Indian Man Stabbed In US Mall: अमेरिकेतील युटा येथील ‘व्हॅली फेअर मॉल’मध्ये एका भारतीय मुस्लिम कर्मचाऱ्यावर धार्मिक द्वेषातून चाकूहल्ला झाल्याची घटना घडली आहे.
ही घटना वेस्ट व्हॅली सिटी येथील ‘व्हॅली फेअर मॉल’मध्ये घडली. पोलिसांनी दिलेल्या माहितीनुसार, लार्सनने मॉलमध्ये काम करणाऱ्या सोहेल नावाच्या भारतीय तरुणाशी संवाद साधून आधी त्याचा धर्म विचारला आणि नंतर अचानक हल्ला केला. पोलिसांनी लार्सनवर खुनाचा प्रयत्न आणि धोकादायक शस्त्र बाळगल्याचा गुन्हा दाखल करून त्याला सॉल्ट लेक काउंटी कारागृहात पाठवले आहे.
लार्सनने आधी सोहेलला त्याच्या मूळ देशाबद्दल विचारले. सोहेलने ‘मी भारताचा असून माझे नाव सोहेल आहे,’ असे सांगितले. त्यानंतर त्याने ‘तू मुस्लिम आहेस का’ असे विचारले आणि सोहेलने होकार देताच लार्सनने त्याच्यावर वार करण्यास सुरुवात केली, अशी माहिती मॉलच्या शेजारील दागिन्यांच्या दुकानात काम करणाऱ्या लुना नुनेझ यांनी दिली.
UK Social Media Curfew: ब्रिटनमध्ये मुलांसाठी रात्री सोशल मीडिया बंद; आपोआप सुरु होणारे Video फिचर्स बंद होणार
द्वेषाला जागा नाही
सोहेल हा कुटुंबातील एकमेव कमावता पुरुष असून त्याला पत्नी आणि दोन लहान मुले आहेत. सोहेलचे व्यवस्थापक अदनान मोहम्मद यांनी या हल्ल्याचा निषेध करून म्हटले, ‘हा सरळ धार्मिक द्वेषयुक्त गुन्हा आहे. सोहेल अत्यंत कष्टाळू माणूस आहे. अशा निष्पाप व्यक्तीवरील हल्ला हा त्याच्या संपूर्ण कुटुंबावरील हल्ला ठरतो.’ दरम्यान अमेरिकेतील नागरी हक्क संघटनांनी या निमित्ताने देशातील वाढत्या मुस्लिमविरोधी घटनांबद्दल तीव्र चिंता व्यक्त केली आहे.
Bangkok Pub Fire: जीव वाचवण्यासाठी किचन-बाथरूममध्ये लपले, आगीत होरपळून २७ जणांचा मृत्यू; बँकॉकच्या पबमध्ये भीषण दुर्घटना
पलायनाचा प्रयत्न करणाऱ्यांवर गोळीबार
कलबुर्गी : येथील मध्यवर्ती कारागृहातून पळून गेलेल्या तीन कैद्यांपैकी एकाला, संतोष याला पोलिसांनी शोधून काढले. अटक करण्याचा प्रयत्न केला असता त्याने पोलिसांवर हल्ला केला, ज्यामुळे स्वसंरक्षणार्थ पोलिसांनी त्याच्या पायावर गोळी झाडली. या झटापटीत दोन पोलिस कर्मचारीही जखमी झाले. हे तीन कैदी मंगळवारी पहाटे बाथरूमचे ग्रिल कापून शिडीच्या साह्याने पळून गेले होते. या हलगर्जीपणाबद्दल तुरुंग अधिकाऱ्यांना निलंबित केले आहे
लेखकाबद्दलकिशोरी तेलकर किशोरी तेलकर
किशोरी तेलकर महाराष्ट्र टाइम्स ऑनलाइनमध्ये कन्सल्टंट या पदावर कार्यरत आहेत. किशोरी या २०२२पासून मटा ऑनलाइन सोबत जोडलेल्या आहेत. राजकारण, हायपर लोकल स्टोरी, क्राईम बातम्या, महिलांविषयक समस्या, गाव खेड्यातल्या बातम्या करण्याचा त्यांचा अनुभव आहे.
पत्रकारितेतील अनुभव
किशोरी यांना वृत्तपत्र, टीव्ही आणि डिजिटल माध्यमांमधील ६ वर्षांचा अनुभव आहे. किशोरी यांनी सकाळ वृत्तपत्रातून पत्रकारितेला सुरुवात केली. सकाळ वृत्तपत्रात काम करतांना त्यांनी प्रिंट मीडियासोबतच सोशल मीडिया हॅंडलिंग, वेबसाईटचेही काम केलं आहे. सध्या चार वर्षांपासून त्या महाराष्ट्र टाइम्स ऑनलाईनमध्ये कार्यरत आहेत. लेखन कौशल्याच्या जोरावर सामाजिक समस्या, शाळा- कॉलेज विद्यार्थी समस्या, आरोग्य टिप्स, महिलांविषयक प्रश्न, फॅशन, लाइफस्टाइल या विविध विषयांवर त्यांनी बातम्या केल्या आहेत.
शैक्षणिक पात्रता
किशोरी तेलकर यांनी कै. बिंदू रामराव देशमुख कला व वाणिज्य महिला महाविद्यालय, नाशिकरोड येथून एम.कॉम पदवी संपादन केली. त्यानंतर गोखले एज्युकेशन सोसायटीचे एच.पी.टी आर्ट्स अँड आर.वाय.के सायन्स कॉलेजमधून कम्युनिकेशन अँड जर्नलिझम विषयात पदव्युत्तर शिक्षण घेतलं आहे. जर्नलिझमचे शिक्षण घेत असतानाच किशोरी यांनी देशदूत, दिव्यमराठी सारख्या वृत्तपत्रात इंटर्नशिप केलेली आहे. मराठी भाषेवर प्रभुत्व असून हिंदी, इंग्रजी भाषाही त्यांना अवगत आहेत.… आणखी वाचा
