Maharashtra Boy visits Narmadapuram Ghat : वेब सीरिजमध्ये बाबांची भूमिका करणाऱ्या पात्राला भेटण्यासाठी विद्यार्थ्याने थेट मध्य प्रदेशातील नर्मदापुरम गाठले. त्यासाठी त्याने स्वत:च्याच अपहरणाचा बनावही रचला होता.
शाळेच्या बहाण्याने घरुन निघाला
बेलतरोडी पोलिस ठाण्यातून प्राप्त माहितीनुसार, रोहित (नाव बदलेले) याच्या शाळेचा पहिला दिवस होता. सकाळी ‘शाळेत जातो’ असे सांगून तो सायकलने घरून निघाला; परंतु शाळेत न जाता त्याने आपली सायकल उज्ज्वलनगर मेट्रो स्टेशनखाली पार्क केली आणि तो मेट्रोने अजनी रेल्वे स्थानकावर गेला. तेथून त्याने नर्मदापुरम येथे जाणारी रेल्वेगाडी पकडली. तिथे दिवसभर त्या वेबसीरीजमधील बाबांचा शोध घेतला. मात्र, प्रत्यक्षात ते बाबा नसल्याने त्याने मिळेल ती रेल्वेगाडी पकडून मध्यरात्री दोनच्या सुमारास नागपूर गाठले.
अपहरणाची खोटी कथा रचली
इकडे मुलगा शाळेतून घरी पोहोचला नसल्याने पालकांनी बेलतरोडी पोलिस ठाण्यात तक्रार दाखल केली. वरिष्ठ पोलिस निरीक्षक रितेश आहेर यांच्या पथकाने तातडीने शोधमोहीम सुरू केली. परिसरातील सीसीटीव्ही फूटेज तपासले असता त्यांना रोहित उज्ज्वलनगर मेट्रो स्टेशनवरून अजनी रेल्वे स्थानकात गेल्याचे दिसला. दरम्यान, रोहित त्याच दिवशी सायंकाळी घरी परतला आणि त्याने अपहरणाची खोटी कथा रचली. मात्र, पोलिसांनी विश्वासात घेऊन चौकशी केली असता धक्कादायक वास्तव समोर आले.
Venezuela Earthquake : मी जिवंत आहे, माझ्या बायकोला सांगू नका; बोगदा खणून 8 दिवसांनी वाचवलं, त्याचेच शब्द ऐकून बचाव पथक बुचकळ्यात, कारण समजताच गलबलले
‘मला ते बोलवत आहेत’
डिजिटल माध्यमे आणि वेबसीरीजचे व्यसन मुलांच्या मानसिक आरोग्यासाठी किती घातक ठरू शकते, याचे हे डोळे उघडणारे उदाहरण आहे. वेबसीरिज, रील्स सतत पाहिल्यामुळे मुलांना काल्पनिक आणि वास्तविक जगातला फरकच समजणे बंद होते. ‘त्या सीरीजमधील बाबा मला नर्मदापुरम घाटावर भेटायला बोलवत आहेत,’ अशा भ्रमातूनच हा प्रकार घडला.
Maharashtra Farmer Gaun Khanij Royalty Free विहीर, गोठा, शेतघरांसाठी गौण खनिज मोफत
मानसोपचारतज्ज्ञ काय म्हणतात?
‘घरातील ताणतणाव, अभ्यासाची भीती, मला हिरो बनायचे आहे, काही तरी मोठे करायचे आहे अशा भावनेतून अल्पवयीन मुले घरातून पळून जातात. ‘डोसेसिएटिव्ह फ्युगी’ या आजारातून हे होते. हा सायकोसिसचा भाग असतो. लहान मुलांच्या मोबाइलच्या अतिवापरावर बंधने आणणे हा त्यावरील उपाय ठरू शकतो,’ असे मानसोपचारतज्ज्ञ डॉ. निखिल पांडे यांनी महाराष्ट्र टाईम्सशी बोलताना सांगितले.
लासलगावजवळ युवतीचे अपहरण
दुसरीकडे, नाशकातील डोंगरगाव येथील १६ वर्षीय मुलीचे अपहरण झाल्याची तक्रार लासलगाव पोलिस ठाण्यात नोंदवण्यात आली आहे. सुकन्या बसवैया असे अपहरण करण्यात आल्या मुलीचे नाव आहे. या प्रकरणी सुकन्याचे वडिल चिन्ना बसवैया व्यंकटेश किन्नरा यांनी फिर्याद दिली आहे.Ketan Agarwal Murder : निकनेम आणि कोड लँग्वेज… चेतन-सियाने डिलीट केलेल्या चॅटची रिकव्हरी, बीडवासी वर्गमित्राबद्दलही महत्त्वाची माहिती
चिन्ना हे मूळचे तेलंगण राज्यातील असून ते सद्या डोंगरगाव येथे जडी-बुटीचा व्यवसाय करतात. त्यांची मुलगी सुकन्या हिला शनिवारी (दि. ८) रात्री ९ ते १ वाजेच्या दरम्यान डोंगरगाव रोड पालखेड कालव्यालगतच्या रस्त्यावरून अज्ञात व्यक्तीने पळवून नेले, अशी तक्रार चिन्ना यांनी लासलगाव पोलिसांकडे केली आहे. रंग काळा सावळा, उंची ५ फूट, मजबूत शरीर बांधा, चेहरा गोल, डाव्या डोळ्यात काळा तीळ, केस काळे, डाव्या हाताच्या अंगठ्याजवळ एस अक्षर गोंदलेले असे सुकन्याचे वर्णन आहे.
