America Police System: अमेरिकेत नागरिक छोट्या-छोट्या समस्यांसाठीही पोलिसांची मदत घेतात, कारण त्यांचा पोलिसांवर विश्वास आहे. एका भारतीय तरुणाने अमेरिकन पोलिसांचा हा व्हिडीओ शेअर केला असून, तो सध्या सोशल मीडियावर चांगलाच व्हायरल होत आहे. हा व्हिडीओ पाहिल्यानंतर अनेकजण विचारत आहेत, असा विश्वास भारतीय पोलिसांबद्दल कधी निर्माण होणार?
याच पार्श्वभूमीवर अमेरिकेतील पोलिसांचा एक व्हिडीओ सध्या सोशल मीडियावर व्हायरल होत आहे. अनेकांचं म्हणणं आहे की, अमेरिकेतील लोक पोलिसांना घाबरत नाहीत. उलट अगदी छोट्यातल्या छोट्या समस्येसाठीही ते पोलिसांना फोन करतात. पण असं का? अमेरिकन पोलिसांमध्ये नेमकं असं वेगळं काय आहे? एका भारतीय व्यक्तीने एका व्हिडीओच्या माध्यमातून याच प्रश्नाचं उत्तर दिलं आहे. चला तर मग, पाहूया हा व्हायरल व्हिडीओ.
लोकं पोलिसांना का घाबरत नाहीत?
हा व्हिडीओ namasteamericawithrahul या इन्स्टाग्राम पेजवरून शेअर करण्यात आला आहे. या व्हिडीओमध्ये कॅब ड्रायव्हर आणि एका तरुणीमध्ये झालेला वाद तुम्ही पाहू शकता. राईड पूर्ण झाल्यानंतरही ती तरुणी कॅब ड्रायव्हरला त्याचे पैसे देण्यास नकार देते. यानंतर कॅब ड्रायव्हरने पोलिसांना फोन करून बोलावलं. त्यानंतर पोलिसांनी त्या तरुणीला शांतपणे समजावून ड्रायव्हरचे पैसे द्यायला लावले. या प्रकरणातील लक्षवेधी बाब म्हणजे कॅब ड्रायव्हर आणि ती तरुणी दोघेही पोलिसांसोबत अगदी बिनधास्तपणे संवाद साधत आहेत. आणि पोलीसही आवाज चढवण्याऐवजी समजुतीच्या सुरात त्यांच्याशी बोलत आहेत. हा संपूर्ण प्रकार एका भारतीय तरुणाने आपल्या घराच्या खिडकीतून रेकॉर्ड करून सोशल मीडियावर शेअर केला.
भारत इतका विकसित कधी होणार?
हा भारतीय तरुण या व्हिडीओमध्ये सांगतो की, अमेरिकेत लोकं पोलिसांना घाबरत नाहीत. उलट छोट्या-छोट्या समस्या सोडवण्यासाठी ते पोलिसांना फोन करतात. कारण त्यांचा पोलिसांवर विश्वास आहे. असो, हा व्हिडीओ ६९ लाखांहून अधिक वेळा पाहिला गेला आहे. तसंच, अनेकांनी या व्हिडीओवर प्रतिक्रिया देत भारतीय आणि अमेरिकन पोलिसांची तुलना केली आहे.
(महत्वाची टीप – या बातमीमध्ये नमूद करण्यात आलेली माहिती ही पूर्णपणे सोशल मीडियावरील पोस्टवर आधारित आहे. त्यामध्ये करण्यात आलेल्या दाव्यांची सत्यता maharashtratimes.com ने स्वतंत्रपणे पडताळून पाहिलेली नाही.)
