Parrot Open Murder Mystery : आजच्या क्राइम डायरी या आमच्या खास मालिकेमध्ये अशा गुन्ह्याबद्दल सांगणार आहोत, ज्याचा उलगडा एका पोपटाने केला आहे. होय, तुम्हाला वाचून विश्वास बसणार नाही पण हे खरं आहे.
पोपटाने उलगडलं शिक्षिकेच्या हत्येचं रहस्य….
२० फेब्रुवारी २०१४ : आग्रा
विजय शर्मा, त्यांची पत्नी नीलम, एक मुलगी, एक मुलगी आणि वडील आनंद शर्मा आग्रा इथे राहत होते. विजयला फिरोजाबाद इथं एका लग्नासाठी जायचं होतं. यावेळी त्याने आपल्या मुलाला आणि मुलीलाही सोबत येण्यास सांगितलं. संध्याकाळी ते तिघेही फिरोजाबादकडे रवाना झाले. आता घरात फक्त नीलम आणि तिचे सासरे आनंद शर्मा होते. नीलम तिच्या खोलीमध्ये झोपायला गेली आणि तिचे सासरेही काही वेळाने त्यांच्या खोलीमध्ये झोपायला गेले.
रात्रीच झाली नीलमची हत्या…
मध्यरात्र होताच कोणीतरी घरात घुसलं आणि थेट नीलमच्या खोलीत गेलं. तिथे जाताच त्याने नीलमवर धारदार शस्त्राने वार केला आणि तिची हत्या केली. दरम्यान, घरातल्या कुत्र्याने ही हत्या होताना पाहिलं. तो भूंकण्यास सुरुवात करणार तोच मारेकऱ्याने त्याच धारदार शस्त्राने कुत्र्यावरही हल्ला केला आणि रात्रीच्या अंधारातच फरार झाला. एका रात्रीत घरातलं चित्र बदललं होतं. घराची मालकिण आणि कुत्रा यांचा मृतदेह रक्ताच्या थारोळ्यात पडला होता.
नवरा सकाळी घरी परतताच खळबळ….
घरात रात्री दोन खून झाले पण तरीदेखील आनंद शर्मा यांना जाग आली नाही. सकाळी उठल्यानंतर त्यांनी घरातलं चित्र पाहताच हादरले आणि तातडीने विजय शर्माला बोलावून घेतलं. काही वेळातच विजय आणि त्यांची दोन्ही मुलं घरी आली. आईचा मृतदेह पाहून मुलं ढसाढसा रडली. ते वडिलांसोबत गेले नसते तर आज त्यांची आई जिवंत असती असं त्यांना वाटू लागलं होतं.
Crime Diary: रोज थोडं-थोडं करून पतीला जीव घेतला, पुरावाही नाही ठेवला; वाचा सायलंट किलर ‘सौ’ची कहाणी…
पोपटाच्या डोळ्यांसमोर होतं मारेकऱ्याचं चित्र…
विजय आणि मुलांना पाहताच घरात असलेल्या पोपटानेही रडण्यास सुरुवात केली. हा पोपट नीलम यांनी पाळला होता. त्या त्याचा खूप लाड करायच्या. नेहमी त्या पोपटाशी बोलायच्या. त्यामुळे पोपटाचाही मालकिणीवर खूप जीव होता. नीलम यांना पोपट आणि कुत्रा दोघेही आवडायचे. पण नीलम यांना वाचवण्यासाठी आलेल्या कुत्र्याचाही त्याच रात्री खून झाला. पण मारेकऱ्याच्या हे लक्षात आलं नाही की हे सगळं पोपटही पाहत आहे.
पोपट मारेकऱ्याच्या नावाने लागला ओरडायला…
या घटनेची माहिती अखेर पोलिसांना देण्यात आली. त्यांनी तपास सुरू केला आणि संपूर्ण इमारत ताब्यात घेतली. सगळ्या घरात तपास केला पण त्यांच्या हाती काहीही माहिती लागली नाही. आपल्या पत्नीचं निधन झाल्यामुळे विजय शर्मा खूप दु:खात होते. अशात पोपट सतत विजयला काहीतरी सांगण्याचा प्रयत्न करत होता. नीलम यांच्या मृत्यूमुळे तो खूप शांत झाला होता. पण तो सतत खुनाच्या प्रकरणावरून काहीतरी बोलण्याचा प्रयत्न करत होता.