लेखकाबद्दलअनिश बेंद्रेअनिश बेंद्रे हे महाराष्ट्र टाइम्स ऑनलाइनमध्ये सहाय्यक वृत्त संपादक या पदावर कार्यरत आहेत. ते मटा ऑनलाईनमध्ये २०२२ पासून कार्यरत आहेत. टीव्ही आणि डिजिटल अशा दोन्ही माध्यमांचा एकत्रित १३ वर्षांचा अनुभव त्यांच्या गाठीशी आहे. त्यांना राजकारण, समाजकारण यासोबतच मनोरंजन, गुन्हेगारी यासारख्या विविध विषयांवरील बातम्यांचे लेखन करण्याचा अनुभव आहे.
पत्रकारितेतील अनुभव
अनिश बेंद्रे यांनी टीव्ही माध्यमातून पत्रकारितेला सुरुवात केली. एबीपी माझा वृत्तवाहिनीत सर्वप्रथम त्यांना प्रॉडक्शन आणि टिकर विभागात काम करण्याची संधी मिळाली. मराठी भाषेवरील प्रभुत्वामुळे त्यांनी लिहिलेल्या आकर्षक हेडलाईन्स सहकाऱ्यांसह प्रेक्षकांची वाहवा मिळवून गेल्या. त्यानंतर २०१५ मध्ये एबीपी माझा वृत्तवाहिनीच्याच वेब टीमसोबत त्यांनी डिजिटल विश्वात कामाचा श्रीगणेशा केला. डिजिटल माध्यमासाठी लेखन करण्याचं आव्हान पेलताना त्यांनी लक्षवेधी मथळे लिहिण्याचं कसब आत्मसात केलं. एबीपी समुहासोबत जवळपास ६ वर्षांच्या कार्यकाळात त्यांनी विविध जबाबदाऱ्या पार पाडल्या. ट्रेनी, असिस्टंट प्रोड्युसर पदापासून प्रोड्युसरपर्यंत संधी मिळवली. मराठी भाषा दिवस, आंतरराष्ट्रीय पुरुष दिन, विवाहबाह्य संबंधावरील सुप्रीम कोर्टाचा निर्णय, वर्ल्ड टीव्ही डे यासारख्या विषयांवर त्यांनी केलेल्या डॉक्युमेंट्रीही विशेष गाजल्या.
पुढे टीव्ही९ मराठी वृत्तवाहिनीच्या वेबसाईटसोबत त्यांनी चार वर्ष काम केलं. यावेळी त्यांच्यातील नेतृत्व गुणांना वाव मिळाला. मॉर्निंग शिफ्ट इन्चार्ज म्हणून काम करताना बातमी लेखनाचं तंत्र शिकवण्यासोबतच त्यांनी सहकाऱ्यांना वेळोवेळी मार्गदर्शन केले. टीमसोबत समन्वय राखणे, प्रत्येकातील गुण हेरुन त्यानुसार कामाची विभागणी करणे यामध्ये त्यांचा हातखंडा आहे. कारकिर्दीच्या १३ वर्षांपैकी दहाहून अधिक वर्ष त्यांनी डिजिटल विश्वात काम केलं आहे. या काळात लोकसभा-विधानसभा-महापालिका यासारख्या विविध निवडणुकांचा त्यांनी बारकाईने अभ्यास केला आहे.
अनिश बेंद्रे २०२२ पासून महाराष्ट्र टाइम्स ऑनलाईनसोबत काम करत आहेत. सुरुवातीपासूनच मॉर्निंग शिफ्ट इन्चार्ज म्हणून काम करताना त्यांनी सहाय्यक वृत्त संपादक पदापर्यंत उन्नती मिळवली आहे. बातम्यांच्या सखोल विश्लेषणासोबतच बातमीमागील बातमी जाणून घेण्यात त्यांना रस आहे. बातमीचे विविध पैलू जाणून घेत सोप्या भाषेत ते प्रेक्षकांपर्यंत पोहोचवण्याचा त्यांचा प्रयत्न असतो. मानसशास्त्र विषयातील अभ्यासामुळे गुन्हेगारी बातम्या उलगडून सांगण्यात त्यांना मदत होते. याशिवाय मटा मॉर्निंग बुलेटिनच्या सूत्रसंचालनाची जबाबदारी त्यांनी स्वीकारली होती. तसंच मटा पत्रकार परिषद या निवडणूक विषयक कार्यक्रमाची संकल्पना-संयोजन आणि सूत्रसंचालनही त्यांनी केले होते. निवडणुकांच्या निमित्ताने त्यांनी विविध मान्यवरांच्या मुलाखती घेतल्या, सखोल राजकीय विश्लेषण केले, तसेच सामान्य नागरिकांशी संवाद साधणारे काही कार्यक्रमही व्हिडिओ टीमसोबत केले.
शैक्षणिक पात्रता
अनिश बेंद्रे यांनी २०१२ मध्ये रुपारेल महाविद्यालयातून मानसशास्त्र विषयात पदवी संपादन केली. त्यानंतर झेवियर्स महाविद्यालयातून मास कम्युनिकेशन विषयात पदव्युत्तर शिक्षण घेतले. मराठीसोबतच हिंदी, इंग्रजी, संस्कृत आणि जपानी भाषेचाही त्यांनी अभ्यास केला आहे.… आणखी वाचा
