Nagpur Senior Officer Daughter assaulted : मैत्रिणीकडे जात असल्याचे सांगून 16 वर्षीय मुलगी घराबाहेर पडली. त्यानंतर आरोपीने तिला खोलीत नेऊन तिचे हातपाय बांधले आणि तिच्यावर लैंगिक अत्याचार केला, अशी माहिती पोलिसांनी दिली.
फेक इन्स्टा अकाऊण्टवरुन ओळख
निर्भय ऊर्फ आकाश माधव पाखरे (वय २०, रा. घोडबंदर रोड, हिरानंदानी इस्टेट, पाटीलपाडा, ठाणे) असे अटकेतील आरोपीचे नाव आहे. निर्भय हा बीबीएचे शिक्षण घेत असून, पीडित मुलगी बारावीत शिकते. गेल्या वर्षी निर्भयने ‘आकाश मेहरा’ या नावाने बनावट इन्स्टाग्राम खाते उघडले. त्याद्वारे तो मुलीच्या संपर्कात आला. त्याने तिला जाळ्यात ओढून आक्षेपार्ह छायाचित्रे पाठविण्यास भाग पाडले. मुलीने त्याला स्वतःची छायाचित्रे पाठविल्यानंतर ती व्हायरल करण्याची धमकी देत तो नागपुरात येऊन तिचे शोषण करू लागला, असे पोलिसांनी सांगितले.
हातपाय बांधून अत्याचार
काही दिवसांपूर्वी आरोपीने एका वेबसाइटद्वारे दिघोरीतील स्नेहनगरमध्ये खोली भाड्याने घेतली. शनिवारी तो नागपुरात आला. रविवारी त्याने मुलीला भेटण्यासाठी बोलाविले. सकाळी नऊ वाजता मैत्रिणीकडे जात असल्याचे सांगून मुलगी घराबाहेर पडली. त्यानंतर आरोपीने तिला खोलीत नेऊन तिचे हातपाय बांधले, चाकूने शरीरावर जखमा केल्या आणि तिच्यावर लैंगिक अत्याचार केला, अशी माहिती पोलिसांनी दिली.
दरम्यान, मुलगी घरी न परतल्याने नातेवाइकांनी पोलिसांत तक्रार दिली. हुडकेश्वर पोलिसांनी अपहरणाचा गुन्हा दाखल करून तपास सुरू केला. पोलिस उपायुक्त रश्मिता राव, साहाय्यक पोलिस आयुक्त नरेंद्र हिवरे यांच्या मार्गदर्शनाखाली वरिष्ठ पोलिस निरीक्षक अनामिका मिर्झापुरे यांनी मुलीच्या समाजमाध्यम खात्यांची माहिती घेतली. मोबाइल लोकेशनच्या आधारे पोलिस आरोपीच्या खोलीपर्यंत पोहोचले.
आरोपीच्या आईला फोन करायला सांगितलं
नागपूर पोलिसांनी ठाण्यातील आपल्या सहकाऱ्यांना याची माहिती दिली; त्यानंतर त्यांनी आरोपीच्या आईला त्याला फोन करण्यास सांगितले. फोन कनेक्ट झाल्यावर सायबर गुन्हे शाखेच्या तज्ज्ञांनी त्याचे लोकेशन नागपूरमधील दिघोरी येथे असल्याचे शोधून काढले. पोलिसांच्या म्हणण्यानुसार, काहीतरी गडबड असल्याचे लक्षात येताच आरोपीने त्या मुलीला तिच्या पालकांना फोन करून आपण सुरक्षित असल्याचे सांगण्यास भाग पाडले. या फोनमुळे त्याचे नेमके ठिकाण शोधणे अधिकच सोपे झाले आणि त्यानंतर अधिकाऱ्यांनी हुडकेश्वरमधील एका फ्लॅटवर ऑर्डर घेऊन जाणाऱ्या ऑनलाइन फूड डिलिव्हरी कर्मचाऱ्याचा पाठलाग केला.
Faridabad Teacher Murder : संध्या मॅडम, तुमचे मिस्टर विकी आलेत; सरस्वती शाळेच्या गेटवर 30 वर्षीय शिक्षिका गेली, 21 वर्षांच्या अमितने निर्घृणपणे संपवलं
पोलिसांनी दरवाजा तोडून आत प्रवेश केला असता मुलगी जखमी अवस्थेत, हातपाय बांधलेल्या स्थितीत पलंगावर आढळली. पोलिसांनी तिची सुटका करून आरोपी निर्भय पाखरे याला अटक केली. न्यायालयाने त्याला दोन दिवसांची पोलिस कोठडी सुनावली आहे.
