Son Murder Father Mother : देशात खुनाच्या घटना वारंवार समोर येत आहेत. अशात एका तिहेरी हत्याकांडामध्ये पोलिसांनी खऱ्या आरोपीचा चेहरा समोर आणला आहे. आरोपीने आपल्या कुटुंबियांना मारून नंतर असा काही बनाव केला की त्याच्या प्लॅनिंगमुळेच तो चुकला आणि पोलिसांसमोर त्याचं पितळं उघडं पडलं.
पैशांच्या लालसेपोटी आरोपीने आपल्याच आई-वडिलांची आणि आजीची हत्या केल्याचं समोर आला आहे. हत्याकेल्यानंतर आरोपीने २ दिवस घराच्या व्हरांड्यामध्ये मृतदेह सॅनिटायझर आणि लाकडाने हळूहळू जाळत ठेवले. त्यानंतर घरातले बेपत्ता झाल्याचा खोटा बनाव केला आणि पोलिसांची दिशाभूल करण्यासाठी छत्तीसगडच्या सिंगोडा पोलीस ठाण्यात तक्रार दाखल करण्यासाठी गेला.
८ मे पासून बेपत्ता होते कुटुंबिय….
पोलिसांनी दिलेल्या माहितीनुसार, उदित असं आरोपीचं नाव असून १२ मे रोजी त्याने पोलीस ठाण्यात माहिती देताना सांगितले की ८ मेपासून त्याचे वडील प्रभात भोई, आई सविता भोई आणि आजी सुलोचना हे उपचारासाठी रायपूरला गेले होते. पण अद्याप घरी परतले नाही. बेपत्ता व्यक्तींची तक्रार नोंदवल्यानंतर पोलिसांनी शोध सुरू केला. त्यानंतर मयताचा दुसरा मुलगा अमित भोई हा रायपूर इथे शिक्षणासाठी होता. काकाकडून आपले कुटुंबिय बेपत्ता असल्याचं त्याला कळलं. यानंतर त्याने तातडीने आपलं घर गाठलं. यावेळी घराचं कुंपण, जळाल्याच्या खुणा, एका बाजूला राख, भिंती आणि बाथरुममध्ये रक्ताचे डाग त्याला दिसून आले. मुलाने घराची झडती घेतली तेव्हा त्याला संशय आला आणि त्याने याची माहिती पोलिसांना दिली.
फॉरेन्सिक टीमला सापडली जळालेली हाडं….
दुसऱ्या मुलाने दिलेल्या माहितीनंतर या संपूर्ण प्रकरणाला वेगळंच वळण लागलं. पोलिसांनी त्या दिशेने तपास सुरू केला आणि मुलाच्या घराची झडती घेतली. यावेळी फॉरेन्सिक टीमला घराच्या व्हरांड्यामध्ये जळालेल्या हाडांचे अवशेष सापडले. त्याची अधिक तपासणी केली असता ती हाडं बेपत्ता असलेल्या आई-वडील आणि आजीची असल्याचंही समोर आलं
पोटला लेकच निघाला खूनी…
पोलिसांनी तातडीने उदितला ताब्यात घेतलं आणि त्याची कसून चौकशी केली असता त्याने आपल्या गुन्ह्यांची कबुली दिली. आरोपी वडील हे शिक्षक होते. त्यांची अनुकंपा नियुक्ती मिळवण्यासाठी आणि त्याच्या वाईट सवयी आणि आर्थिक गरजा भागवण्यासाठी उदित नेहमी घरी भांडायचा. अधिक पैशांच्या लालसेपोटी त्याने रात्री झोपेतच आपल्या आई-वडील आणि आजीची हॉकी स्टिकने हत्या केली. हत्येनंतर आरोपीने ४ दिवस बेहिशेबी पैसा खर्च केला. नवीन एसी, वॉर्डरोब, बेड, मोबाईल आणि अनेक वस्तूही खरेदी केल्या. सगळ्यात धक्कादायक बाब म्हणजे आपला गुन्हा लपवण्यासाठी तो आई-वडील आणि आजीच्या मोबाईलवरून नातेवाईंकांना मी लवकर घरी येईन असे खोटे मेसेजही पाठवत होता. पण अखेर त्याच्या काळ्या कृत्यांचा उलगडा पोलिसांनी केला.
कांद्याच्या वखारीत सुरू होता भलताच खेळ; पोलिसांनी सापळा रचून टाकला छापा; पाहताच फुटला घाम
लेखकाबद्दलरेणुका धायबररेणुका धायबर, महाराष्ट्र टाइम्समध्ये Senior Digital Content Producer आहेत. डिजिटल पत्रकारितेचा आठ वर्षांचा अनुभव आहे. २०१४ पासून पत्रकारीतेत आहेत. झी २४ तास , न्यूज १८ लोकमत, टीव्ही ९ अशा वेबसाइटसाठी त्यांनी काम केले आहे. महाराष्ट्र, राजकारण, गुन्हेगारी, देश, विदेश, स्पेशल बातम्या यासोबत व्यवसाय विषयात त्यांची आवड आहे.… आणखी वाचा
