1 जुलैपासून अर्ज करणे महाग होणार आहे. नियमित पासपोर्ट शुल्क अंदाजे 2500 रुपयांपर्यंत वाढेल, तर तत्काळ पासपोर्टसाठी अंदाजे 5000 रुपये खर्च येईल. तसेच नवीन शुल्क वाढ सर्वच सेवांसाठी लागू होतील.

सर्वसामान्यांना पेट्रोल आणि डिझेलच्या स्वस्ताईसाठी काही दिवस आणखी वाट पाहावी लागू शकते पण, त्याआधी सरकारने ट्रान्सपोर्ट, लॉजिस्टिक्स आणि मोठ्या प्रमाणावर इंधन लागणाऱ्या उद्योगांसाठी अत्यंत महत्त्वाचा आणि दिलासादायक निर्णय घेतला आहे. आज, 1 जुलैपासून, व्यावसायिक ग्राहकांना पेट्रोल पंपांवरून इंधन खरेदीवर लादलेले सर्व तात्पुरते निर्बंध सरकारने पूर्णपणे उठवले आहेत. म्हणजे आजपासून व्यावसायिक ग्राहक कोणत्याही मर्यादेशिवाय थेट पेट्रोल पंपांवरून हवे तितके पेट्रोल आणि डिझेल खरेदी करू शकतील.

1 जुलैपासून रेल्वेच्या नियमांमध्ये मोठे बदलही नियोजित आहेत. वैध तिकीटाशिवाय रेल्वेमधून प्रवास केल्यास दंड आकारला जाईल. तसेच, दुसऱ्याच्या तिकिटावर प्रवास करणाऱ्यांवरही कठोर कारवाई केली जाणार आहे. महिलांच्या डब्यात अयोग्यरित्या प्रवास केल्यास मोठा दंड आकारला जाईल.

1 जुलै 2026 पासून LPG संबंधित अनेक महत्त्वाचे नियम लागू झाले आहेत, ज्याचा लाखो ग्राहकांवर परिणाम होईल. सिलिंडरच्या डिलिव्हरीसाठी आता ओटीपी आणि डिलिव्हरी ऑथेंटिकेशन कोड म्हणजे DAC अनिवार्य असेल. तसेच प्रधानमंत्री उज्ज्वला योजनेच्या लाभार्थ्यांना ई-केवायसी अनिवार्य केले गेले आहे.

पेट्रोलियम मंत्रालयानुसार, ज्या कुटुंबांकडे PNG कनेक्शन आहे आणि अजूनही LPG सिलिंडर बुक करतात, त्यांना 30 दिवसांच्या पीएनजी कनेक्शन सक्रिय करून एलपीजी सिलिंडर हँडओव्हर करणे अनिवार्य असेल. या बदल्यात त्यांना ट्रान्सफर व्हाउचर दिला जाईल. तसेच ग्राहक अशा भागात स्थलांतरित झाले जिथे एलपीजी उपलब्ध नाही, तर पुन्हा एलपीजी कनेक्शन मिळवण्यासाठी या व्हाउचरचा वापर करू शकतात.

पीएनजी कनेक्शनचा ग्राहक 2 महिने बिल भरू शकला नाही तर, त्यांचे कनेक्शन कट केले जाईल आणि बिल भरल्यानंतरच कनेक्शन पुन्हा सुरू केले जाईल. याव्यतिरिक्त, तुमच्या पीएनजी पाइपलाइनमध्ये काही समस्या निर्माण झाली किंवा कोणी जाणूनबुजून व्हॉल्व्ह तोडले, तर झालेल्या नुकसानीसाठी ग्राहकाला जबाबदार धरले जाईल.