Nanded Toshniwal Medical License Cancelled : नांदेडमध्ये अन्न व औषध प्रशासनाचे आयुक्त तुकाराम मुंढे यांनी पहिली कारवाई केली आहे. मुदतबाह्य गोळ्या विकणाऱ्या तोष्णीवाल मेडिकलचा परवाना रद्द करण्यात आला आहे.
नेमकं काय घडलेलं?
या प्रकरणाबाबत मिळालेल्या माहितीनुसार, नांदेड जिल्ह्यातील नायगाव तालुक्यातील हनुमंत वनाळेकर हे आपल्या 90 वर्षीय वडिलांसाठी डायबिटीसच्या गोळ्या घेण्यासाठी शनिवारी डॉक्टर लेन येथे पोहोचले. तोष्णीवाल मेडिकलवरून त्यांनी डायबिटीसच्या गोळ्यांचे तीन पाकिटे खरेदी केले. घरी गेल्यानंतर हनुमंत वनाळेकर यांच्या मुलीला गोळ्यांची मुदत डिसेंबर 2025 रोजी संपल्याचं निदर्शनास आलं. ही बाब समजल्यानंतर मुलगा हनुमंत वनाळेकर यांनी थेट तुकाराम मुंडे यांना मेल केला आणि तोष्णीवाल मेडिकलकडून डायबिटीसच्या मुदतबाह्य गोळ्यांची विक्री केली जात असल्याची तक्रार केली.
Pune Crime : महाराष्ट्रातील सोनम; काही महिन्यांवर लग्न, लोहगडावरुन होणाऱ्या नवऱ्याला ढकलून संपवलं, केतन अग्रवाल मृत्यू प्रकरणात सियाची इन्स्टा पोस्ट चर्चेत
तक्रारीनंतर मुंढे यांनी नांदेडच्या एफडीएच्या अधिकाऱ्यांना कारवाईचे आदेश दिले. त्यानंतर संबंधित तक्रारदारासह अन्न आणि औषध प्रशासनाचे सहायक आयुक्त अशोक राठोड हे मेडिकलवर पोहोचले. अधिकाऱ्याने मेडिकल चालकाकडून डायबिटीसच्या गोळ्या मागितल्या असता मेडिकलचालकाने त्यांना मुदतबाह्य गोळ्यांची स्ट्रिप दिली. दोन तासाच्या चौकशीनंतर मेडिकल बंद ठेवण्याचे आदेश संबंधित विभागाने दिले. अहवाल प्राप्त झाल्यानंतर काल सोमवारी मेडिकलचा परवाना रद्द करण्यात आल्याची माहिती अन्न आणि औषध प्रशासनाचे सहायक आयुक्त अशोक राठोड यांनी फोनवरून दिली.Nanded News : वडिलांना आणलेल्या डायबिटीसच्या गोळ्या एक्सपायर झालेल्या, मुलाचा थेट तुकाराम मुंढेंना मेल; नंतर काय घडलं?
कारवाई दरम्यान अनिल तोष्णीवाल काय म्हणाले होते?
‘आता आमच्याकडे आलेले जे ग्राहक आहेत. ते गेल्या 10 वर्षांपासून माझे ग्राहक आहेत. यावेळी चुकून कोणीतरी मुदतबाह्य गोळ्या आम्हाला आणून दिलेल्या आहेत. त्या गोळ्या आमच्याकडे मुदतबाह्य औषधांमध्ये ठेवल्या जातील. आम्ही या गोळ्या होलसेलरला परत करत असतो. परंतु तीन महिन्यापेक्षा जास्त असेल तर तो घेत नाही. त्याच्यामुळे ती चुकून राहिली होती. नजरचुकीने ते सारखे दोन डब्बे आजूबाजूला असल्यामुळे, ते चुकून देण्यात आलेल्या आहेत, त्यामुळे आम्ही त्यांची माफी मागतो, आणि अशी चूक पुन्हा होणार नाही. कारण मला देखील मेडिकल सुरु करुन 40 वर्ष झाले आहेत. नांदेड शहरामध्ये कुठे काही मिळत नाही, ते तोष्णीवाल मेडिकलमध्ये मिळतं. त्यामुळे आम्ही आमचं काम व्यवस्थित करु, 100 टक्के रुग्णाची काळजी घेऊ’, असं मेडिकलचालक किरण तोष्णीवाल यांचे लहान बंधू अनिल तोष्णीवाल यांनी म्हटलं आहे.
