Duleep Trophy 2026-27 Final Venue Changed : दुलीप ट्रॉफी २०२६ च्या अंतिम सामन्याच्या ठिकाणात बीसीसीआयने मोठा बदल केला आहे. हा सामना आता ‘सेंटर ऑफ एक्सलन्स’ ऐवजी दुसऱ्या एका स्टेडियमवर खेळवला जाणार आहे.
कुठे रंगणार फायनलचा थरार?
सुरुवातीच्या वेळापत्रकानुसार, दुलीप ट्रॉफीचा हा विजेतेपदाचा महामुकाबला बीसीसीआयच्या ‘सेंटर ऑफ एक्सलन्स’मध्ये (Center of Excellence) खेळवला जाणार होता. मात्र, आता बीसीसीआयने घेतलेल्या नव्या निर्णयानुसार हा सामना चेन्नईच्या ऐतिहासिक एमए चिदंबरम स्टेडियमवर ( MA Chidambaram Stadium ) पार पडणार आहे. हा अंतिम सामना ६ ते १० सप्टेंबर दरम्यान खेळवला जाईल. विशेष म्हणजे, ही संपूर्ण स्पर्धा २३ ऑगस्ट ते १० सप्टेंबर या कालावधीत खेळवली जाणार असून, फक्त फायनल वगळता बाकी सर्व सामने (उपांत्यपूर्व आणि उपांत्य) आधी ठरल्याप्रमाणे ‘सेंटर ऑफ एक्सलन्स’मध्येच खेळवले जातील.
BCCI ने का घेतला हा निर्णय?
अचानक फायनलचे मैदान का बदलण्यात आले? असा प्रश्न सर्वांनाच पडला होता. यावर बोर्डाने हा मोठा बदल करण्यामागे केवळ क्रिकेट चाहत्यांचे हित असल्याचे स्पष्ट केले आहे. बीसीसीआयने जारी केलेल्या प्रसिद्धीपत्रकात म्हटले आहे की, “देशांतर्गत क्रिकेटमधील या अत्यंत महत्त्वाच्या सामन्यासाठी, प्रेक्षकांना स्टेडियममध्ये येऊन फायनलचा सामना थेट पाहण्याची परवानगी देण्याचा निर्णय घेण्यात आला आहे. त्यामुळेच हा सामना आता चेन्नईत खेळवला जाईल.”
सचिव देवजीत सैकिया काय म्हणाले?
या महत्त्वपूर्ण बदलाबाबत भाष्य करताना बीसीसीआयचे सचिव देवजीत सैकिया म्हणाले, “दुलीप ट्रॉफी ही आमच्या क्रिकेट कॅलेंडरमधील अत्यंत महत्त्वाची स्पर्धा आहे आणि ती आपली एक समृद्ध परंपरा पुढे नेत आहे. या स्पर्धेतील क्रिकेटचा दर्जा नेहमीच उच्च असतो आणि आमच्या चाहत्यांना हा फायनलचा सामना स्टेडियममधून थेट पाहण्याची संधी मिळावी, अशी आमची प्रामाणिक इच्छा होती.”
ते पुढे म्हणाले, “सेंटर ऑफ एक्सलन्समध्ये प्रेक्षकांच्या उपस्थितीवर काही निर्बंध आहेत, त्यामुळे आम्हाला वाटले की फायनल अशा ठिकाणी आयोजित करणे योग्य राहील, जिथे चाहते येऊ शकतील आणि या ऐतिहासिक क्षणाचा भाग होऊ शकतील.”
लाईव्ह कव्हरेजबाबतही मोठी अपडेट
स्पर्धेच्या थेट प्रक्षेपणाबाबत माहिती देताना सैकिया पुढे म्हणाले, “आम्ही यंदा या स्पर्धेच्या कव्हरेजमध्येही वाढ केली आहे. दुलीप ट्रॉफीच्या सर्व सामन्यांचे ‘लाईव्ह स्ट्रीमिंग’ (Live Streaming) केले जाणार आहे. यासोबतच एक उपांत्यपूर्व फेरी (Quarter-Final), एक उपांत्य फेरी (Semi-Final) आणि अंतिम सामन्याचे (Final) थेट प्रक्षेपण टेलिव्हिजनवर केले जाईल.बीसीसीआयच्या या निर्णयामुळे क्रिकेट चाहत्यांमध्ये उत्साहाचे वातावरण असून, चेन्नईच्या स्टेडियमवर फायनलचा थरार अनुभवण्यासाठी चाहते आतापासूनच सज्ज झाले आहेत.
