Dhule Gurudwara during Guru Gobind Singh Jayanti by Baba Ranbir Singh and his Associates Stone Pelting; ‘प्रमुखांचे आदेश आहेत, तुम्हाला…’; गुरू गोविंदसिंग जयंतीला गालबोट; रणबीरसिंगविरोधात गुन्हा

रणबीरसिंग यांच्यासह जमावाविरूद्ध गुन्हा

यावेळी तलवारी, लाठ्या-काठ्यांचा सर्रास वापर करण्यात आला. शिवाय भाविकांना पळवून लावण्यासाठी फायर एक्सटिंग्यूशर गॅस सोडण्यात आला. या घटनेत अनेक भाविक जखमी झाले. घटनेची माहिती मिळताच पोलिसांचा मोठा फौजफाटा घटनास्थळी दाखल झाला होता. याप्रकरणी शहर पोलिसांत रणबीरसिंग यांच्यासह जमावाविरूद्ध गुन्हा दाखल करण्यात आला असून, पोलिसांनी 12 जणांना ताब्यात घेतलं आहे. दरम्यान, गुरुद्वारा परिसरात सध्या पोलिसांचा फौजफाटा तैनात असून तणावपूर्ण शांतता आहे.
Weather News : उष्ण वातावरणात मान्सून कमकुवत होण्याची शक्यता; पाऊस, शेती आणि पाण्याच्या उपलब्धतेवर थेट परिणाम

गुरुद्वाराचे मुख्य प्रबंधक बाबा धीरजसिंग पुरणसिंग खालसा यांच्या हत्येनंतर रणबीरसिंग यांनी गुरुद्वाराची धार्मिक गादी ताब्यात घेतली आहे. शहरातील शिख बांधवांनी त्यास विरोध केला असता धमक्या दिल्या जात होत्या. त्यामुळे शिख बांधवांनी अदखलपात्र तक्रारी दाखल केल्या आहेत. रणबीरसिंगने गुरुद्वाराचे मुख्यद्वार बंद करून प्रार्थनेस बंदी घातली होती. रविवारी दि.4 डिसेंबर रोजी दुपारच्या सुमारास कीर्तन व लंगरच्या तयारीसाठी संगत गुरुद्वाराचे रणबीरसिंगच्या आदेशाने द्वार बंद ठेवण्यात आले. याप्रकरणी धुळे शहर पोलिस ठाण्यात रणबीरसिंग सुखदेवसिंग खालसा आदींवर गुन्हा दाखल केला आहे. रात्री 10 वाजता हरजिंदरसिंग काबडवाल, मनजितसिंग बंगे, मनदीपसिंग सैनी, सतनामसिंग परमार, भुपेंद्रसिंग पांडे व इतर 30-35 भाविक पुन्हा गुरुद्वारात गेले. त्यावेळी गेट उघडण्याची शीख बांधवांनी विनंती केली, तेव्हा आतील 5-6 जणांनी ‘रणबीरसिंगचा आदेश आहे, तुम्हाला जिवंत सोडणार नाही’, असं म्हणत शिवीगाळ व मारहाण केली.

याप्रकरणी मुख्य सूत्रधार रणबिरसिंग सुखदेवसिंग खालसा, त्यांचे सहकारी दर्शनसिंग सुखदेवसिंग खालसा (शालक), जगबिंदरसिंग हरप्रीतसिंग संद, दलेरसिंग मिरसिंग (रा.अमृतसर), लालसिंग सिंगारामसिंग (रा.अमृतसर), सुदेशसिंग बचनलाल उर्फ बच्चनसिंग (रा.गुरुदासपुर), दारासिंग मखनसिंग (रा.अमृतसर), कर्तारसिंग जागरसिंग सिख (रा.शिवपुरी, मध्य प्रदेश), शविंदरसिंग रजवंतसिंग (रा.अमृतसर), गुरु प्रीतसिंग बसंतसिंग (रा.गुरुद्वारा, धुळे), संदीपसिंग भवरलाल (रा.राजस्थान), गुरिंदरसिंग लखबबीरसिंग (पंजाब) यांच्यासह 10 ते 15 जणांविरुध्द गुन्हा दाखल करून 12 संशयितांना अटक केली.
Bhusawal-Chittorgarh Highway: जळगावमध्ये बनतोय आणखी एक राष्ट्रीय महामार्ग; राजस्थान, मध्य प्रदेशमधून थेट… कसा असेल नवा मार्ग?

जीवे मारण्याची धमकी

गुरुद्वाराला कुलूप लावण्याप्रकरणी पोलिसांनी रणबीरसिंग यांना दोनवेळा बोलवून समज दिली होती. त्यानंतरही त्यांनी कुलूप उघडले नाही. रविवारी दुपारच्या सुमारास पंजाब येथील भाविक भुपेंद्रसिंग किसनसिंग (वय 66) हे गुरुद्वारात आले असता त्यांना प्रवेश नाकरण्यात आला. तसेच जीवे मारण्याची धमकी देण्यात आली. त्यामुळे त्यांनी शहर पोलिसांत धाव घेत रणबीरसिंग सुखदेवसिंग खालसा, दलेरसिंग निहंग (रा.अमृतसर) व जगविंदरसिंग हरप्रीतसिंग (रा.पंजाब) या तिघांविरुध्द गुन्हा दाखल केला होता. त्यानंतर रात्री दहा वाजता भाविकांना पुन्हा प्रवेश नाकारून दगडफेक व तलवार, लाठ्या-काठ्यांसह हल्ला करण्यात आला.