Nashik News: समाधानकारक खुलासा सादर न केल्यास थेट राज्य शासनाकडे अहवाल पाठविण्याचा इशाराही नोटिशीत देण्यात आला आहे. त्यामुळे महापालिका वर्तुळात खळबळ उडाली आहे.
महापालिका हद्दीत खड्ड्यांमुळे सहा जणांचा बळी गेल्यानंतर आणि या प्रश्नावर मुख्यमंत्री देवेंद्र फडणवीस यांनी आढावा घेतल्यानंतर महापालिका आयुक्त मनीषा खत्री ‘अॅक्शन मोड’वर आल्या आहेत. नोटिसा बजावल्यानंतर संबंधितांना खुलासा सादर करण्यासाठी तीन दिवसांची मुदत देण्यात आली आहे.
Nashik Crime: 45 वर्षीय महिलेला संपवून बॉडी विहिरीत; नाशिकमधील घटनेला धक्कादायक वळण, 18 वर्षीय संशयित अटकेतसिंहस्थाच्या कामांसह पावसामुळे पडलेल्या खड्ड्यांमुळे शहरात आतापर्यंत सहा जणांचा बळी गेला आहे. खड्ड्यांवरून नाशिककर संतप्त झाल्यानंतर गेल्या आठवड्यात मुख्यमंत्री देवेंद्र फडणवीस यांनी तातडीने बैठक घेऊन शहरातील खड्डे बुजविण्याचे निर्देश दिले होते. त्यानंतर महासभेत नगरसेवकांनी जीवघेण्या खड्ड्यांचे खापर महापालिकेसह स्मार्ट सिटी आणि ‘एमएनजीएल’वर फोडण्यात आले होते. या पार्श्वभूमीवर आयुक्तांनी कठोर भूमिका घेत बांधकाम व पाणीपुरवठा विभागाची झाडाझडती सुरू केली आहे.
‘पाणीपुरवठा’वरही कारवाईचा बडगा
खड्ड्यांसोबतच शहराच्या विविध भागांत जलवाहिन्या फुटण्याचे प्रकारही घडत आहेत. खड्डे बुजवताना झालेल्या दुर्लक्षामुळे आणि जड वाहनांच्या सततच्या वाहतुकीमुळे जलवाहिन्या फुटून हजारो लिटर पाणी वाया जात आहे. त्यानंतर दुरुस्तीचे कामही वेळेत होत नसल्याची बाब समोर आली आहे. या प्रकरणात हलगर्जीपणा करणाऱ्या पाणीपुरवठा विभागातील चार कार्यकारी अभियंत्यांसह १८ उपअभियंते व कनिष्ठ अभियंत्यांना नोटिसा बजावल्या आहेत. खड्डे, जलवाहिनी दुरुस्तीतील दिरंगाईवरून या विभागावरही कारवाईचा बडगा उगारण्यात आला आहे.
Hemlata Patil : चार महिन्यांपूर्वी बांधलेला रस्ता ऑप्टिकल फायबरसाठी फोडला, NCP नगरसेविका हेमलता पाटलांचा संताप, काम बंद पाडत जाब विचारला...यांना बजावल्या नोटिसा
बांधकाम विभागातील शहर अभियंता संजय अग्रवाल, कार्यकारी अभियंता प्रशांत पगार, संदेश शिंदे, रवींद्र बागूल, रवींद्र पाटील, नवनीत भामरे, नरेंद्र शिंदे, संजय अडेसरा, विशाल गरुड यांच्यासह उपअभियंता नीलेश साळी, नितीन राजपूत, हेमराज नांदुर्डीकर, भरत ठाकरे, बाळा गाजूल, प्रशांत बोरसे, ज्ञानेश्वर जगताप, दत्तात्रय शिंगाडे, सुरेश पाटील, दत्तात्रय कोल्हे, हेमंत पठे आदींचा नोटिसा बजावलेल्यांत समावेश आहे.
शहरातील खड्डे दुरुस्तीबाबत महापालिकेच्या नऊ कार्यकारी अभियंत्यांसह २६ उपअभियंते आणि कनिष्ठ अभियंत्यांना नोटिसा बजावण्यात आल्या आहेत. खुलासा सादर करण्यासाठी तीन दिवसांची मुदत देण्यात आली आहे. समाधानकारक उत्तर न दिल्यास शिस्तभंगाची कारवाई केली जाणार आहे.– मनीषा खत्री, आयुक्त, महापालिका
लेखकाबद्दलकिशोरी तेलकर किशोरी तेलकर
किशोरी तेलकर महाराष्ट्र टाइम्स ऑनलाइनमध्ये कन्सल्टंट या पदावर कार्यरत आहेत. किशोरी या २०२२पासून मटा ऑनलाइन सोबत जोडलेल्या आहेत. राजकारण, हायपर लोकल स्टोरी, क्राईम बातम्या, महिलांविषयक समस्या, गाव खेड्यातल्या बातम्या करण्याचा त्यांचा अनुभव आहे.
पत्रकारितेतील अनुभव
किशोरी यांना वृत्तपत्र, टीव्ही आणि डिजिटल माध्यमांमधील ६ वर्षांचा अनुभव आहे. किशोरी यांनी सकाळ वृत्तपत्रातून पत्रकारितेला सुरुवात केली. सकाळ वृत्तपत्रात काम करतांना त्यांनी प्रिंट मीडियासोबतच सोशल मीडिया हॅंडलिंग, वेबसाईटचेही काम केलं आहे. सध्या चार वर्षांपासून त्या महाराष्ट्र टाइम्स ऑनलाईनमध्ये कार्यरत आहेत. लेखन कौशल्याच्या जोरावर सामाजिक समस्या, शाळा- कॉलेज विद्यार्थी समस्या, आरोग्य टिप्स, महिलांविषयक प्रश्न, फॅशन, लाइफस्टाइल या विविध विषयांवर त्यांनी बातम्या केल्या आहेत.
शैक्षणिक पात्रता
किशोरी तेलकर यांनी कै. बिंदू रामराव देशमुख कला व वाणिज्य महिला महाविद्यालय, नाशिकरोड येथून एम.कॉम पदवी संपादन केली. त्यानंतर गोखले एज्युकेशन सोसायटीचे एच.पी.टी आर्ट्स अँड आर.वाय.के सायन्स कॉलेजमधून कम्युनिकेशन अँड जर्नलिझम विषयात पदव्युत्तर शिक्षण घेतलं आहे. जर्नलिझमचे शिक्षण घेत असतानाच किशोरी यांनी देशदूत, दिव्यमराठी सारख्या वृत्तपत्रात इंटर्नशिप केलेली आहे. मराठी भाषेवर प्रभुत्व असून हिंदी, इंग्रजी भाषाही त्यांना अवगत आहेत.… आणखी वाचा