लेखकाबद्दलसुनिल लाटेसुनिल प्रभाकर लाटे हे ‘महाराष्ट्र टाइम्स ऑनलाइन’मध्ये कन्सल्टंट या पदावर कार्यरत आहेत. ते गेल्या तीन वर्षांपासून पत्रकारिता क्षेत्रात सक्रिय आहेत. महाराष्ट्र टाइम्स ऑनलाइनमध्ये ते स्थानिक बातम्या, लाइव्ह ब्लॉग कव्हरेज, गुन्हेगारी, राजकारण, देश-विदेश, सरकारी योजना, तसेच इन्फ्रास्ट्रक्चर आणि नागरी विकासाशी संबंधित विषयांवर नियमित लेखन करतात. २०२२ मध्ये पत्रकारितेचे शिक्षण पूर्ण केल्यानंतर त्यांनी आपल्या कारकिर्दीची सुरुवात ‘लोकसत्ता ऑनलाइन’ (मुंबई) येथून केली.सुनिल यांनी राजकारण, मनोरंजन, क्रीडा आणि गुन्हेगारी अशा विविध विषयांचे वार्तांकन व विश्लेषण प्रभावीपणे केले आहे. हायपरलोकल न्यूज, क्राईम रिपोर्टिंग, राजकारण आणि चालू घडामोडींवरील नाविन्यपूर्ण डिजिटल कंटेंट लिहिण्याचा त्यांना दांडगा अनुभव आहे. त्यांनी डॉ. बाबासाहेब आंबेडकर मराठवाडा विद्यापीठाच्या वृत्तपत्रविद्या विभागातून पत्रकारितेतील पदव्युत्तर शिक्षण (MA) पूर्ण केले आहे. शिक्षण घेत असतानाच त्यांनी ‘दैनिक दिव्य मराठी’ आणि ‘दैनिक पुण्य नगरी’ यांसारख्या नामांकित वृत्तपत्रांसाठी बातम्या लिहून प्रत्यक्ष कामाचा अनुभव घेतला. यादरम्यान त्यांनी प्रामुख्याने शिक्षण क्षेत्रातील बातम्यांचे कव्हरेज केले.अचूक आणि प्रभावी डिजिटल रिपोर्टिंग ही सुनिल यांची खासियत आहे. गेल्या तीन वर्षांत त्यांनी उत्कृष्ट ‘न्यूज सेन्स’ आणि ‘ब्रेकिंग न्यूज’ कव्हरेजचे संपादन कौशल्य विकसित केले आहे. महाराष्ट्र टाइम्स ऑनलाइनमध्ये काम करताना वेगवान अपडेट्स देणे आणि डिजिटल वाचकांना समजेल अशा सोप्या शैलीत घडामोडींची मांडणी करणे, यात त्यांनी प्राविण्य मिळवले आहे. पत्रकारितेतील नवनवीन तंत्रे शिकून स्वतःला अधिक सक्षम बनवण्यावर त्यांचा सतत भर असतो.पत्रकारितेसोबतच त्यांना फोटोग्राफी, व्हिडिओ एडिटिंग आणि ग्राफिक्स डिझाइनची विशेष आवड असून, जाहिरात क्षेत्रातही त्यांनी काम केले आहे. सर्जनशील लेखनाची ओढ असलेल्या सुनिल यांनी काही लघुपटांचे दिग्दर्शन आणि पटकथा लेखनही केले आहे. तसेच, संगीत आणि गायन क्षेत्रातही त्यांना विशेष रुची आहे.… आणखी वाचा
