Sakshi Murder Case Delhi : दिल्लीमध्ये झालेल्या साक्षी मर्डर केसमुळे संपूर्ण देश हादरला आहे. साक्षी हत्याकांडामध्ये आरोपी साहिल याने पोलीस तपासात धक्कादायक माहिती सांगितली आहे. यामुळे संपूर्ण प्रकरणाला वळण लागलं असून आता आरोपी साहिल हा खरं बोलतोय की खोटं, याचा पोलीस शोध घेत असल्याची माहिती आहे.
हायलाइट्स:
- दिल्लीतील साक्षी हत्याकांडाला नवं वळण
- साहिल खरं बोलतोय की खोटं, पोलिसांचा तपास सुरू…
- साहिलला २ दिवसांची पोलीस कोठडी…
साहिलने पोलीस चौकशीदरम्यान सांगितले की, साक्षीचे अजय नावाच्या तरुणाशी प्रेमसंबंध होते. अजयने त्याला साक्षीपासून लांब राहण्यास सांगितलं होतं. अजय साहिलला मारण्याच्या विचारात होता. जर अजय मला मारू शकतो तर मी का नाही. अजयमुळेच साक्षी माझ्यापासून दूर केली. म्हणून तो मला मारण्याआधी मीच तिला मारल्याचं साहिलने पोलिसांत सांगितलं.
लग्नात पाहिलं अन् एकमेकांवर भाळले, लॉजवर भेटताच प्रेमभंग; पुण्याच्या तरुणीसोबत शेगावात घडलं भयंकर
दिल्ली पोलिसांच्या सूत्रांनी दिलेल्या माहितीनुसार, चौकशीदरम्यान, आरोपी साहिल हा अनेक कहाण्या सांगत आहे. तो वारंवार त्याचं म्हणणं बदलत आहे. पोलिसांनी सांगितलं की, साक्षी ही गेल्या काही दिवसांपासून अजय ऊर्फ झाब्रूशी मैत्रित होती. अजय हा तिच्या परिसरात अगदी भाईसारखा वावरायचा. घटनेच्या एक दिवस आधी साक्षीची मैत्रिण भावना आणि साक्षी स्वत: अजयला भेटली होती. इतकंच नाहीतर या तिघांचा साहिलसोबत वादही झाला होता. या वादामध्ये अजयने साहिलला साक्षीपासून दूर राहण्याची धमकी दिली होती.
साहिल खरं बोलतोय की खोटं, पोलिसांचा तपास सुरू….
साहिला धमकी मिळाल्यामुळे तो खूप संतापला होता. त्यामुळे साक्षीलाच आपल्या मार्गातून बाजूला करावं असा विचार त्याने केला. मात्र, हे सगळं साहिल खरं सांगतोय की खोटं यावर सध्या पोलीस तपास करत असल्याची माहिती आहे. दोन दिवसांच्या पोलीस कोठडीत पोलीस या प्रकरणातील सर्व दुवे जोडण्याचा प्रयत्न करणार असल्याचं सांगण्यात आलं आहे.
Crime News: कोल्हापूर पोलिसांना संशय, सापळा रचला; गाडी थांबवून उघडताच फुटला घाम
साहिलला २ दिवसांची पोलीस कोठडी…
साक्षी मर्डर केसमधील आरोपी साहिल याला आज कडेकोट बंदोबस्तात रोहिणी कोर्टामध्ये हजर करण्यात आलं होतं. तिथून त्याला २ दिवसांच्या पोलीस कोठडीत पाठवण्यात आलं. दरम्यान, पोलीस पथक हे साहिलला ज्या ठिकाणी त्याने हत्येसाठी वापरलेला चाकू फेकून दिला, त्या ठिकाणी नेणार असल्याची माहिती आहे. खरंतर, साक्षीची हत्या केल्यानंतर साहिला रिठाला इथे गेला आणि तिथे एका शेतामध्ये त्याने चाकू फेकला.
पोलिसांच्या पथकाने सोमवारी चाकू जप्त करण्यासाठी घटनास्थळी खूप शोध घेतला पण चाकू त्यांच्या हाती लागला नाही. त्यामुळे रिमांड मिळाल्यानंतर आता पोलीस चाकूचा शोध घेणार आहे. इतकंच नाही तर चौकशीदरम्यान साहिलने साक्षीच्या आणखी एका एक्स प्रियकराबद्दल सांगितलं, ज्याचे नाव प्रवीण आहे. ती तिच्या एक्स प्रियकरासोबत तासनतास फोनवर बोलायची. याचा साहिलला खूप राग यायचा असंही त्याने पोलिसांना सांगितलं.
स्थानिक पुढाऱ्यांना घाम फोडणाऱ्या नेत्याची पुण्यात गोळ्या घालून हत्या
अधिक माहितीनुसार, जेव्हा साक्षी आणि साहिलमध्ये वाद सुरू झाला तेव्हा साक्षी पुन्हा प्रवीणशी बोलू लागली होती. तिचा फोन सारखा बिझी लागायचा. त्यामुळे साहिलला याचा प्रचंड राग होता. प्रवीणशी बोलू नको असं साहिलेने तिला वारंवार सांगितलं पण तिने त्याकडे दुर्लक्ष केलं. सगळ्यात महत्त्वाची बाब म्हणजे साक्षीच्या हातावर प्रवीणच्या नावाचा टॅटूही असल्याचं समोर आलं आहे.
लेखकाबद्दलरेणुका धायबररेणुका धायबर, महाराष्ट्र टाइम्समध्ये Senior Digital Content Producer आहेत. डिजिटल पत्रकारितेचा आठ वर्षांचा अनुभव आहे. २०१४ पासून पत्रकारीतेत आहेत. झी २४ तास , न्यूज १८ लोकमत, टीव्ही ९ अशा वेबसाइटसाठी त्यांनी काम केले आहे. महाराष्ट्र, राजकारण, गुन्हेगारी, देश, विदेश, स्पेशल बातम्या यासोबत व्यवसाय विषयात त्यांची आवड आहे.… आणखी वाचा
