Chandrapur Municipal Corporation: काँग्रेसचे विधिमंडळातील पक्षनेते विजय वडेट्टीवार यांच्या गटातील १३ नगरसेवक मुंबईत, तर खासदार प्रतिभा धानोरकर यांच्या गटातील १४ नगरसेवक राज्याबाहेर गेले असल्याची माहिती सूत्रांनी दिली आहे.
चंद्रपूर महानगरपालिका निवडणुकीत ६६पैकी २७ नगरसेवक निवडून आल्याने काँग्रेस सर्वांत मोठा पक्ष म्हणून पुढे आला आहे. पप्पू देशमुख यांच्या भारतीय शेतकरी कामगार पक्षाशी काँग्रेसची आघाडी होती. शेकापचे तीन नगरसेवक निवडून आल्याने आघाडीची सदस्यसंख्या ३०वर पोहोचली आहे. काँग्रेसलाच पाठिंबा देण्याचे निश्चित झाल्याची माहिती पक्षाचे प्रमुख पप्पू देशमुख यांनी दिली आहे.
Uddhav Thackeray : महापौरपद देणार असाल, तर समर्थन देतो; ठाकरेसेनेच्या मागणीने ट्विस्ट, आता आमची इच्छा आहे, शिवसेनेचाच महापौर बसावा…
भाजपचे २३ आणि शिवसेनेचा एक असे मिळून २४ संख्याबळ आहे. मनपात सत्ता स्थापनेसाठी ३४ नगरसेवकांची गरज आहे. त्यामुळे उर्वरित शिवसेना (उबाठा) सहा, वंचित बहुजन आघाडी दोन, अपक्ष दोन, तर बसप व एमआयएमच्या प्रत्येकी एका नगरसेवकावर सत्ता स्थापनेची भिस्त राहील. ‘महापौरपद देणाऱ्यांना समर्थन देणार’, अशी भूमिका शिवसेना (उबाठा)ने घेतली आहे. केवळ चार नगरसेवकांची गरज असल्याने महापौर काँग्रेसचाच होणार असल्याची भूमिका पक्षातील नेत्यांनी स्पष्ट केली.
‘माझ्या मतदारसंघातील निर्णय मलाच घेऊ द्या. काँग्रेस एकजुटीने आपलाच महापौर करील. महाविकास आघाडीतील इतर घटकपक्ष साथ देणार आहे,’ असा विश्वासही खासदार धानोरकर यांनी व्यक्त केला. याबाबत वडेट्टीवार यांच्याशी संपर्क साधला असता तो होऊ शकला नाही.
भाजपचाच महापौर?
भाजपचे विदर्भ संघटन मंत्री उपेंद्र कोटेकर यांच्या प्रमुख उपस्थितीत पक्षातील नवनिर्वाचित नगरसेवकांची एकत्रित बैठक रविवारी झाली. या बैठकीत उपस्थित सर्व नेत्यांनी एकमताने चंद्रपूर महानगरपालिकेत भाजपचाच महापौर होणार असल्याचा ठाम विश्वास व्यक्त केला.
Kolhapur ZP Election : जिल्हा परिषदेसाठी महायुतीत मोठ्या घडामोडी; भाजपचं ध्येय फिक्स, आता लक्ष जागा वाटपाकडे
अपक्षांवर भाजपचे लक्ष
अकोला : अकोला महापालिकेत सत्ता स्थापनेसाठी ४१ सदस्यांची गरज आहे. सध्या भाजपचे ३८ आणि राष्ट्रवादी काँग्रेसचे एक असे ३९ सदस्य आहेत. शिवसेना आणि महानगर विकास समितीच्या प्रत्येकी एका सदस्याचा पाठिंबा मिळाल्यास भाजपची सत्ता स्थापन होऊ शकते. काँग्रेसनेही समविचारी पक्षांची आघाडी करून ३९ सदस्यांची जुळवाजुळव होत असल्याचा दावा केला आहे. यातही अपक्ष नगरसेवक आशिक पवित्रकार आणि शिवसेनेच्या उषा विरक यांच्यावर लक्ष केंद्रित झाले आहे.
