Nashik Crime: प्रकरणातील संशयितांवर रुग्णालयात मृत तरुणाच्या नातेवाइकांनी हल्ला करण्याचा प्रयत्न केला. मात्र, पोलिसांनी वेळीच हस्तक्षेप करीत परिस्थिती नियंत्रणात आणली.
मृत तरुणाचे वडील मोतीराम एकनाथ चौरे यांनी याप्रकरणी कळवण पोलिसांत फिर्याद दिली आहे. तालुक्यातील नरुळ येथील सचिन मोतीराम चौरे ( वय २५ ) याचे आठ वर्षांपासून आठंबे येथील एका तरुणीशी प्रेमसंबंध होते. या संबंधांची माहिती दोन्ही कुटुंबीयांना होती. त्यामुळे दोन्ही कुटुंबीयांच्या सहमतीने रविवारी ( दि. १४ ) तरुणीच्या वडिलांनी तिला कन्हेरवाडी येथे सचिनच्या बहिणीच्या घरी पाठवून दिले होते.
Nashik Accident: बाप-लेकीची पहिली अन् शेवटची भेट; गावी सुट्टीवर आलेल्या जवानाचा अपघातात करुण अंत, अख्खं गाव हळहळलं
दरम्यान, सोमवारी मुलीचे चुलत भाऊ योगेश मोहन बागूल (वय २३), प्रकाश मोहन बागूल (वय २५) रा. साकोरेपाडा तसेच मुलीचा मेहुणा संदीप पवार (वय ३७) रा. चणकापूर यांनी या प्रेमप्रकरणाचा राग मनात धरून कन्हेरवाडी येथे सकाळी सुमारे १० वाजण्याच्या सुमारास पोहोचत सचिनवर तीक्ष्ण हत्याराने छातीवर वार केला. या हल्ल्यात सचिनचा जागीच मृत्यू झाल्याचे सांगण्यात येत आहे.
घटनेनंतर सचिनच्या नातेवाइकांनी आरडाओरड केल्याने गावातील नागरिकांनी घटनास्थळी धाव घेत तिन्ही संशयित आरोपींना पकडून चोप देत कळवण पोलिसांच्या स्वाधीन केले. या प्रकरणी कळवण पोलिस ठाण्यात गुन्हा दाखल करण्यात आला असून, विविध कलमान्वये गुन्हा दाखल करण्यात आला आहे.Nashik Accident: भरधाव ट्रकच्या धडकेत दुचाकीस्वार दाम्पत्याचा मृत्यू; नाशिक-पुणे महामार्गावरील घटना
संशयितांवर हल्ल्याचा प्रयत्न
संशयित आरोपींना वैद्यकीय तपासणीसाठी कळवण उपजिल्हा रुग्णालयात आणण्यात आले असता सचिनच्या संतप्त नातेवाइकांनी संशयितांवर हल्ला करण्याचा प्रयत्न केला. मात्र, पोलिसांनी वेळीच हस्तक्षेप करीत परिस्थिती नियंत्रणात आणली व संशयितांची सुरक्षितपणे ठाण्यात रवानगी केली.
लेखकाबद्दलकिशोरी तेलकर किशोरी तेलकर
किशोरी तेलकर महाराष्ट्र टाइम्स ऑनलाइनमध्ये कन्सल्टंट या पदावर कार्यरत आहेत. किशोरी या २०२२पासून मटा ऑनलाइन सोबत जोडलेल्या आहेत. राजकारण, हायपर लोकल स्टोरी, क्राईम बातम्या, महिलांविषयक समस्या, गाव खेड्यातल्या बातम्या करण्याचा त्यांचा अनुभव आहे.
पत्रकारितेतील अनुभव
किशोरी यांना वृत्तपत्र, टीव्ही आणि डिजिटल माध्यमांमधील ६ वर्षांचा अनुभव आहे. किशोरी यांनी सकाळ वृत्तपत्रातून पत्रकारितेला सुरुवात केली. सकाळ वृत्तपत्रात काम करतांना त्यांनी प्रिंट मीडियासोबतच सोशल मीडिया हॅंडलिंग, वेबसाईटचेही काम केलं आहे. सध्या चार वर्षांपासून त्या महाराष्ट्र टाइम्स ऑनलाईनमध्ये कार्यरत आहेत. लेखन कौशल्याच्या जोरावर सामाजिक समस्या, शाळा- कॉलेज विद्यार्थी समस्या, आरोग्य टिप्स, महिलांविषयक प्रश्न, फॅशन, लाइफस्टाइल या विविध विषयांवर त्यांनी बातम्या केल्या आहेत.
शैक्षणिक पात्रता
किशोरी तेलकर यांनी कै. बिंदू रामराव देशमुख कला व वाणिज्य महिला महाविद्यालय, नाशिकरोड येथून एम.कॉम पदवी संपादन केली. त्यानंतर गोखले एज्युकेशन सोसायटीचे एच.पी.टी आर्ट्स अँड आर.वाय.के सायन्स कॉलेजमधून कम्युनिकेशन अँड जर्नलिझम विषयात पदव्युत्तर शिक्षण घेतलं आहे. जर्नलिझमचे शिक्षण घेत असतानाच किशोरी यांनी देशदूत, दिव्यमराठी सारख्या वृत्तपत्रात इंटर्नशिप केलेली आहे. मराठी भाषेवर प्रभुत्व असून हिंदी, इंग्रजी भाषाही त्यांना अवगत आहेत.… आणखी वाचा