लेखकाबद्दलमंदार गुरवमंदार गुरव हे गेल्या १० वर्षांपासून डिजिटल पत्रकारीता या क्षेत्रात काम करत आहेत. ते महाराष्ट्र टाइम्समध्ये गेल्या ५ वर्षांपासून व्हायरल सेक्शनमध्ये कार्यरत आहेत. सोशल मीडियावर व्हायरल होणारे व्हिडीओ, मीम्स आणि चर्चेत असलेल्या घडामोडी वेळेवर आणि जबाबदारीनं वाचकांपर्यंत पोहोचवणं, हे त्यांचं मुख्य काम आहे. सोबतच खेळ आणि गुन्हेगारी विश्वातील व्हायरल गोष्टींवरही ते सातत्यानं काम करतात. डिजिटल माध्यमं ही अत्यंत वेगानं माहिती देण्यासाठी ओळखली जातात. पण या वेगातही माहिती खरी आहे का? याची खात्री करून घेत आणि पत्रकारितेचा विश्वास जपत, मंदार आपलं काम चोख बजावत आहेत.
डिजिटल पत्रकारितेच्या या प्रवासात मंदार गुरव यांनी आतापर्यंत १० हजारांहून अधिक लेख लिहिले आहेत. वाचकांना जलद, स्पष्ट आणि विश्वासार्ह माहिती मिळावी, यासाठी ते नेहमी प्रयत्न करतात. व्हायरल न्यूज, क्रीडा बातम्या, मनोरंजन क्षेत्रातील घडामोडी तसंच संशोधनावर आधारित विशेष लेख लिहिताना विषय साध्या आणि अत्यंत सोप्या भाषेत मांडणं हे त्यांच्या लिखाणाचं वैशिष्ट्य आहे.
महाराष्ट्र टाईम्स पूर्वी मंदार गुरव यांनी लोकसत्ता ऑनलाईनमध्ये ५ वर्षे मनोरंजन आणि स्पोर्ट्स विभागासाठी लेखन केलं आहे. याच काळात लोकसत्ता वर्तमानपत्रामध्ये हॉलिवूडच्या टेकडीवरून हा कॉलम सुद्धा त्यांनी ३ वर्षे सातत्याने लिहिला. या कॉलममधून हॉलिवूडमधील घडामोडी, आंतरराष्ट्रीय मनोरंजन बातम्या, चित्रपटांचे रिव्ह्यू तसेच सायन्स फिक्शन चित्रपटांमधील रंजक आणि मजेशीर माहिती त्यांनी वाचकांसमोर मांडली. तसंच लोकसत्ता डिजिटल अड्डामध्ये अनेक मराठी आणि हिंदी कलाकारांच्या मुलाखतींमध्ये सहभागी होत, मनोरंजन क्षेत्राचा अनुभव अधिक वाढवला.
क्रीडा पत्रकारितेच्या क्षेत्रातही मंदार यांचा अनुभव खुप चांगला आहे. त्यांनी क्रिकेट वर्ल्ड कप, IPL आणि २०२० टोकियो ऑलिम्पिक यांसारख्या लोकप्रिय स्पर्धांचे कव्हरेज केले आहे. खेळाडूंची कामगिरी, संघांची तयारी आणि स्पर्धांमागील महत्त्वाच्या घडामोडी वाचकांना सोप्या भाषेत समजावून सांगणे, हे त्यांच्या लेखनाचं वैशिष्ट्य आहे.
राजकीय घडामोडींच्या कव्हरेजमध्येही मंदार गुरव यांनी मुंबई महानगरपालिका निवडणूक २०१७, लोकसभा निवडणूक २०१९ आणि महाराष्ट्र विधानसभा निवडणूक २०१९ यांचे सविस्तर वृत्तांकन केले आहे. निवडणुकांशी संबंधित बातम्या, महत्त्वाचे मुद्दे आणि निकाल समतोल आणि तथ्यांच्या आधारावर मांडण्याचा अनुभव त्यांना आहे.
शिक्षणाच्या बाबतीत सांगायचं झालं तर मंदार गुरव यांनी साठ्ये कॉलेज, मुंबई विद्यापीठ येथून बॅचलर इन मास मीडिया ही पदवी घेतली आहे. शिक्षणातून मिळालेलं ज्ञान आणि प्रत्यक्ष कामाचा अनुभव एकत्र वापरून, वाचकांना उपयुक्त आणि दर्जेदार माहिती देणं, हा मंदार गुरव यांचा मुख्य हेतू आहे.… आणखी वाचा