Jalna Bus Accident : जालना जिल्ह्यातील शहापूर परिसरात दोन एसटी बसेसची समोरासमोर भीषण धडक झाली. या अपघातात दोन्ही चालक गंभीर जखमी झाले असून शाळकरी विद्यार्थ्यांसह 30 ते 40 प्रवासी जखमी झाले आहेत.
अपघात कसा झाला?
मिळालेल्या माहितीनुसार, MH 14 MH 1750 क्रमांकाची एसटी बस भाबेरी येथून शाळकरी विद्यार्थ्यांना घेऊन अंबडकडे येत होती. तर MH 14 BT 3022 क्रमांकाची दुसरी एसटी बस अंबडहून बीडकडे निघाली होती. सकाळी सुमारे 9 वाजण्याच्या सुमारास शहापूरजवळील गल्हाटी नदीच्या पुलावर दोन्ही बस समोरासमोर आल्या आणि क्षणार्धात जोरदार धडक झाली. धडकेचा आवाज इतका मोठा होता की परिसरातील नागरिक घटनास्थळी धावून आले.
Mumbai News: साकीनाका मृत्यू प्रकरणात पोलिसांना कंत्राटदार सापडेना; ३ मजूर सापडले, त्यांनाच ताब्यात घेतले!
अपघातामुळे दोन्ही बसच्या पुढील भागाचं मोठं नुकसान झालं असून, बसमधील अनेक प्रवासी गंभीर जखमी झाले. विशेष म्हणजे शाळेसाठी प्रवास करणारे विद्यार्थीही या अपघातात जखमी झाल्याने पालकांमध्ये चिंतेचं वातावरण निर्माण झालं आहे. प्राथमिक माहितीनुसार, दोन्ही बस चालकांनाही गंभीर दुखापत झाली असून त्यांच्यावर वैद्यकीय उपचार सुरू आहेत.
नागरिकांनी जीवाची पर्वा न करता मदतकार्य सुरु
प्रत्यक्षदर्शींनी दिलेल्या माहितीनुसार, अपघातानंतर बसमध्ये अडकलेल्या प्रवाशांना बाहेर काढण्यासाठी स्थानिक नागरिकांनी जीवाची पर्वा न करता मदतकार्य सुरू केलं. त्यानंतर रुग्णवाहिका घटनास्थळी दाखल झाल्या आणि जखमींना तातडीने अंबड येथील ग्रामीण रुग्णालयात हलविण्यात आलं. वैद्यकीय अधिकाऱ्यांनी सर्व जखमींवर उपचार सुरू केलं असून काही जखमींची प्रकृती गंभीर असल्याची माहिती समोर येत आहे.Ram Mandir Case : राम मंदिर अपहार प्रकरण; संघ व्यथित अन् संतप्त, RSS कडून प्रकरणावर तीव्र नाराजी, दोषींना कठोर शिक्षा देण्याची मागणी
प्राथमिक तपासात बीडकडे जाणाऱ्या एसटी बसच्या चालकाचं वाहनावरील नियंत्रण सुटल्यानं हा अपघात झाल्याची शक्यता व्यक्त करण्यात येत आहे. मात्र, अपघाताचं नेमकं कारण काय? याचा शोध घेण्यासाठी पोलिसांनी तपास सुरू केला आहे. घटनास्थळी पोलिसांनी पंचनामा करून वाहतूक सुरळीत करण्याचे काम हाती घेतलं. या अपघातामुळे जालना-वडिगोद्री महामार्गावर काही काळ वाहतुकीची कोंडी निर्माण झाली होती. अपघातग्रस्त बस बाजूला केल्यानंतर वाहतूक पूर्ववत करण्यात आली. या घटनेनं परिसरात हळहळ व्यक्त होत असून, एसटी प्रवाशांच्या सुरक्षिततेबाबत पुन्हा एकदा प्रश्नचिन्ह निर्माण झालं आहे.
