Jamkhed Srigonda Road Accident : शासकीय सेवेत असलेले दोघेही चुलतभाऊ आपल्या मूळगावातून पहाटे अडीच ते तीन वाजण्याच्या सुमारास नोकरीच्या ठिकाणी निघाले होते. त्याचवेळी समोरुन येणाऱ्या आयशर टेम्पोची त्यांच्या कारला समोरासमोर जोरदार धडक बसली.
धडकेची तीव्रता इतकी भीषण होती की चारचाकीचा अक्षरशः चक्काचूर झाला, तर दोघांचेही शव वाहनात अडकून पडले होते. या दुर्घटनेत निखिल मोतीलाल बहुरे (महसूल सहाय्यक, तहसील कार्यालय, श्रीगोंदा) आणि रामचंद्र महाजन बहुरे (मोजणीदार, पाटबंधारे विभाग, श्रीगोंदा) या दोन शासकीय कर्मचाऱ्यांचा जागीच मृत्यू झाला. दोघेही मूळचे छत्रपती संभाजीनगर जिल्ह्यातील असून सध्या श्रीगोंद्यात नोकरीनिमित्त वास्तव्यास होते.
चुलतभाऊ गावातून नोकरीला निघालेले
मिळालेल्या माहितीनुसार रविवारी दि. १९ जुलै रोजी पहाटे अडीच ते तीन वाजण्याच्या सुमारास दोघेही चुलतभाऊ आपल्या मूळगावातून श्रीगोंद्याकडे नोकरीच्या ठिकाणी निघाले होते. त्याचवेळी समोरुन येणाऱ्या आयशर टेम्पोची त्यांच्या कारला पाटोदा गरडाचे गावाजवळील वळणावर समोरासमोर जोरदार धडक बसली.
Crime News : 8 वर्षांच्या रिलेशननंतर प्रेमभंग, मुंबईत तरुणीने जीवन संपवलं, कुटुंबीयांनी बॉडी प्रियकराच्या घरी नेली, मंगळसूत्र घालून अंत्यविधी करण्याची मागणी
रस्त्याला मोठमोठ्या भेगा पडल्याने दुरुस्तीचे काम सुरु होते. त्यामुळे एका बाजूची वाहतूक बंद करुन केवळ एकाच लेनवरून वाहने सोडली जात होती. याच ठिकाणी दोन्ही वाहने समोरासमोर आल्याने हा भीषण अपघात घडल्याची प्राथमिक माहिती समोर आली आहे. अपघातानंतर टेम्पो चालक घटनास्थळावरुन फरार झाला. या प्रकरणी जामखेड पोलिसांनी टेम्पो चालकाच्या विरुद्ध गुन्हा दाखल केला असून त्याचा शोध सुरु आहे.
मी अस्वस्थ, बीडमध्ये काहीही झाल्यास माझं नाव घेतलं जातं; धनंजय मुंडेंची खंत
अकाली निधनाने सर्वत्र हळहळ
घटनेची माहिती मिळताच पोलीस निरीक्षक दशरथ चौधरी, पोलिस उपनिरीक्षक गणेश वाघ तसेच पोलिस कर्मचाऱ्यांनी तातडीने घटनास्थळी धाव घेतली. वाहनाचा पत्रा कापून दोघांना बाहेर काढण्यात आले. मात्र जामखेड ग्रामीण रुग्णालयात दाखल करण्यापूर्वीच त्यांचा मृत्यू झाल्याचे डॉक्टरांनी घोषित केले.Nagpur Crime : पुण्यातील नर्सिंग विद्यार्थिनीला इन्स्टावर मित्र मिळाला, 21 वर्षीय तरुणाने नागपुरात बोलावलं, भेटीत भलताच प्रकार
या भीषण अपघातानंतर नागरिकांनी संताप व्यक्त करत रस्त्याच्या दुरुस्तीच्या कामात पुरेशा सुरक्षा व्यवस्थेचा अभाव असल्याचा आरोप केला आहे. या दुर्दैवी घटनेमुळे श्रीगोंदा तहसील कार्यालय, पाटबंधारे विभाग यांच्यावर शोककळा पसरली असून दोनही भाऊ शासकीय कर्मचाऱ्यांच्या अकाली निधनाने सर्वत्र हळहळ व्यक्त होत आहे.
लेखकाबद्दलअनिश बेंद्रेअनिश बेंद्रे हे महाराष्ट्र टाइम्स ऑनलाइनमध्ये सहाय्यक वृत्त संपादक या पदावर कार्यरत आहेत. ते मटा ऑनलाईनमध्ये २०२२ पासून कार्यरत आहेत. टीव्ही आणि डिजिटल अशा दोन्ही माध्यमांचा एकत्रित १३ वर्षांचा अनुभव त्यांच्या गाठीशी आहे. त्यांना राजकारण, समाजकारण यासोबतच मनोरंजन, गुन्हेगारी यासारख्या विविध विषयांवरील बातम्यांचे लेखन करण्याचा अनुभव आहे.
