Maharashtra Weather : पुणे घाट परिसराला रेड अलर्ट, मुंबईत जोर कमी, हवामान विभागाचा अंदाज; अरबी समुद्रावरुन येणारे वारे अधिक सक्रिय
पुढील दोन दिवस पुण्यात आकाश अंशतः ढगाळ राहणार असून, तापमानात थोडी घट होणार आहे. दुपारनंतर शहर आणि जिल्ह्यात हलक्या ते मध्यम स्वरूपाच्या पावसाची शक्यता आहे. घाटमाथ्यावर जोरदार, तर काही भागांत अतिजोरदार पाऊस पडेल, असा अंदाज भारतीय हवामानशास्त्र विभागाने व्यक्त केला आहे. घाट माथ्याला ‘रेड ॲलर्ट’ दिला आहे. पुण्यात मंगळवारी दिवसभरात तुरळक ठिकाणी पावसाचा शिडकावा झाला. रिपरिप पाऊस दिवसभर पडत राहिला. मुंबईतही दुपारी काही मिनिटे पडलेल्या सरींनी तुरळक ठिकाणी रस्ते जलमय झाले.