Crime Diary: गर्भवती पत्नीला ५० फूट खोल फेकलं, १५ मीटरवरच ती अडकली; या नंतरची कहाणी वाचून हादराल
दरम्यान, घरातले बोलत असताना त्यांनी आशूचं नाव काढलं. हे नाव ऐकताच पोपट मोठमोठ्याने ओरडू लागला. आशूनेच नीलमचा खून केल्याचं तो सांगण्याचा प्रयत्न करत होता.
आशू मारेकरी आहे… आशू मारेकरी आहे…
हा आशू कोण होता? आणि खरोखरच त्याने नीलमची हत्या केली का? यासंबंधी शोध लावणं हे पोलिसांसमोर मोठं आव्हान होतं. दरम्यान, या हत्या प्रकरणात पोपट सतत आशूचं नाव घेत असल्याचं पोलिसांना कळलं. खरंतर, आशू हा विजयच्या बहिणीचा मुलगा होता. त्याचं पूर्ण नाव आशुतोष गोस्वामी होतं. पोपटाने सांगितल्यानंतर पोलिसांनी तातडीने आशुतोषला अटक करून त्याची चौकशी केली. पण त्याने या सगळ्याला नकार दिला. त्यामुळे पोलिसांनी आपला खाक्या दाखवता त्याने आपल्या गुन्ह्याची कबुली दिली. त्या रात्री मावशीची हत्या त्यानेच केल्याचं पोलिसांना सांगितलं. त्यांच्या कुत्र्यालाही त्याने मारल्याचं कबुलही केलं.
Crime Diary: पत्नीचा मृतदेह मिठीत घेतला, किस केलं; हे प्रेम की वेडेपणा; वाचा लवर पतीची किलर कहाणी
कोणताही पुरावा नसताना पोपटाच्या साक्षीने अखेर खुनाचा उलगडा….
नातेवाईक असल्यामुळे आशुतोषचे अनेकदा घरी येणे-जाणे असायचे. घरात खूप दागिने आणि रोख रक्कम असल्याची त्याला कल्पना होती. त्यामुळे विजय शर्मा आणि मुलं त्या रात्री घरी नसतील हेदेखील त्याला माहिती होतं. त्यामुळे त्याने हत्येचा कट रचला. केवळ घरातील पैसे चोरण्यासाठी त्याने घरात घुसून मावशीची हत्या केली. यानंतर त्याने सर्व पुरावे नष्ट केले. पण नीलमच्या लाडक्या पोपटाने हे सगळं पाहिलं होतं. याचमुळे या कधीही न सुटणाऱ्या हत्येचा उलगडा झाला.
९ वर्षानंतर खुन्याला जन्मठेपेची शिक्षा….
या प्रकरणामध्ये अनेक वर्षे सुनावणी सुरू होती. आशुच्या विरोधात पोलिसांना कुठले पुरावे सापडले नाही. पण पोपटाच्या साक्षीमुळे अखेर त्याला जन्मठेपेची शिक्षा सुनावण्यात आली. नीलमच्या मृत्यूनंतर पोपट खूपच दु:खी झाला होता. त्याने फक्त मारेकऱ्याचं नाव घेतलं होतं. हा पोपटही तब्बल ६ महिन्यांनी मरण पावला. पण जाण्याआधी मात्र त्याने नीलम यांच्या मारेकऱ्याला शिक्षेपर्यंत पोहोचवलं.
लेखकाबद्दलरेणुका धायबररेणुका धायबर, महाराष्ट्र टाइम्समध्ये Senior Digital Content Producer आहेत. डिजिटल पत्रकारितेचा आठ वर्षांचा अनुभव आहे. २०१४ पासून पत्रकारीतेत आहेत. झी २४ तास , न्यूज १८ लोकमत, टीव्ही ९ अशा वेबसाइटसाठी त्यांनी काम केले आहे. महाराष्ट्र, राजकारण, गुन्हेगारी, देश, विदेश, स्पेशल बातम्या यासोबत व्यवसाय विषयात त्यांची आवड आहे.… आणखी वाचा