सांगलीच्या जत तालुक्यातील उमदीजवळ भाविकांच्या गाडीला भीषण अपघात झाला आहे. पंढरपूरला चैत्र एकादशीच्या दर्शनासाठी जाणाऱ्या इको कारने ट्रकला धडक दिल्याने चालकाचा मृत्यू झाला असून सहा महिला जखमी झाल्या आहेत.
नेमकी घटना काय?
सांगली जिल्ह्यातील जत तालुक्यातील संख येथील काही भाविक दरवर्षीप्रमाणे यंदाही चैत्र एकादशीनिमित्त विठ्ठलाच्या दर्शनासाठी पंढरपूरकडे रवाना झाले होते. रविवारी ही भाविक मंडळी इको कारने (MH 10) प्रवासाला निघाली होती. मात्र, उमदी गावाजवळ पोहोचताच चालकाचा वाहनावरील ताबा सुटला आणि भरधाव वेगातील कार समोरून येणाऱ्या टाटा कंपनीच्या ट्रकला जाऊन धडकली. ही धडक इतकी भीषण होती की, कारच्या पुढच्या भागाचा अक्षरशः चक्काचूर झाला.
चालकाचा मृत्यू, महिलांवर उपचार सुरू
या अपघातात कार चालक सांगांपा नाव्ही (रा. माडग्याळ) हे गंभीर जखमी झाले होते. त्यांना तातडीने रुग्णालयात हलवण्यात आले, मात्र उपचारादरम्यान त्यांची प्राणज्योत मालवली. कारमध्ये चालकासह सहा महिला प्रवासी प्रवास करत होत्या. या अपघातात सर्व सहाही महिला जखमी झाल्या आहेत. अपघातानंतर स्थानिक नागरिकांनी तातडीने मदतीसाठी धाव घेतली आणि रुग्णवाहिकेला पाचारण केले.
सोलापूरच्या रुग्णालयात उपचार
जखमी महिलांची प्रकृती लक्षात घेता, त्यांना तातडीने सोलापूर येथील सीएनएस (CNS) हॉस्पिटलमध्ये उपचारासाठी दाखल करण्यात आले आहे. यातील काही महिलांना किरकोळ तर काहींना गंभीर दुखापत झाली आहे. उमदी पोलिसांनी घटनास्थळाचा पंचनामा केला असून, अपघाताचा पुढील तपास सुरू आहे.
या घटनेमुळे संख आणि माडग्याळ परिसरात मोठी हळहळ व्यक्त केली जात आहे. ज्या विठूरायाच्या दर्शनासाठी हे भाविक आनंदाने घराबाहेर पडले होते, त्यांच्यावरच हा दुर्दैवी प्रसंग ओढवल्याने सर्वत्र शोककळा पसरली आहे.
लेखकाबद्दलसुनिल लाटेसुनिल प्रभाकर लाटे हे ‘महाराष्ट्र टाइम्स ऑनलाइन’मध्ये कन्सल्टंट या पदावर कार्यरत आहेत. ते गेल्या तीन वर्षांपासून पत्रकारिता क्षेत्रात सक्रिय आहेत. महाराष्ट्र टाइम्स ऑनलाइनमध्ये ते स्थानिक बातम्या, लाइव्ह ब्लॉग कव्हरेज, गुन्हेगारी, राजकारण, देश-विदेश, सरकारी योजना, तसेच इन्फ्रास्ट्रक्चर आणि नागरी विकासाशी संबंधित विषयांवर नियमित लेखन करतात. २०२२ मध्ये पत्रकारितेचे शिक्षण पूर्ण केल्यानंतर त्यांनी आपल्या कारकिर्दीची सुरुवात ‘लोकसत्ता ऑनलाइन’ (मुंबई) येथून केली.सुनिल यांनी राजकारण, मनोरंजन, क्रीडा आणि गुन्हेगारी अशा विविध विषयांचे वार्तांकन व विश्लेषण प्रभावीपणे केले आहे. हायपरलोकल न्यूज, क्राईम रिपोर्टिंग, राजकारण आणि चालू घडामोडींवरील नाविन्यपूर्ण डिजिटल कंटेंट लिहिण्याचा त्यांना दांडगा अनुभव आहे. त्यांनी डॉ. बाबासाहेब आंबेडकर मराठवाडा विद्यापीठाच्या वृत्तपत्रविद्या विभागातून पत्रकारितेतील पदव्युत्तर शिक्षण (MA) पूर्ण केले आहे. शिक्षण घेत असतानाच त्यांनी ‘दैनिक दिव्य मराठी’ आणि ‘दैनिक पुण्य नगरी’ यांसारख्या नामांकित वृत्तपत्रांसाठी बातम्या लिहून प्रत्यक्ष कामाचा अनुभव घेतला. यादरम्यान त्यांनी प्रामुख्याने शिक्षण क्षेत्रातील बातम्यांचे कव्हरेज केले.अचूक आणि प्रभावी डिजिटल रिपोर्टिंग ही सुनिल यांची खासियत आहे. गेल्या तीन वर्षांत त्यांनी उत्कृष्ट ‘न्यूज सेन्स’ आणि ‘ब्रेकिंग न्यूज’ कव्हरेजचे संपादन कौशल्य विकसित केले आहे. महाराष्ट्र टाइम्स ऑनलाइनमध्ये काम करताना वेगवान अपडेट्स देणे आणि डिजिटल वाचकांना समजेल अशा सोप्या शैलीत घडामोडींची मांडणी करणे, यात त्यांनी प्राविण्य मिळवले आहे. पत्रकारितेतील नवनवीन तंत्रे शिकून स्वतःला अधिक सक्षम बनवण्यावर त्यांचा सतत भर असतो.पत्रकारितेसोबतच त्यांना फोटोग्राफी, व्हिडिओ एडिटिंग आणि ग्राफिक्स डिझाइनची विशेष आवड असून, जाहिरात क्षेत्रातही त्यांनी काम केले आहे. सर्जनशील लेखनाची ओढ असलेल्या सुनिल यांनी काही लघुपटांचे दिग्दर्शन आणि पटकथा लेखनही केले आहे. तसेच, संगीत आणि गायन क्षेत्रातही त्यांना विशेष रुची आहे.… आणखी वाचा