Jalgaon News : धक्कादायक! जळगावच्या ‘भाटपुरी’ गावात 4907 खोट्या जन्म नोंदी, चक्रावणारं प्रकरण समोर
अमरावतीत भाजपविरोधी पॅटर्न चर्चेत
अमरावती : येथील महापालिकेत भाजप, युवा स्वाभिमान पक्ष व शिवसेना मिळून ४३ जागा होतात; तरीही एकाची तूट राहते. भाजप, राष्ट्रवादी काँग्रेस व शिवसेना एकत्र आले, तरी आकडा ३९वरच थांबतो. त्यामुळे सत्ता स्थापनेचा मार्ग भाजपसाठी काटेरी ठरत आहे. मात्र, काँग्रेस, राष्ट्रवादी काँग्रेस आणि ‘एमआयएम’ मिळून ३८ नगरसेवक आहेत. त्यात बसपचे तीन, शिवसेना (उबाठा) दोन आणि वंचित बहुजन आघाडीचा एक नगरसेवक जोडल्यास थेट ४४ हा बहुमताचा आकडा गाठला जातो. भाजप आणि रवी राणा यांना रोखणे हा समान मुद्दा ठरल्यास हा नवा पॅटर्न प्रत्यक्षात येऊ शकतो. काँग्रेसचे ज्येष्ठ नेते डॉ. सुनील देशमुख यांनी महापौर काँग्रेसचाच होणार, असा दावा केल्याने या चर्चेला बळ मिळाले आहे.
लेखकाबद्दलकिशोरी तेलकर किशोरी तेलकर
किशोरी तेलकर महाराष्ट्र टाइम्स ऑनलाइनमध्ये कन्सल्टंट या पदावर कार्यरत आहेत. किशोरी या २०२२पासून मटा ऑनलाइन सोबत जोडलेल्या आहेत. राजकारण, हायपर लोकल स्टोरी, क्राईम बातम्या, महिलांविषयक समस्या, गाव खेड्यातल्या बातम्या करण्याचा त्यांचा अनुभव आहे.
पत्रकारितेतील अनुभव
किशोरी यांना वृत्तपत्र, टीव्ही आणि डिजिटल माध्यमांमधील ६ वर्षांचा अनुभव आहे. किशोरी यांनी सकाळ वृत्तपत्रातून पत्रकारितेला सुरुवात केली. सकाळ वृत्तपत्रात काम करतांना त्यांनी प्रिंट मीडियासोबतच सोशल मीडिया हॅंडलिंग, वेबसाईटचेही काम केलं आहे. सध्या चार वर्षांपासून त्या महाराष्ट्र टाइम्स ऑनलाईनमध्ये कार्यरत आहेत. लेखन कौशल्याच्या जोरावर सामाजिक समस्या, शाळा- कॉलेज विद्यार्थी समस्या, आरोग्य टिप्स, महिलांविषयक प्रश्न, फॅशन, लाइफस्टाइल या विविध विषयांवर त्यांनी बातम्या केल्या आहेत.
शैक्षणिक पात्रता
किशोरी तेलकर यांनी कै. बिंदू रामराव देशमुख कला व वाणिज्य महिला महाविद्यालय, नाशिकरोड येथून एम.कॉम पदवी संपादन केली. त्यानंतर गोखले एज्युकेशन सोसायटीचे एच.पी.टी आर्ट्स अँड आर.वाय.के सायन्स कॉलेजमधून कम्युनिकेशन अँड जर्नलिझम विषयात पदव्युत्तर शिक्षण घेतलं आहे. जर्नलिझमचे शिक्षण घेत असतानाच किशोरी यांनी देशदूत, दिव्यमराठी सारख्या वृत्तपत्रात इंटर्नशिप केलेली आहे. मराठी भाषेवर प्रभुत्व असून हिंदी, इंग्रजी भाषाही त्यांना अवगत आहेत.… आणखी वाचा