Mrunal Thakur : 10 वर्षांनी लहान यशस्वी जैस्वालसोबत अफेअरच्या चर्चा, मृणाल ठाकूरनं सोडलं मौन; काय म्हणाली अभिनेत्री?

क्रिकेटपटू यशस्वीसोबतच्या अफेअरच्या चर्चांवर मृणालनं मौन सोडलं

यशस्वीसोबतच्या व्हायरलव्हिडिओवर कमेंट करत मृणालनं लिहिलं की, ‘Bro Relax… तुम्ही आम्हाला कुठे एकत्र पाहिलंत? तुम्ही एवढे शिकलेले असून अशा अफवांवर कसा काय विश्वास ठेऊ शकता? देशात इतर गोष्टीसुद्धा घडत आहेत. जेन झींकडून काहीतरी शिका आणि योग्य विषयावर व्हिडिओ बनवा, त्यामुळे जास्त व्ह्यूज मिळतील.’ मृणालनं केलेली कमेंट डिलीट करण्यात आली आहे. मात्र, या कमेंटचा स्क्रीनशॉट सोशल मीडियावर व्हायरल होतोय. मृणालचे चाहतेही अभिनेत्रीच्या समर्थनार्थ पुढे आले आहेत.

धनुषसोबत अफेअरच्या चर्चा

मृणालच्या अफेअरच्या अफवा समोर येण्याची ही पहिली वेळ नाही. यापूर्वी, २०२५ मध्ये मृणाल ठाकूरचं नाव अभिनेता धनुषसोबत जोडलं गेलं होतं. २०२६ मध्ये धनुष आणि मृणाल लग्न करणार असल्याच्या चर्चाही झाल्या. पण, दोन्ही कलाकारांनी आणि त्यांच्या जवळच्या लोकांनी या अफवा पूर्णपणे फेटाळून लावल्या आहेत.

Prajakta Mali : ‘मी अधिकृतपणे क्रूरतामुक्त झालेय’, वाढदिवशी प्राजक्ता माळीचा महत्वाचा निर्णय, पोस्ट करत दिली माहिती

मृणाल ठाकूरचं वर्क फ्रंट

मृणाल ठाकूर अलीकडेच ‘है जवानी तो इश्क होना है’ या चित्रपटात दिसली होती. या सिनेमात वरुण धवन आणि पूजा हेगडे यांच्याही भूमिका होत्या. यानंतर, मृणाल हुमा कुरेशीसोबत ‘पूजा मेरी जान’ या चित्रपटात दिसणार आहे. हा कोर्टरूम ड्रामा ZEE5 या ओटीटी प्लॅटफॉर्मवर प्रदर्शित होणार असून सिनेमाच्या प्रदर्शनाची तारीख अद्याप जाहीर करण्यात आलेली नाही.