ITR Refund Adjustment To Collect Remaining Past Tax Dues ; तुमचाही आयकर परतावा अपेक्षेपेक्षा कमी आलाय? लाखो तक्रारी; आता कारण, उपाय समजून घ्या

यंदाच्या वित्तवर्षातील इन्कम टॅक्स रिटर्न ( ITR ) भरण्याची शेवटची मुदत 31 जुलै 2026 होती. ज्या करदात्यांकडून शेवटची तारीख चुकली असेल त्यांना त्यांच्या वार्षिक उत्पन्नानुसार विलंब शुल्क भरावा लागू शकतो. अशामध्ये ITR Refund मुळे देशभरातील बहुतेक करदात्यांचा गोंधळ उडाला आहे. ITR Refund दाखवण्यात एक आला आहे आणि हातात एक आला आहे, यामुळे देशभरातून लाखो तक्रारी येत आहेत. हाती येणाऱ्या इनकम टॅक्स रिफंडच्या रक्कमेत काही अंशी रक्कम वजा करण्यात आल्याची बहुतेक करदात्यांची तक्रार आहे. त्यामुळे रक्कम नक्की कसली कापली जात आहे? असा प्रश्न साऱ्यांनाच लागून आहे.

जर तुमच्याही ITR रिफंडमधील रक्कम कापणात आली असेल तर घाबरून जाण्याचे कारण नाही. कारण कापण्यात आलेली रक्कम ही तुमची थकबाकी आहे. जर तुमची आधीची थकबाकी शिल्लक असेल तर ती यंदाच्या ITR रिफंडमधून वसूलन्यात आली आहे, त्यामुळे कापण्यात आलेली रक्कम ही तीच रक्कम आहे जी तुम्हाला कधीना कधी तरी भरावीच लागणार होती. तरी खबरदारी म्हणून प्रत्येक करदात्याने त्यांच्या थकबाकीविषयी जाणून घेतले पाहिजे. तांत्रिक समस्येमुळे होणाऱ्या नफ्यापासून स्वतःला सुरक्षित ठेवण्यासाठी प्रत्येक करदात्याने आपल्या थकबाकीचा तपशील तपासला पाहिजे.

जुन्या थकबाकीचे तपशील कसे तपासतात?

• इन्कम टॅक्स ई फायलिंग पोर्टलवर लॉगिन करा.
• पेंडिंग ऍक्शन्स किंवा Response To Outstanding Demand वर क्लिक करा.
• तुमच्या थकबाकीचा संपूर्ण तपशील तुमच्यासमोर येईल.

Outstanding Demand म्हणजे काय?

Outstanding Demand म्हणजे तुमची थकबाकी. जेव्हा करदात्याचा जुना कर अद्याप भरला गेला नसतो तेव्हा त्या रक्कमेला Outstanding Demand म्हणतात. देशातील बहुतेक करदात्यांचा ITR Refund कापून येण्याचे कारण आऊटस्टँडिंग डिमांड आहे. एकंदरीत, जर रिफंड 10,000 रुपये असला आणि हातात रक्कम 8,000 रुपये आली असेल तर वजा करण्यात आलेली 2000 रुपये रक्कम ही तुमची जुनी करथकबाकी म्हणजेच आऊटस्टँडिंग डिमांड आहे.

Gold-Silver Rate: सोन्याने पुन्हा वाढवली धडधड, चांदीही महागली; सलग दुसऱ्या दिवशी गुंतवणूकदारांच्या चेहऱ्यावर हास्य फुललेजुन्या थकबाकीचा तपशील पाहणे गरजेचेच

अनेकदा आयकर विभाग ITR Refund तसेच आऊटस्टँडिंग डिमांडसंबंधित नोटीस पाठवतात. बहुतेक करदाते या नोटिशीला दुर्लक्षित करतात आणि स्वतःचे आर्थिक नुकसान करून घेतात. आयकर विभागाने पाठवलेल्या या नोटिशीला उत्तर देणे गरजेचे असते. उत्तर देण्यासाठी करदात्यांनी इन्कम टॅक्स ई फायलिंग पोर्टलवर लॉगिन करावे. पेंडिंग ऍक्शन्समध्ये जाऊन Response To Outstanding Demand वर क्लिक करावे. तिथे असणाऱ्या पर्यायांपैकी योग्य पर्यायाची निवड करावी.

लेखकाबद्दलटीम मटा ऑनलाइनमहाराष्ट्र टाइम्स ऑनलाइन हा गेल्या २६ वर्षांपासून महाराष्ट्रातील अग्रगण्य पोर्टल आहे. राजकीय, सामाजिक, आर्थिक, कला, क्रीडा, मनोरंजन, लाइफस्टाइल या विषयावर बातम्या देण्याचा आणि वाचकांना अपडेट ठेवण्याचे काम केले जाते. या टीममधील प्रत्येक पत्रकार हा वाचक हा केंद्र बिंदू मानून त्यांना बित्तमबातमी देण्याचा प्रयत्न करतो.… आणखी वाचा