लेखकाबद्दलअनिश बेंद्रेअनिश बेंद्रे हे महाराष्ट्र टाइम्स ऑनलाइनमध्ये सहाय्यक वृत्त संपादक या पदावर कार्यरत आहेत. ते मटा ऑनलाईनमध्ये २०२२ पासून कार्यरत आहेत. टीव्ही आणि डिजिटल अशा दोन्ही माध्यमांचा एकत्रित १३ वर्षांचा अनुभव त्यांच्या गाठीशी आहे. त्यांना राजकारण, समाजकारण यासोबतच मनोरंजन, गुन्हेगारी यासारख्या विविध विषयांवरील बातम्यांचे लेखन करण्याचा अनुभव आहे.
पत्रकारितेतील अनुभव
अनिश बेंद्रे यांनी टीव्ही माध्यमातून पत्रकारितेला सुरुवात केली. एबीपी माझा वृत्तवाहिनीत सर्वप्रथम त्यांना प्रॉडक्शन आणि टिकर विभागात काम करण्याची संधी मिळाली. मराठी भाषेवरील प्रभुत्वामुळे त्यांनी लिहिलेल्या आकर्षक हेडलाईन्स सहकाऱ्यांसह प्रेक्षकांची वाहवा मिळवून गेल्या. त्यानंतर २०१५ मध्ये एबीपी माझा वृत्तवाहिनीच्याच वेब टीमसोबत त्यांनी डिजिटल विश्वात कामाचा श्रीगणेशा केला. डिजिटल माध्यमासाठी लेखन करण्याचं आव्हान पेलताना त्यांनी लक्षवेधी मथळे लिहिण्याचं कसब आत्मसात केलं. एबीपी समुहासोबत जवळपास ६ वर्षांच्या कार्यकाळात त्यांनी विविध जबाबदाऱ्या पार पाडल्या. ट्रेनी, असिस्टंट प्रोड्युसर पदापासून प्रोड्युसरपर्यंत संधी मिळवली. मराठी भाषा दिवस, आंतरराष्ट्रीय पुरुष दिन, विवाहबाह्य संबंधावरील सुप्रीम कोर्टाचा निर्णय, वर्ल्ड टीव्ही डे यासारख्या विषयांवर त्यांनी केलेल्या डॉक्युमेंट्रीही विशेष गाजल्या.
पुढे टीव्ही९ मराठी वृत्तवाहिनीच्या वेबसाईटसोबत त्यांनी चार वर्ष काम केलं. यावेळी त्यांच्यातील नेतृत्व गुणांना वाव मिळाला. मॉर्निंग शिफ्ट इन्चार्ज म्हणून काम करताना बातमी लेखनाचं तंत्र शिकवण्यासोबतच त्यांनी सहकाऱ्यांना वेळोवेळी मार्गदर्शन केले. टीमसोबत समन्वय राखणे, प्रत्येकातील गुण हेरुन त्यानुसार कामाची विभागणी करणे यामध्ये त्यांचा हातखंडा आहे. कारकिर्दीच्या १३ वर्षांपैकी दहाहून अधिक वर्ष त्यांनी डिजिटल विश्वात काम केलं आहे. या काळात लोकसभा-विधानसभा-महापालिका यासारख्या विविध निवडणुकांचा त्यांनी बारकाईने अभ्यास केला आहे.
अनिश बेंद्रे २०२२ पासून महाराष्ट्र टाइम्स ऑनलाईनसोबत काम करत आहेत. सुरुवातीपासूनच मॉर्निंग शिफ्ट इन्चार्ज म्हणून काम करताना त्यांनी सहाय्यक वृत्त संपादक पदापर्यंत उन्नती मिळवली आहे. बातम्यांच्या सखोल विश्लेषणासोबतच बातमीमागील बातमी जाणून घेण्यात त्यांना रस आहे. बातमीचे विविध पैलू जाणून घेत सोप्या भाषेत ते प्रेक्षकांपर्यंत पोहोचवण्याचा त्यांचा प्रयत्न असतो. मानसशास्त्र विषयातील अभ्यासामुळे गुन्हेगारी बातम्या उलगडून सांगण्यात त्यांना मदत होते. याशिवाय मटा मॉर्निंग बुलेटिनच्या सूत्रसंचालनाची जबाबदारी त्यांनी स्वीकारली होती. तसंच मटा पत्रकार परिषद या निवडणूक विषयक कार्यक्रमाची संकल्पना-संयोजन आणि सूत्रसंचालनही त्यांनी केले होते. निवडणुकांच्या निमित्ताने त्यांनी विविध मान्यवरांच्या मुलाखती घेतल्या, सखोल राजकीय विश्लेषण केले, तसेच सामान्य नागरिकांशी संवाद साधणारे काही कार्यक्रमही व्हिडिओ टीमसोबत केले.
शैक्षणिक पात्रता
अनिश बेंद्रे यांनी २०१२ मध्ये रुपारेल महाविद्यालयातून मानसशास्त्र विषयात पदवी संपादन केली. त्यानंतर झेवियर्स महाविद्यालयातून मास कम्युनिकेशन विषयात पदव्युत्तर शिक्षण घेतले. मराठीसोबतच हिंदी, इंग्रजी, संस्कृत आणि जपानी भाषेचाही त्यांनी अभ्यास केला आहे.… आणखी वाचा
