Monkeypox Patient in Dhule : हा व्यक्ती सौदी अरेबियातून भारतामध्ये आला होता, मात्र त्याला अचानक त्रास जाणवू लागल्यानं तो धुळ्यातील रुग्णालयात उपचारासाठी दाखल झाला, त्याची प्रकृती सध्या स्थिर असल्याची माहिती डॉक्टारांनी दिली.
सौदी अरेबियाहून आला रुग्ण
मंक्सी पॉक्स पॉझिटीव्ह आढळलेला सदर रुग्ण हा 44 वर्षांचा आहे. 2 ऑक्टोबर रोजी तो सौदी अरेबियाहून धुळ्यातील गरीब नवाज नगर येथे आला होता. गेल्या चार वर्षांपासून तो सौदी अरेबियात वास्तव्यास आहे. त्याच्या मुलीचं लग्न असल्यानं तो धुळ्यात आला होता. मात्र, येथे आल्यानंतर त्याला त्वचेचा त्रास जाणवू लागला. त्यामुळे तो 3 ऑक्टोबर रोजी हिरे रुग्णालयात तपासणीसाठी गेला.
दोन्ही रिपोर्ट पॉझिटिव्ह
रुग्णालयाता गेल्यानंतर त्याने डॉक्टरांना आपल्याला होत असलेला त्रास सांगितला. डॉक्टरांना मंकी पॉक्सची लक्षणं दिसून आल्यानं मनपाच्या पथकाने सदर रुग्णाच्या रक्ताचे नमूने घेतले. हे सॅम्पल पुण्यातील एनआयव्हीकडे तपासणीसाठी पाठविण्यात आले होते. या रुग्णाचा मंक्सी पॉक्सचा रिपोर्ट पॉझिटीव्ह आला. डॉक्टरांनी शंकेचे निरसन करण्यासाठी पुन्हा रक्ताचे नमूने तपासणीसाठी पाठविले. त्याचाही रिपोर्ट रुग्णालयाला नुकताच प्राप्त झाला. दोन्ही रिपोर्ट पॉझिटीव्ह आल्याने रुग्णालयातील यंत्रणाही हादरली.
हिरे रुग्णालयात आढळलेला मंकी पॉक्सचा रुग्ण हा राज्यातील पहिलाच रुग्ण असल्याचे एनआयव्ही, पुणे यांनी रुग्णालयाला कळवलं आहे. त्यामुळे संपूर्ण रुग्णालय प्रशासन अलर्ट झालं आहे. सदर रुग्णाला आयसोलेशन कक्षात हलविण्यात आलं असून दक्षता म्हणून कक्षाच्या बाजूला खबरदारीचे सूचना फलक लावण्यात आले आहेत. विशेष म्हणजे सदर रुग्णाला क्लायड 1 प्रकारचा मंकी पॉक्स डिटेक्ट झाला आहे. जो दुर्मिळ व अतिशय संसर्गजन्य असतो.
महाराष्ट्रात पहिलाच रुग्ण
धुळ्यात आढळलेला मंकी पॉक्सचा रुग्ण हा महाराष्ट्रातील पहिलाच रुग्ण असल्याचं पुण्यातील एनआयव्हीने सांगितलं आहे. तसेच रुग्ण वेळीच डिटेक्ट केल्याबद्दल हिरे रुग्णालयाचं कौतुकही एनआयव्हीने केलं. सदर रुग्ण सौदी अरेबियाला होता, तेथून तो 2 ऑक्टोबर रोजी धुळ्यात आला. त्याला मंक्सी पॉक्ससदृश लक्षणं आढळल्यानं त्याचे सॅम्पल घेवून पुणे येथे एनआयव्हीला पाठवले होते. मंकी पॉक्समध्ये दोन प्रकारचे व्हेरीयंट आहेत.
