Jalna Patel Dairy Food and Medicine Department Raid : राज्यात अन्न व औषध प्रशासनाने कार्यवाहींचा धडाका लावलाय. अशातच जालन्यातील प्रसिद्ध पटेल डेअरीवर अचानक तपासणी मोहीम राबविली.
नियमानुसार दुधाचे नमुने संकलित केले
तपासणीदरम्यान डेअरीमध्ये सुमारे हजार लिटर म्हशीचं दूध साठवून ठेवण्यात आल्याचं आढळून आलं आहे. प्रशासनाच्या अधिकाऱ्यांनी नियमानुसार दुधाचे नमुने संकलित करून ते अधिकृतरीत्या सील केले. हे नमुने पुढील रासायनिक विश्लेषणासाठी छत्रपती संभाजीनगर येथील अन्न विश्लेषक प्रयोगशाळेत पाठविण्यात आले आहेत. संबंधित अहवाल प्राप्त झाल्यानंतर त्यानुसार पुढील प्रशासकीय कारवाई केली जाणार असल्याची माहिती अन्न व औषध प्रशासनाकडून देण्यात आली.
Karjat Roha Railway Line : कर्जत-रोहा रेल्वेमार्गाची नवी जोडणी; मालवाहतुकीच्या प्रवासवेळेत बचत होणार, प्रकल्पाची वैशिष्ट्ये अन् फायदे काय?
राज्यातील ग्राहकांना सुरक्षित आणि दर्जेदार अन्नपदार्थ उपलब्ध व्हावेत, तसेच भेसळयुक्त उत्पादनांवर आळा बसावा, या उद्देशाने विभागाकडून विविध ठिकाणी नियमित तपासण्या करण्यात येत आहेत. दूध आणि दुग्धजन्य पदार्थांच्या गुणवत्तेबाबत नागरिकांमध्ये वाढती जागरूकता लक्षात घेऊन प्रशासनाने तपासणी मोहिमेला विशेष प्राधान्य दिले आहे. ही कारवाई सहायक आयुक्त नि. सु. कुलकर्णी यांच्या मार्गदर्शनाखाली अन्न सुरक्षा अधिकारी अश्विनी तांबे, अन्न सुरक्षा अधिकारी अनुजा नगरारे आणि नमुना सहाय्यक धम्मदीप नरवडे यांच्या पथकाने पार पाडली. तपासणी प्रक्रियेदरम्यान सर्व नमुने निर्धारित नियमांनुसार संकलित करून पुढील चाचणीसाठी पाठविण्यात आल्याची माहिती अधिकाऱ्यांनी दिली.
डेअरीचे मालक काय म्हणाले?
दरम्यान, पटेल दूध डेअरीचे मालक अजीम पटेल यांनी या कारवाईबाबत आपली भूमिका स्पष्ट करताना सांगितलं की, ‘अन्न व औषध प्रशासन विभागाकडून वेळोवेळी त्यांच्या डेअरीतील दुधाचे नमुने तपासणीसाठी घेतले जातात. आतापर्यंत झालेल्या सर्व तपासण्यांमध्ये त्यांच्या डेअरीतील दूध शुद्ध आणि दर्जेदार असल्याचं अहवालातून सिद्ध झाले आहे. आज घेण्यात आलेले नमुनेही नियमित तपासणी प्रक्रियेचाच एक भाग असल्याचे त्यांनी नमूद केले. प्रयोगशाळेचा अहवाल आल्यानंतर वस्तुस्थिती स्पष्ट होईल’, असा विश्वास व्यक्त करत त्यांनी डेअरीमध्ये कोणत्याही प्रकारची भेसळ अथवा मिलावट केली जात नसल्याचा दावा केला. ग्राहकांना उपलब्ध करून दिले जाणारे दूध हे स्वतःच्या म्हशींपासून मिळणारे असल्यामुळे गुणवत्ता आणि शुद्धतेबाबत कोणतीही तडजोड केली जात नसल्याचेही त्यांनी सांगितले.Nashik Crime : नाशिकमध्ये सुटकेसमधील महिलेच्या बॉडीचा उलगडा, 28 सीसीटीव्ही फुटेजची मदत; हातावरील टॅटूमुळे मोठी माहिती समोर
सध्या या प्रकरणात प्रयोगशाळेच्या अहवालाची प्रतीक्षा असून, अहवाल प्राप्त झाल्यानंतरच दुधाच्या गुणवत्तेबाबत अंतिम निष्कर्ष समोर येणार आहे. त्यामुळे प्रशासन आणि डेअरी व्यवस्थापन या दोन्हींकडून तपासणी अहवालाकडे लक्ष लागले आहे. तर तुकाराम मुंडे यांच्या या कारवाया राज्यभरात चर्चेचा विषय ठरत असून सर्वसामान्य नागरिकांमधून त्यांच्या कारवायाचे स्वागत केले जात आहे.
