Gratuity Calculation Formula; बेसिक सॅलरी, ग्रॉस की CTC, कोणत्या आधारावर बनते तुमची ग्रॅच्युइटी? 20 हजारांवर ग्रॅच्युटी कॅलक्युलेशन पाहा

Gratuity Rules: प्रायव्हेट कंपन्यांमध्ये नोकरी करणाऱ्यांना सॅलरी आणि पीएफनंतर ग्रॅच्युइटी सर्वात महत्त्वाची मानली जाते. तुम्ही एखाद्या कंपनीला तुमचा वेळ, किंवा अगदी तुमचं आयुष्यही देता तेव्हा कंपनी तुम्हाला कृतज्ञतेचे प्रतीक म्हणून एकरकमी रक्कम देते, ज्याला ग्रॅच्युइटी म्हणतात. पण ग्रॅच्युइटी नेमकं कशी मोजली जाते? याबद्दल लोकांमध्ये अनेकदा संभ्रम असतो.

ग्रॅच्युइटी एकूण CTC, एकूण पगारावर म्हणजे ग्रॉस सॅलरी की फक्त मूळ पगारावर (basic salary) आधारित असते? तुम्हालाही याबद्दल संभ्रम असेल, तर चला सोप्या आणि सहज समजेल अशा भाषेत समजून घेऊया की नवीन कामगार संहिता 2026 अंतर्गत ग्रॅच्युइटी कशी ठरवली जाते आणि घरबसल्या ग्रॅच्युइटीचे कॅलक्युलेशन नेमकं कसं करता येतं?

Stock Market Holidays: बुधवारी शेअर मार्केट खुले राहणार की बंद? वर्षभराच्या सुट्ट्यांचे नियोजन एका क्लिकवर

मूळ पगार, एकूण पगार, किंवा CTC: नेमका पेच कुठं?

सर्वप्रथम समजून घ्या की ग्रॅच्युइटीची गणना तुमच्या एकूण पगार किंवा तुमच्या CTC वर केली जात नाही. कर्मचाऱ्याचा मूळ पगार आणि महागाई भत्ता (डीए) ग्रॅच्युइटीच्या गणनेचा एकमेव खरा आधार असतो. म्हणजे तुमच्या सॅलरी स्लिपवर नमूद इतर भत्ते, जसे की HRA, बोनस, प्रवास किंवा वाहतूक भत्ता, ग्रॅच्युइटी कॅलक्युलेशनमध्ये जोडले जातात. म्हणजे तुमचा मूळ पगार आणि डीए जितका जास्त असेल, तितकी तुमची ग्रॅच्युइटीची रक्कम जास्त असेल.

ग्रॅच्युइटी केव्हा आणि कोणाला मिळते?

पेमेंट ऑफ ग्रॅच्युइटी ॲक्ट, 1972 आणि नवीन कामगार नियमांनुसार एकाच संस्थेत पाच वर्षे किंवा त्यापेक्षा जास्त वर्षे सलग नोकरी करणारी व्यक्ती ग्रॅच्युइटीसाठी पात्र ठरते. पण या दरम्यान, एखाद्या कर्मचाऱ्याचा मृत्यू झाला किंवा अपघातामुळे कायमचे अपंगत्व आले, तर ही पाच वर्षांची अट लागू होत नाही.

Iran Economic Crisis: भारतातला लखपती इराणमध्ये अब्जाधीश! अर्थसंकटापूर्वी इराणी चलनाची ऐतिहासिक घसरगुंडी

ग्रॅच्युइटीची गणना करण्याचे सोपे सूत्र

तुमची कंपनी ग्रॅच्युइटी कायद्याअंतर्गत नोंदणीकृत असेल, तर तुम्ही तुमची ग्रॅच्युइटी कॅलक्युलेट करायला खालील सूत्र फॉलो करू शकता

ग्रॅच्युइटी = (मूळ पगार + महागाई भत्ता) × 15 × सेवेची वर्षे / 26

15 म्हणजे वर्षातील 15 दिवसांचा पगार (सेवा मूल्य).

26 म्हणजे महिन्यातील सरासरी कामाचे दिवस. (महिन्यात 30 किंवा 31 दिवस असले तरी, 26 कामाचे दिवस पूर्ण करण्यासाठी 4 रविवार वजा केले जातात).

अशाप्रकारे, समजा की तुमचा अंतिम मूळ पगार आणि महागाई भत्ता मिळून 20,000 रुपये असेल आणि तुम्ही 7 वर्षे काम केले असेल, तर:

(20,000 ÷ 15 ÷ 7) / 26 = अंदाजे 80,769 रुपये होतील.

म्हणजे 7 वर्षांनंतर कंपनी तुम्हाला अंदाजे 80,000 रुपये ग्रॅच्युइटी देईल.

Sugar Prices Fall: घाऊक साखरेचे दर 800 रुपयांनी घसरले तरीही सामान्यांना दिलासा नाहीच, आता LPG चा फॉर्म्युला अजमावण्याचा सरकारचा प्रस्ताव

सहा महिन्यांचा ‘गोल्डन नियम’ लक्षात ठेवा

याशिवाय ग्रॅच्युइटीसाठी वर्षे कॅलक्युलेट करताना सहा महिन्यांचा नियमही महत्त्वाचा असतो. त्यामुळे, तुम्ही एका वर्षात 6 महिन्यांपेक्षा जास्त काम केले, तर त्याला एक पूर्ण वर्ष मानले जाते. तसेच

7 वर्षे आणि 7 महिन्यांची सेवा = ही 8 वर्षे मानली जातात

7 वर्षे आणि 5 महिन्यांची सेवा = ही फक्त 7 वर्षे म्हणून मानली जातात

11 महिन्यांची नोकरी = एक पूर्ण वर्ष मानले जाते आणि आणि तुम्ही ग्रॅच्युइटीसाठी पात्र ठरता.