लेखकाबद्दलप्रशांत पाटीलप्रशांत पाटील ‘महाराष्ट्र टाईम्स ऑनलाईन'(TIL) या आघाडीच्या डिजिटल माध्यम समूहात सीनियर डिजिटल कंन्टेट प्रोड्युसर पदावर कार्यरत आहेत. पुणे जिल्ह्यातील नामांकित ‘थोडक्यात’ न्यूज वेब पोर्टल, हैदराबादमधील ‘आधान शॉर्ट न्यूज अॅप’, ‘सकाळ मिडिया ग्रुप’ आणि आता ‘महाराष्ट्र टाइम्स ऑनलाईन’, असा जवळपास पाच ते साडेपाच वर्षांपेक्षा अधिक काळ ते कार्यरत आहेत. प्रशांत पाटील यांना महाराष्ट्रातील ग्रामीण भागातील सर्व गुन्हेगारी, अपघात, शेतकरी विषयक बातम्या, ग्रामीण भागात यश संपादन केलेल्या तरुणी किंवा तरुणांच्या सक्सेस स्टोरीज् आणि महाराष्ट्र हायपर लोकल अशा विविध विषयांची आवड आहे. ऑगस्ट (2026) पासून ‘महाराष्ट्र टाईम्स ऑनलाईन’साठी (TIL) काम करत आहेत. या दरम्यान, राज्यातील विधानसभा, लोकसभा आणि स्थानिक स्वराज्य संस्थाच्या निवडणुकींच्या बातम्यांवर विशेष लक्ष ठेवतात. याआधीही त्यांनी याच माध्यम समूहासोबत तीन वर्ष काम केलं आहे.
प्रशांत पाटील यांनी पुण्यातील नामांकित आबासाहेब गरवारे महाविद्यालयातून मास कम्युनिकेशन विषयात पदव्युत्तर शिक्षण घेतलं आहे. शिक्षण घेत असतानाच त्यांनी ‘थोडक्यात’ या न्यूज वेब पोर्टलला काम केलं. तिथे डिजिटल माध्यमासाठी लेखन करत असताना त्यांना डिजिटल क्षेत्रातलं कसं काम करतात? हे यश संपादन केलं. त्यानंतर त्यांना मुंबईत ‘महाराष्ट्र टाइम्य ऑनलाईन’ (TIL) या नामांकित माध्यम समूहामध्ये काम करण्याची संधी मिळाली. 28 मार्च 2022 रोजी ते ‘महाराष्ट्र टाइम्स ऑनलाईन’ या मोठ्या ब्रँण्डसोबत पहिल्यांदा जोडले गेले. तिथे त्यांनी प्रदीर्घ काळ म्हणजे तीन वर्ष डिजिटल विभागात काम केलं. त्यांनतर त्यांनी फेब्रुवारी 2025 ला ‘सकाळ मिडिया ग्रुप’ला काम करण्याची संधी मिळाली. परंतु तिथे ते काम करत असताना त्यांना पुन्हा ‘महाराष्ट्र टाइम्स ऑनलाईन’ (TIL) या माध्यम समूहाने संधी दिली. त्यानंतर ऑगस्ट 2026 पासून प्रशांत पाटील हे ‘महाराष्ट्र टाइम्स ऑनलाईन’सोबत (TIL) काम करताय.
‘महाराष्ट्र टाइम्स ऑनलाईन’मध्ये (TIL) काम करताना त्यांना खूप मोठमोठ्या संध्या मिळाल्या. जसे की, व्हिडिओ करणे, महाराष्ट्रातील संपूर्ण जिल्ह्यातील रिपोर्टर यांच्याशी समन्वय साधणे, जिल्हा प्रतिनिधींकडून वेळोवेळी काम करुन घेणे, विशेष आणि काही महत्वाच्या बातम्या मागवून घेणे, अशा बऱ्याच गोष्टींची त्यांना इथे मिळाली. प्रशांत पाटील हे सकाळच्या शिफ्टला काम करत असताना लाईव्ह ब्लॉग, रिपोर्टरशी बोलणे, ब्रेकिंग बातम्या, हायपर लोकल बातम्या, ग्रामीण भागातील सर्व घडामोडींकडे लक्ष देण्याचं काम ते करतात.… आणखी वाचा
