Pune Ganeshotsava Restrictions : ‘हिंमत असेल तर मुंबईतील दहीहंडी बंद करुन दाखवा, पुण्यातील गणेशोत्सवावरच अटी आणि निर्बंध का लादता?’ असा सवाल करुन भाजपचे पुणे शहराध्यक्ष धीरज घाटे यांनी पोलिसांना थेट इशारा दिला आहे.
गणेश मंडळांचे कार्यकर्ते आक्रमक
मध्यवस्तीत काही ठिकाणी ‘डीजे’ लावण्याचा प्रयत्न झाला. त्याला पोलिस उपायुक्त कृषीकेश रावले यांनी विरोध करून डीजे लावण्यास नकार देऊन स्पीकर्स बंद केले होते; तसेच, येत्या दहीहंडीला हीच भूमिका ठेवण्याचा इशारा देण्यात आल्यानंतर दहीहंडी आणि गणेश मंडळांचे कार्यकर्ते आक्रमक झाले आहेत.
फडणवीस-मोहोळांशी चर्चा करणार
दरम्यान, या विषयावर मुख्यमंत्री देवेंद्र फडणवीस, केंद्रीय मंत्री मुरलीधर मोहोळ आणि उच्च व तंत्रशिक्षण मंत्री चंद्रकांत पाटील यांच्याशी चर्चा करण्यात येणार असल्याचे भाजपचे महापालिकेतील सभागृह नेते गणेश बीडकर यांनी सांगितले.
…तर गणपती मांडवातून बाहेरच काढणार नाही
कार्यकर्त्यांनी गणेश बीडकर आणि भाजपचे शहराध्यक्ष घाटे यांची भेट घेतली. ‘पोलिस स्पीकर्सवर बंदी घालणार असतील; तर विसर्जनाच्या दिवशी गणपती मांडवातून बाहेर काढणार नाही,’ असा इशारा या वेळी कार्यकर्त्यांनी दिला.
‘उत्सवातून तरुणांना सकारात्मक दिशा द्या’
दरम्यान, “गणेशोत्सव हा केवळ धार्मिक उत्सव नाही, तर मराठी संस्कृती, कला, संगीत यांसह सामाजिक एकोपा आणि समाजप्रबोधनाची ही समृद्ध परंपरा आहे. या परंपरेचे जतन करताना गणेशोत्सवाच्या माध्यमातून तरुण पिढीला सकारात्मक दिशा द्यावी” असे आवाहन बृहन्मुंबई सार्वजनिक गणेशोत्सव समन्वय समितीचे अध्यक्ष ॲड. नरेश दहिबावकर यांनी सार्वजनिक गणेश मंडळांना केले आहे.
आगामी गणेशोत्सवाच्या काळात मंडळांनी सांस्कृतिक कार्यक्रमांसोबतच मराठी भावगीते, सुगम संगीत, भक्तिगीते, भजने, अभंग तसेच, मराठी संगीत व साहित्याला प्राधान्य द्यावे, असे आवाहन समितीने केले आहे. गणेशोत्सवातून मराठी कला, संगीत व संस्कृतीचे जतन आणि संवर्धन करण्याबरोबरच नव्या पिढीला व्यसनमुक्त, जबाबदार, संवेदनशील व सक्षम समाजनिर्मितीची प्रेरणा देण्याचे आवाहन करण्यात आले आहे.
अमली पदार्थांपासून दूर राहण्याचा संदेश द्यावा
मंडळांनी व्यसनमुक्ती व अमली पदार्थांपासून दूर राहण्याचा संदेश द्यावा, सायबर गुन्हे व ऑनलाइन फसवणुकीपासून सावध राहण्याचे आवाहन करावे, मोबाइल व सोशल मीडियाचा मर्यादित आणि योग्य वापर तसेच शिक्षण, कौशल्यविकास आणि रोजगारासाठी प्रयत्न याबाबत जनजागृती करावी, असे समितीने म्हटले आहे.
Nashik Crime : मित्रासोबत रिसॉर्टवर जेवण, गेटजवळ विवाहितेचा संशयास्पद मृत्यू, सात वर्षांच्या चिमुरडीचं मातृछत्र हरपलं, पाटील कुटुंबावर शोककळातसेच महिला व मुलींचा सन्मान व सुरक्षितता, पर्यावरण संवर्धन व प्लास्टिकमुक्ती, रक्तदान व अवयवदानाचे महत्त्व, वाहतूक नियम व रस्ता सुरक्षेचे पालन, वाचनाची आवड आणि मराठी भाषा-संस्कृतीचे संवर्धन तसेच जात, धर्म व भाषेपलीकडे सामाजिक एकोपा वाढविण्यावरही भर देण्यात आला आहे.