लेखकाबद्दलप्रशांत पाटीलप्रशांत पाटील ‘महाराष्ट्र टाईम्स ऑनलाईन'(TIL) या आघाडीच्या डिजिटल माध्यम समूहात सीनियर डिजिटल कंन्टेट प्रोड्युसर पदावर कार्यरत आहेत. पुणे जिल्ह्यातील नामांकित ‘थोडक्यात’ न्यूज वेब पोर्टल, हैदराबादमधील ‘आधान शॉर्ट न्यूज अॅप’, ‘सकाळ मिडिया ग्रुप’ आणि आता ‘महाराष्ट्र टाइम्स ऑनलाईन’, असा जवळपास पाच ते साडेपाच वर्षांपेक्षा अधिक काळ ते कार्यरत आहेत. प्रशांत पाटील यांना महाराष्ट्रातील ग्रामीण भागातील सर्व गुन्हेगारी, अपघात, शेतकरी विषयक बातम्या, ग्रामीण भागात यश संपादन केलेल्या तरुणी किंवा तरुणांच्या सक्सेस स्टोरीज् आणि महाराष्ट्र हायपर लोकल अशा विविध विषयांची आवड आहे. ऑगस्ट (2026) पासून ‘महाराष्ट्र टाईम्स ऑनलाईन’साठी (TIL) काम करत आहेत. या दरम्यान, राज्यातील विधानसभा, लोकसभा आणि स्थानिक स्वराज्य संस्थाच्या निवडणुकींच्या बातम्यांवर विशेष लक्ष ठेवतात. याआधीही त्यांनी याच माध्यम समूहासोबत तीन वर्ष काम केलं आहे.
प्रशांत पाटील यांनी पुण्यातील नामांकित आबासाहेब गरवारे महाविद्यालयातून मास कम्युनिकेशन विषयात पदव्युत्तर शिक्षण घेतलं आहे. शिक्षण घेत असतानाच त्यांनी ‘थोडक्यात’ या न्यूज वेब पोर्टलला काम केलं. तिथे डिजिटल माध्यमासाठी लेखन करत असताना त्यांना डिजिटल क्षेत्रातलं कसं काम करतात? हे यश संपादन केलं. त्यानंतर त्यांना मुंबईत ‘महाराष्ट्र टाइम्य ऑनलाईन’ (TIL) या नामांकित माध्यम समूहामध्ये काम करण्याची संधी मिळाली. 28 मार्च 2022 रोजी ते ‘महाराष्ट्र टाइम्स ऑनलाईन’ या मोठ्या ब्रँण्डसोबत पहिल्यांदा जोडले गेले. तिथे त्यांनी प्रदीर्घ काळ म्हणजे तीन वर्ष डिजिटल विभागात काम केलं. त्यांनतर त्यांनी फेब्रुवारी 2025 ला ‘सकाळ मिडिया ग्रुप’ला काम करण्याची संधी मिळाली. परंतु तिथे ते काम करत असताना त्यांना पुन्हा ‘महाराष्ट्र टाइम्स ऑनलाईन’ (TIL) या माध्यम समूहाने संधी दिली. त्यानंतर ऑगस्ट 2026 पासून प्रशांत पाटील हे ‘महाराष्ट्र टाइम्स ऑनलाईन’सोबत (TIL) काम करताय.
‘महाराष्ट्र टाइम्स ऑनलाईन’मध्ये (TIL) काम करताना त्यांना खूप मोठमोठ्या संध्या मिळाल्या. जसे की, व्हिडिओ करणे, महाराष्ट्रातील संपूर्ण जिल्ह्यातील रिपोर्टर यांच्याशी समन्वय साधणे, जिल्हा प्रतिनिधींकडून वेळोवेळी काम करुन घेणे, विशेष आणि काही महत्वाच्या बातम्या मागवून घेणे, अशा बऱ्याच गोष्टींची त्यांना इथे मिळाली. प्रशांत पाटील हे सकाळच्या शिफ्टला काम करत असताना लाईव्ह ब्लॉग, रिपोर्टरशी बोलणे, ब्रेकिंग बातम्या, हायपर लोकल बातम्या, ग्रामीण भागातील सर्व घडामोडींकडे लक्ष देण्याचं काम ते करतात.… आणखी वाचा