लेखकाबद्दलप्रशांत पाटीलप्रशांत पाटील ‘महाराष्ट्र टाईम्स ऑनलाईन'(TIL) या आघाडीच्या डिजिटल माध्यम समूहात सीनियर डिजिटल कंन्टेट प्रोड्युसर पदावर कार्यरत आहेत. पुणे जिल्ह्यातील नामांकित ‘थोडक्यात’ न्यूज वेब पोर्टल, हैदराबादमधील ‘आधान शॉर्ट न्यूज अॅप’, ‘सकाळ मिडिया ग्रुप’ आणि आता ‘महाराष्ट्र टाइम्स ऑनलाईन’, असा जवळपास पाच ते साडेपाच वर्षांपेक्षा अधिक काळ ते कार्यरत आहेत. प्रशांत पाटील यांना महाराष्ट्रातील ग्रामीण भागातील सर्व गुन्हेगारी, अपघात, शेतकरी विषयक बातम्या, ग्रामीण भागात यश संपादन केलेल्या तरुणी किंवा तरुणांच्या सक्सेस स्टोरीज् आणि महाराष्ट्र हायपर लोकल अशा विविध विषयांची आवड आहे. ऑगस्ट (2026) पासून ‘महाराष्ट्र टाईम्स ऑनलाईन’साठी (TIL) काम करत आहेत. या दरम्यान, राज्यातील विधानसभा, लोकसभा आणि स्थानिक स्वराज्य संस्थाच्या निवडणुकींच्या बातम्यांवर विशेष लक्ष ठेवतात. याआधीही त्यांनी याच माध्यम समूहासोबत तीन वर्ष काम केलं आहे.
प्रशांत पाटील यांनी पुण्यातील नामांकित आबासाहेब गरवारे महाविद्यालयातून मास कम्युनिकेशन विषयात पदव्युत्तर शिक्षण घेतलं आहे. शिक्षण घेत असतानाच त्यांनी ‘थोडक्यात’ या न्यूज वेब पोर्टलला काम केलं. तिथे डिजिटल माध्यमासाठी लेखन करत असताना त्यांना डिजिटल क्षेत्रातलं कसं काम करतात? हे यश संपादन केलं. त्यानंतर त्यांना मुंबईत ‘महाराष्ट्र टाइम्य ऑनलाईन’ (TIL) या नामांकित माध्यम समूहामध्ये काम करण्याची संधी मिळाली. 28 मार्च 2022 रोजी ते ‘महाराष्ट्र टाइम्स ऑनलाईन’ या मोठ्या ब्रँण्डसोबत पहिल्यांदा जोडले गेले. तिथे त्यांनी प्रदीर्घ काळ म्हणजे तीन वर्ष डिजिटल विभागात काम केलं. त्यांनतर त्यांनी फेब्रुवारी 2025 ला ‘सकाळ मिडिया ग्रुप’ला काम करण्याची संधी मिळाली. परंतु तिथे ते काम करत असताना त्यांना पुन्हा ‘महाराष्ट्र टाइम्स ऑनलाईन’ (TIL) या माध्यम समूहाने संधी दिली. त्यानंतर ऑगस्ट 2026 पासून प्रशांत पाटील हे ‘महाराष्ट्र टाइम्स ऑनलाईन’सोबत (TIL) काम करताय.
‘महाराष्ट्र टाइम्स ऑनलाईन’मध्ये (TIL) काम करताना त्यांना खूप मोठमोठ्या संध्या मिळाल्या. जसे की, व्हिडिओ करणे, महाराष्ट्रातील संपूर्ण जिल्ह्यातील रिपोर्टर यांच्याशी समन्वय साधणे, जिल्हा प्रतिनिधींकडून वेळोवेळी काम करुन घेणे, विशेष आणि काही महत्वाच्या बातम्या मागवून घेणे, अशा बऱ्याच गोष्टींची त्यांना इथे मिळाली. प्रशांत पाटील हे सकाळच्या शिफ्टला काम करत असताना लाईव्ह ब्लॉग, रिपोर्टरशी बोलणे, ब्रेकिंग बातम्या, हायपर लोकल बातम्या, ग्रामीण भागातील सर्व घडामोडींकडे लक्ष देण्याचं काम ते करतात.… आणखी वाचा