लेखकाबद्दलअनिश बेंद्रेअनिश बेंद्रे हे महाराष्ट्र टाइम्स ऑनलाइनमध्ये सहाय्यक वृत्त संपादक या पदावर कार्यरत आहेत. ते मटा ऑनलाईनमध्ये २०२२ पासून कार्यरत आहेत. टीव्ही आणि डिजिटल अशा दोन्ही माध्यमांचा एकत्रित १३ वर्षांचा अनुभव त्यांच्या गाठीशी आहे. त्यांना राजकारण, समाजकारण यासोबतच मनोरंजन, गुन्हेगारी यासारख्या विविध विषयांवरील बातम्यांचे लेखन करण्याचा अनुभव आहे.
पत्रकारितेतील अनुभव
अनिश बेंद्रे यांनी टीव्ही माध्यमातून पत्रकारितेला सुरुवात केली. एबीपी माझा वृत्तवाहिनीत सर्वप्रथम त्यांना प्रॉडक्शन आणि टिकर विभागात काम करण्याची संधी मिळाली. मराठी भाषेवरील प्रभुत्वामुळे त्यांनी लिहिलेल्या आकर्षक हेडलाईन्स सहकाऱ्यांसह प्रेक्षकांची वाहवा मिळवून गेल्या. त्यानंतर २०१५ मध्ये एबीपी माझा वृत्तवाहिनीच्याच वेब टीमसोबत त्यांनी डिजिटल विश्वात कामाचा श्रीगणेशा केला. डिजिटल माध्यमासाठी लेखन करण्याचं आव्हान पेलताना त्यांनी लक्षवेधी मथळे लिहिण्याचं कसब आत्मसात केलं. एबीपी समुहासोबत जवळपास ६ वर्षांच्या कार्यकाळात त्यांनी विविध जबाबदाऱ्या पार पाडल्या. ट्रेनी, असिस्टंट प्रोड्युसर पदापासून प्रोड्युसरपर्यंत संधी मिळवली. मराठी भाषा दिवस, आंतरराष्ट्रीय पुरुष दिन, विवाहबाह्य संबंधावरील सुप्रीम कोर्टाचा निर्णय, वर्ल्ड टीव्ही डे यासारख्या विषयांवर त्यांनी केलेल्या डॉक्युमेंट्रीही विशेष गाजल्या.
पुढे टीव्ही९ मराठी वृत्तवाहिनीच्या वेबसाईटसोबत त्यांनी चार वर्ष काम केलं. यावेळी त्यांच्यातील नेतृत्व गुणांना वाव मिळाला. मॉर्निंग शिफ्ट इन्चार्ज म्हणून काम करताना बातमी लेखनाचं तंत्र शिकवण्यासोबतच त्यांनी सहकाऱ्यांना वेळोवेळी मार्गदर्शन केले. टीमसोबत समन्वय राखणे, प्रत्येकातील गुण हेरुन त्यानुसार कामाची विभागणी करणे यामध्ये त्यांचा हातखंडा आहे. कारकिर्दीच्या १३ वर्षांपैकी दहाहून अधिक वर्ष त्यांनी डिजिटल विश्वात काम केलं आहे. या काळात लोकसभा-विधानसभा-महापालिका यासारख्या विविध निवडणुकांचा त्यांनी बारकाईने अभ्यास केला आहे.
अनिश बेंद्रे २०२२ पासून महाराष्ट्र टाइम्स ऑनलाईनसोबत काम करत आहेत. सुरुवातीपासूनच मॉर्निंग शिफ्ट इन्चार्ज म्हणून काम करताना त्यांनी सहाय्यक वृत्त संपादक पदापर्यंत उन्नती मिळवली आहे. बातम्यांच्या सखोल विश्लेषणासोबतच बातमीमागील बातमी जाणून घेण्यात त्यांना रस आहे. बातमीचे विविध पैलू जाणून घेत सोप्या भाषेत ते प्रेक्षकांपर्यंत पोहोचवण्याचा त्यांचा प्रयत्न असतो. मानसशास्त्र विषयातील अभ्यासामुळे गुन्हेगारी बातम्या उलगडून सांगण्यात त्यांना मदत होते. याशिवाय मटा मॉर्निंग बुलेटिनच्या सूत्रसंचालनाची जबाबदारी त्यांनी स्वीकारली होती. तसंच मटा पत्रकार परिषद या निवडणूक विषयक कार्यक्रमाची संकल्पना-संयोजन आणि सूत्रसंचालनही त्यांनी केले होते. निवडणुकांच्या निमित्ताने त्यांनी विविध मान्यवरांच्या मुलाखती घेतल्या, सखोल राजकीय विश्लेषण केले, तसेच सामान्य नागरिकांशी संवाद साधणारे काही कार्यक्रमही व्हिडिओ टीमसोबत केले.
शैक्षणिक पात्रता
अनिश बेंद्रे यांनी २०१२ मध्ये रुपारेल महाविद्यालयातून मानसशास्त्र विषयात पदवी संपादन केली. त्यानंतर झेवियर्स महाविद्यालयातून मास कम्युनिकेशन विषयात पदव्युत्तर शिक्षण घेतले. मराठीसोबतच हिंदी, इंग्रजी, संस्कृत आणि जपानी भाषेचाही त्यांनी अभ्यास केला आहे.… आणखी वाचा