लेखकाबद्दलप्रशांत पाटीलप्रशांत पाटील ‘महाराष्ट्र टाईम्स ऑनलाईन'(TIL) या आघाडीच्या डिजिटल माध्यम समूहात सीनियर डिजिटल कंन्टेट प्रोड्युसर पदावर कार्यरत आहेत. पुणे जिल्ह्यातील नामांकित ‘थोडक्यात’ न्यूज वेब पोर्टल, हैदराबादमधील ‘आधान शॉर्ट न्यूज अॅप’, ‘सकाळ मिडिया ग्रुप’ आणि आता ‘महाराष्ट्र टाइम्स ऑनलाईन’, असा जवळपास पाच ते साडेपाच वर्षांपेक्षा अधिक काळ ते कार्यरत आहेत. प्रशांत पाटील यांना महाराष्ट्रातील ग्रामीण भागातील सर्व गुन्हेगारी, अपघात, शेतकरी विषयक बातम्या, ग्रामीण भागात यश संपादन केलेल्या तरुणी किंवा तरुणांच्या सक्सेस स्टोरीज् आणि महाराष्ट्र हायपर लोकल अशा विविध विषयांची आवड आहे. ऑगस्ट (2026) पासून ‘महाराष्ट्र टाईम्स ऑनलाईन’साठी (TIL) काम करत आहेत. या दरम्यान, राज्यातील विधानसभा, लोकसभा आणि स्थानिक स्वराज्य संस्थाच्या निवडणुकींच्या बातम्यांवर विशेष लक्ष ठेवतात. याआधीही त्यांनी याच माध्यम समूहासोबत तीन वर्ष काम केलं आहे.
प्रशांत पाटील यांनी पुण्यातील नामांकित आबासाहेब गरवारे महाविद्यालयातून मास कम्युनिकेशन विषयात पदव्युत्तर शिक्षण घेतलं आहे. शिक्षण घेत असतानाच त्यांनी ‘थोडक्यात’ या न्यूज वेब पोर्टलला काम केलं. तिथे डिजिटल माध्यमासाठी लेखन करत असताना त्यांना डिजिटल क्षेत्रातलं कसं काम करतात? हे यश संपादन केलं. त्यानंतर त्यांना मुंबईत ‘महाराष्ट्र टाइम्य ऑनलाईन’ (TIL) या नामांकित माध्यम समूहामध्ये काम करण्याची संधी मिळाली. 28 मार्च 2022 रोजी ते ‘महाराष्ट्र टाइम्स ऑनलाईन’ या मोठ्या ब्रँण्डसोबत पहिल्यांदा जोडले गेले. तिथे त्यांनी प्रदीर्घ काळ म्हणजे तीन वर्ष डिजिटल विभागात काम केलं. त्यांनतर त्यांनी फेब्रुवारी 2025 ला ‘सकाळ मिडिया ग्रुप’ला काम करण्याची संधी मिळाली. परंतु तिथे ते काम करत असताना त्यांना पुन्हा ‘महाराष्ट्र टाइम्स ऑनलाईन’ (TIL) या माध्यम समूहाने संधी दिली. त्यानंतर ऑगस्ट 2026 पासून प्रशांत पाटील हे ‘महाराष्ट्र टाइम्स ऑनलाईन’सोबत (TIL) काम करताय.
‘महाराष्ट्र टाइम्स ऑनलाईन’मध्ये (TIL) काम करताना त्यांना खूप मोठमोठ्या संध्या मिळाल्या. जसे की, व्हिडिओ करणे, महाराष्ट्रातील संपूर्ण जिल्ह्यातील रिपोर्टर यांच्याशी समन्वय साधणे, जिल्हा प्रतिनिधींकडून वेळोवेळी काम करुन घेणे, विशेष आणि काही महत्वाच्या बातम्या मागवून घेणे, अशा बऱ्याच गोष्टींची त्यांना इथे मिळाली. प्रशांत पाटील हे सकाळच्या शिफ्टला काम करत असताना लाईव्ह ब्लॉग, रिपोर्टरशी बोलणे, ब्रेकिंग बातम्या, हायपर लोकल बातम्या, ग्रामीण भागातील सर्व घडामोडींकडे लक्ष देण्याचं काम ते करतात.… आणखी वाचा
