nandurbar man ends life due to debt pressure from finance company tragic incident; थकित हप्त्यासाठी फायनान्स कंपनीचा तगादा, सतत फोन; तणावातून तरुणाचा टोकाचा निर्णय; शहरात हळहळ

कर्ज थकलं, सततच्या फोनला कंटाळून तरुणाचा टोकाचा निर्णय

नवापूर तालुक्यातील बर्डीपाडा (खांडबारा) येथील जावेद खान अहमदखान पठाण (34) याने एका फायनान्स कंपनीकडून कर्ज घेऊन चारचाकी वाहन (क्रमांक एमएच ३९ एडी २७४०) घेतलं. त्यानंतर जावेदखान यांनी त्यांचं चारचाकी वाहन वाहन नोटरी करून जाकीरशेख मुनाफ, रा. नवापूर यांना वापरण्यासाठी दिलं होतं.
Beed News : 8 जण राक्षस झाले, संतोष अण्णाला मार-मार मारलं; काळीज पिळटवून टाकणारे Video दाखवताच पत्नी अन् भावाने हंबरडा फोडला, कोर्टात काय घडलं?

वारंवार फोन, सततच्या फोनला कंटाळून भावाच्या घरी संपवलं जीवन

त्या वाहनासाठी घेतलेल्या कर्जाचे दोन हप्ते थकल्याने फायनान्स कंपनीकडून अय्यूब खान पठाण हा वारंवार फोन करत होता. वारंवार फोन येत असल्याने तणावातून जावेद खान अहमद खान पठाण याने भावाच्या घरी गळफास घेऊन आत्महत्या केली. सतत फोन करुन कर्जाचे हप्ते भरण्याच्या तगाद्याला कंटाळून तरुणाने आयुष्याची अखेर केली.

दोघांविरोधात आत्महत्येस प्रवृत्त केल्याप्रकरणी गुन्हा दाखल

याप्रकरणी वसीम खान पठाण यांच्या फिर्यादीवरून विसरवाडी पोलीस ठाण्यात अय्यूबखान जलीलखान पठाण आणि जाकीरशेख मुनाफशेख रा. नवापूर यांच्या विरुद्ध भारतीय न्याय संहिता कलम 318 (4),108,3 (5) प्रमाणे गुन्हा दाखल करण्यात आला आहे. याप्रकरणी पुढील तपास पोलीस उपनिरीक्षक वडघुले करत आहेत. या प्रकरणाने तरुणाच्या कुटुंबावर दु:खाचा डोंगर कोसळला आहे. तरुणाच्या अशाप्रकारे जाण्याने संपूर्ण शहरात, गावात हळहळ व्यक्त होत आहे.