Gold Exchange Fraud; 32 ग्रॅम सोने अन् 35000 रुपये; जुन्या दागिन्यांच्या बदल्यात नवीन अंगठी बनवायचं आश्वासन देऊन ग्राहकाची फसवणूक, आता न्यायालयाने दिले आदेश

ग्राहक न्यायालयाचा सोनाराला दणका

ग्राहकाला नवीन सोन्याच्या अंगठीसाठी 2 वर्षांपेक्षा जास्त काळ वाट पाहायला लावणे आणि जुन्या सोन्याचा अपहार केल्याबद्दल आयोगाने सोनारावर कारवाईचा बडगा उचलला आहे. न्यायालयाने सोनाराला ग्राहकाचे 32 ग्रॅम सोने परत करण्याचे आणि एकूण 350000 रुपयांची नुकसान भरपाईचे निर्देश दिले आहेत.

FPI In Share Market : परदेशी गुतवणूकदारांचा भारतीय शेअर बाजारावर विश्वास कमी होतोय, 14 वर्षांचा गाठला नीचांक; याचा अर्थ काय?

कंझ्युमर कोर्टात पोहोचलेलं प्रकरण काय

सप्टेंबर 2023 मध्ये पालमपूरच्या पाप्रौला येथील कपूर ज्वेलर्सला राजकुमार नावाच्या एका व्यक्तीने 32 ग्रॅम वजनाच्या 2 सोन्याच्या बांगड्या दिल्या आणि त्याबदल्यात कुमारने 40 ग्रॅम वजनाच्या सोन्याच्या अंगठीची ऑर्डर दिली, पण 2025 पर्यंत अंगठी मिळाली नाही.

यादरम्यान राजकुमार अनेकदा सराफा दुकानात अंगठी घेण्यासाठी गेला, पण ज्वेलर प्रत्येक वेळी काही ना काही कारण सांगून टाळाटाळ करत होता. 2024 मध्ये दुकानाचे मालक, संजय कपूरचे निधन झाले आणि त्यांच्या मृत्यूनंतर त्यांचा मुलगा, मोहित कपूर आणि पत्नी, मीना कुमारी यांनी दुकानाची सूत्रे हाती घेतली. राजकुमारने अंगठी मागितली, पण ना अंगठी मिळाली, ना जुने सोने.

Stock Market Crash Prediction: शेअर बाजारावर पुन्हा महामंदीचे सावट, तेजीचा फुगा लवकरच फुटणार; 1987 च्या ‘ब्लॅक मंडे’सारखी घसरण होणार

सोनाराने जुनं सोनं देण्यास नकार दिला

राज कुमारने जुने सोने परत मागितल्यावर आपल्याकडे कुमारचे कोणतेही सोने नसल्याचे दुकानदाराने म्हटले. अखेरीस कुमारने 2025 मध्ये ग्राहक न्यायालयाचे दार ठोठावले आणि सुनावणी दरम्यान आपल्याला दोन महिन्यांत अंगठी देण्याचे आश्वास दिल्याचे स्पष्ट केले, पण दोन वर्षे केवळ धावपळ करायला लावली. न्यायालयातही दुकानदाराने राज कुमारचे कोणतेही सोने त्याच्याकडे नसल्याचाच दावा कायम ठेवला.

आयोगाने म्हटले आहे की, संजय कपूर यांचे वारसदार मोहित आणि मीना, केवळ मृत्यूनंतर व्यवसाय ताब्यात घेतला म्हणून जबाबदारी झटकू शकत नाही. सोने परत न करणे ही ‘सेवेतील त्रुटी’ आणि ‘अन्यायकारक व्यापारी प्रथा’ असल्याचे आयोगाने मानले. कपूर ज्वेलर्सविरुद्ध अशीच इतर अनेक प्रकरणे प्रलंबित असल्याचेही आयोगाने नमूद केले.

Property Ownership Document: मालमत्तेचा खरा मालक कशामुळे ठरतो? प्रॉपर्टी रजिस्ट्रेशनबाबत महत्त्वाचा नियम अनेकांना माहितीच नाही

एका कागदाने खेळ पालटला

दावे-प्रतीदाव्यानंतर राज कुमारने तत्कालीन मालक संजय कपूर यांनी सोन्याच्या बांगड्या स्वीकारताना दिलेली पावती सादर केली. अशाप्रकारे, कुमारने खरंच सोनाराकडे जुने सोने दिल्याचे न्यायालयाने मान्य केले आणि ज्वेलरला सोने परत करण्याचे आदेश दिले तसेच, मानसिक छळ आणि कायदेशीर खर्चाचे अतिरिक्त 35,000 देण्याचे निर्देश दिले.