अमेरिकेत तीन वर्षांपासून राहणाऱ्या एका भारतीय तरुणाचा व्हिडीओ व्हायरल होत आहे. त्याच्याकडे नोकरी नाहीये, राहायला घर नाही, मित्रांनी देखील साथ सोडली. पण तरी देखील तो परत भारतामध्ये परतणार नाही असं म्हणतोय.
नेमकं काय म्हणाला हा व्यक्ती?
हा व्हिडीओ kevinvdahlgren या इन्स्टाग्राम पेजवरून शेअर करण्यात आला आहे. एका अमेरिकन व्लॉगरनं फुटपाथवर राहत असलेल्या एका व्यक्तीची मुलाखत घेतली आहे. हा व्यक्ती भारतीय असल्याचा दावा करतोय. तो म्हणाला, गेल्या ३ वर्षांपासून तो अमेरिकेत राहतोय. एका भारतीय मित्राच्या बोलावण्यावरून तो अमेरिकेत आला होता. मात्र, नंतर मित्राने साथ सोडल्यामुळे त्याच्यावर रस्त्यावर राहण्याची वेळ आली. पुढे तो म्हणतोय, दोन वर्षं त्यानं सिएटलमध्ये नोकरी केली. पण आता तो बेघर आणि निराधार आहे.
मुलाखतकारानं शेवटी त्याला विचारलं की, तू आता भारतामध्ये परत जाणार का? यावर क्षणाचाही विलंब न करता त्यानं ‘नाही’ असं उत्तर दिलं. कारण त्याला अमेरिका आवडतेय. इथली जीवनशैली त्यानं आत्मसात केली आहे. त्यामुळे भारतामध्ये तो परत जाणार नाही, असं तो म्हणतोय.
(फोटो सौजन्य – kevinvdahlgren/Instagram)
भारतात परत का जाणार नाही?
हा व्हिडीओ ५० हजारांहून अधिक वेळा पाहिला गेला आहे. इंग्रजी कमी येत असल्यामुळे त्याला आपलं म्हणणं स्पष्टपणे मांडता आलं नाही. पण भारतामध्ये परत जायचं नाही, या भूमिकेवर तो ठाम असल्याचं सांगतोय. या व्हिडीओवर नेटकरीदेखील विविध प्रकारच्या प्रतिक्रिया देत आहेत. कोणी म्हणतंय, अशा लोकांमुळे देशाचं नाव खराब होतंय. तर कोणी त्याचं लोकेशन विचारलं असून, मदतीसाठी हात पुढे केला आहे. असो, या व्हिडीओवर तुमचं काय मत आहे? तुम्ही देखील आपल्या प्रतिक्रिया द्या.
(महत्वाची टीप – या बातमीमध्ये नमूद करण्यात आलेली माहिती ही पूर्णपणे सोशल मीडियावरील पोस्टवर आधारित आहे. त्यामध्ये करण्यात आलेल्या दाव्यांची सत्यता maharashtratimes.com ने स्वतंत्रपणे पडताळून पाहिलेली नाही.)
लेखकाबद्दलमंदार गुरवमंदार गुरव हे गेल्या १० वर्षांपासून डिजिटल पत्रकारीता या क्षेत्रात काम करत आहेत. ते महाराष्ट्र टाइम्समध्ये गेल्या ५ वर्षांपासून व्हायरल सेक्शनमध्ये कार्यरत आहेत. सोशल मीडियावर व्हायरल होणारे व्हिडीओ, मीम्स आणि चर्चेत असलेल्या घडामोडी वेळेवर आणि जबाबदारीनं वाचकांपर्यंत पोहोचवणं, हे त्यांचं मुख्य काम आहे. सोबतच खेळ आणि गुन्हेगारी विश्वातील व्हायरल गोष्टींवरही ते सातत्यानं काम करतात. डिजिटल माध्यमं ही अत्यंत वेगानं माहिती देण्यासाठी ओळखली जातात. पण या वेगातही माहिती खरी आहे का? याची खात्री करून घेत आणि पत्रकारितेचा विश्वास जपत, मंदार आपलं काम चोख बजावत आहेत.
डिजिटल पत्रकारितेच्या या प्रवासात मंदार गुरव यांनी आतापर्यंत १० हजारांहून अधिक लेख लिहिले आहेत. वाचकांना जलद, स्पष्ट आणि विश्वासार्ह माहिती मिळावी, यासाठी ते नेहमी प्रयत्न करतात. व्हायरल न्यूज, क्रीडा बातम्या, मनोरंजन क्षेत्रातील घडामोडी तसंच संशोधनावर आधारित विशेष लेख लिहिताना विषय साध्या आणि अत्यंत सोप्या भाषेत मांडणं हे त्यांच्या लिखाणाचं वैशिष्ट्य आहे.
महाराष्ट्र टाईम्स पूर्वी मंदार गुरव यांनी लोकसत्ता ऑनलाईनमध्ये ५ वर्षे मनोरंजन आणि स्पोर्ट्स विभागासाठी लेखन केलं आहे. याच काळात लोकसत्ता वर्तमानपत्रामध्ये हॉलिवूडच्या टेकडीवरून हा कॉलम सुद्धा त्यांनी ३ वर्षे सातत्याने लिहिला. या कॉलममधून हॉलिवूडमधील घडामोडी, आंतरराष्ट्रीय मनोरंजन बातम्या, चित्रपटांचे रिव्ह्यू तसेच सायन्स फिक्शन चित्रपटांमधील रंजक आणि मजेशीर माहिती त्यांनी वाचकांसमोर मांडली. तसंच लोकसत्ता डिजिटल अड्डामध्ये अनेक मराठी आणि हिंदी कलाकारांच्या मुलाखतींमध्ये सहभागी होत, मनोरंजन क्षेत्राचा अनुभव अधिक वाढवला.
क्रीडा पत्रकारितेच्या क्षेत्रातही मंदार यांचा अनुभव खुप चांगला आहे. त्यांनी क्रिकेट वर्ल्ड कप, IPL आणि २०२० टोकियो ऑलिम्पिक यांसारख्या लोकप्रिय स्पर्धांचे कव्हरेज केले आहे. खेळाडूंची कामगिरी, संघांची तयारी आणि स्पर्धांमागील महत्त्वाच्या घडामोडी वाचकांना सोप्या भाषेत समजावून सांगणे, हे त्यांच्या लेखनाचं वैशिष्ट्य आहे.
राजकीय घडामोडींच्या कव्हरेजमध्येही मंदार गुरव यांनी मुंबई महानगरपालिका निवडणूक २०१७, लोकसभा निवडणूक २०१९ आणि महाराष्ट्र विधानसभा निवडणूक २०१९ यांचे सविस्तर वृत्तांकन केले आहे. निवडणुकांशी संबंधित बातम्या, महत्त्वाचे मुद्दे आणि निकाल समतोल आणि तथ्यांच्या आधारावर मांडण्याचा अनुभव त्यांना आहे.
शिक्षणाच्या बाबतीत सांगायचं झालं तर मंदार गुरव यांनी साठ्ये कॉलेज, मुंबई विद्यापीठ येथून बॅचलर इन मास मीडिया ही पदवी घेतली आहे. शिक्षणातून मिळालेलं ज्ञान आणि प्रत्यक्ष कामाचा अनुभव एकत्र वापरून, वाचकांना उपयुक्त आणि दर्जेदार माहिती देणं, हा मंदार गुरव यांचा मुख्य हेतू आहे.… आणखी वाचा