पत्रकारितेतील अनुभव
अनिश बेंद्रे यांनी टीव्ही माध्यमातून पत्रकारितेला सुरुवात केली. एबीपी माझा वृत्तवाहिनीत सर्वप्रथम त्यांना प्रॉडक्शन आणि टिकर विभागात काम करण्याची संधी मिळाली. मराठी भाषेवरील प्रभुत्वामुळे त्यांनी लिहिलेल्या आकर्षक हेडलाईन्स सहकाऱ्यांसह प्रेक्षकांची वाहवा मिळवून गेल्या. त्यानंतर २०१५ मध्ये एबीपी माझा वृत्तवाहिनीच्याच वेब टीमसोबत त्यांनी डिजिटल विश्वात कामाचा श्रीगणेशा केला. डिजिटल माध्यमासाठी लेखन करण्याचं आव्हान पेलताना त्यांनी लक्षवेधी मथळे लिहिण्याचं कसब आत्मसात केलं. एबीपी समुहासोबत जवळपास ६ वर्षांच्या कार्यकाळात त्यांनी विविध जबाबदाऱ्या पार पाडल्या. ट्रेनी, असिस्टंट प्रोड्युसर पदापासून प्रोड्युसरपर्यंत संधी मिळवली. मराठी भाषा दिवस, आंतरराष्ट्रीय पुरुष दिन, विवाहबाह्य संबंधावरील सुप्रीम कोर्टाचा निर्णय, वर्ल्ड टीव्ही डे यासारख्या विषयांवर त्यांनी केलेल्या डॉक्युमेंट्रीही विशेष गाजल्या.
पुढे टीव्ही९ मराठी वृत्तवाहिनीच्या वेबसाईटसोबत त्यांनी चार वर्ष काम केलं. यावेळी त्यांच्यातील नेतृत्व गुणांना वाव मिळाला. मॉर्निंग शिफ्ट इन्चार्ज म्हणून काम करताना बातमी लेखनाचं तंत्र शिकवण्यासोबतच त्यांनी सहकाऱ्यांना वेळोवेळी मार्गदर्शन केले. टीमसोबत समन्वय राखणे, प्रत्येकातील गुण हेरुन त्यानुसार कामाची विभागणी करणे यामध्ये त्यांचा हातखंडा आहे. कारकिर्दीच्या १३ वर्षांपैकी दहाहून अधिक वर्ष त्यांनी डिजिटल विश्वात काम केलं आहे. या काळात लोकसभा-विधानसभा-महापालिका यासारख्या विविध निवडणुकांचा त्यांनी बारकाईने अभ्यास केला आहे.
अनिश बेंद्रे २०२२ पासून महाराष्ट्र टाइम्स ऑनलाईनसोबत काम करत आहेत. सुरुवातीपासूनच मॉर्निंग शिफ्ट इन्चार्ज म्हणून काम करताना त्यांनी सहाय्यक वृत्त संपादक पदापर्यंत उन्नती मिळवली आहे. बातम्यांच्या सखोल विश्लेषणासोबतच बातमीमागील बातमी जाणून घेण्यात त्यांना रस आहे. बातमीचे विविध पैलू जाणून घेत सोप्या भाषेत ते प्रेक्षकांपर्यंत पोहोचवण्याचा त्यांचा प्रयत्न असतो. मानसशास्त्र विषयातील अभ्यासामुळे गुन्हेगारी बातम्या उलगडून सांगण्यात त्यांना मदत होते. याशिवाय मटा मॉर्निंग बुलेटिनच्या सूत्रसंचालनाची जबाबदारी त्यांनी स्वीकारली होती. तसंच मटा पत्रकार परिषद या निवडणूक विषयक कार्यक्रमाची संकल्पना-संयोजन आणि सूत्रसंचालनही त्यांनी केले होते. निवडणुकांच्या निमित्ताने त्यांनी विविध मान्यवरांच्या मुलाखती घेतल्या, सखोल राजकीय विश्लेषण केले, तसेच सामान्य नागरिकांशी संवाद साधणारे काही कार्यक्रमही व्हिडिओ टीमसोबत केले.
शैक्षणिक पात्रता
अनिश बेंद्रे यांनी २०१२ मध्ये रुपारेल महाविद्यालयातून मानसशास्त्र विषयात पदवी संपादन केली. त्यानंतर झेवियर्स महाविद्यालयातून मास कम्युनिकेशन विषयात पदव्युत्तर शिक्षण घेतले. मराठीसोबतच हिंदी, इंग्रजी, संस्कृत आणि जपानी भाषेचाही त्यांनी अभ्यास केला आहे.… आणखी वाचा
