Buldhana Crime: नोटा दुप्पट करण्याचे आमिष दाखवून युवकाला अपहरण करुन मारहाण केल्याची घटना घडली आहे.
काय घडलं?
आरोपींनी फेसबुकच्या माध्यमातून इंद्रकुमारला विश्वासात घेतले. ‘तुम्ही एक लाख रुपये द्या. त्याबदल्यात आम्ही तुम्हाला ५ लाख रुपये देऊ’, असे आमिष आरोपींनी इंद्रकुमारला दाखविले. या लालसेमुळे इंद्रकुमार आरोपींच्या जाळ्यात अडकला. त्याला मध्य प्रदेशातून शेगाव येथे बोलाविण्यात आले. शुक्रवारी सायंकाळी तो शेगावला पोहोचला. रात्री १०.३० वाजताच्या सुमारास आरोपी विकास पाटीलसह त्याच्या तीन साथीदारांनी इंद्रकुमारला चिंचोली शिवारात नेऊन पैशांसाठी मारहाण केली. तसेच त्याच्या मोबाइलवरून स्वतःच्या क्यूआर कोडवर ४ हजार रुपये घेतले. नंतर त्याला शहरातील एका गोडाऊनमध्ये रात्रभर डांबून ठेवण्यात आले.
Buldhana Crime : जुना वाद विकोपाला गेला, पाच जणांनी अनिकेतला शेतात गाठलं, निर्घृणपणे संपवलं; पोलिसांनी गुन्हेगारांच्या मुसक्या आवळल्या
दुसऱ्या एका घटनेत, जेवणासाठी मला का विचारले नाही, म्हणत पत्नीवर पतीने सुरीने वार केल्याची घटना खामगाव तालुक्यातील दधम येथे शुक्रवारी सायंकाळी घडली. वंदना सुभाष शेजोळ (वय ४५) असे जखमी महिलेचे, तर, सुभाष भिकाजी शेजोळ, असे आरोपीचे नाव आहे. तालुक्यातील दधम येथील वंदना शेजोळ ही घरी असताना पती सुभाष भिकाजी शेजोळ हा दारूच्या नशेत घरी आला.
Nagpur HSC Paper Leak: शिक्षकानेच फोडले पेपर! मुख्य सूत्रधाराच्या मदतीने कृत्य, नागपूर बारावी पेपरफुटीप्रकरणी नवा खुलासा
‘तू रात्री जेवण केले, मला जेवणासाठी का विचारले नाही?’ असे म्हणत त्यानेवंदना यांच्याशी वाद घातला. आई-वडिलांत वाद झाल्याने मुलगा रोहन हा वडिलांना समजावण्यासाठी पुढे आला असता सुभाष याने त्यालाही शिवीगाळ करीत मारण्याची धमकी दिली. संतापाच्या भरात घरातील भाजी कापण्याची सुरी उचलून त्याने पत्नीवर वार केला. यात पत्नी जखमी झाली. हिवरखेड पोलिसांनी आरोपी पती सुभाष शेजोळ याच्याविरुद्ध गुन्हे दाखल केले
लेखकाबद्दलकिशोरी तेलकर किशोरी तेलकर
किशोरी तेलकर महाराष्ट्र टाइम्स ऑनलाइनमध्ये कन्सल्टंट या पदावर कार्यरत आहेत. किशोरी या २०२२पासून मटा ऑनलाइन सोबत जोडलेल्या आहेत. राजकारण, हायपर लोकल स्टोरी, क्राईम बातम्या, महिलांविषयक समस्या, गाव खेड्यातल्या बातम्या करण्याचा त्यांचा अनुभव आहे.
पत्रकारितेतील अनुभव
किशोरी यांना वृत्तपत्र, टीव्ही आणि डिजिटल माध्यमांमधील ६ वर्षांचा अनुभव आहे. किशोरी यांनी सकाळ वृत्तपत्रातून पत्रकारितेला सुरुवात केली. सकाळ वृत्तपत्रात काम करतांना त्यांनी प्रिंट मीडियासोबतच सोशल मीडिया हॅंडलिंग, वेबसाईटचेही काम केलं आहे. सध्या चार वर्षांपासून त्या महाराष्ट्र टाइम्स ऑनलाईनमध्ये कार्यरत आहेत. लेखन कौशल्याच्या जोरावर सामाजिक समस्या, शाळा- कॉलेज विद्यार्थी समस्या, आरोग्य टिप्स, महिलांविषयक प्रश्न, फॅशन, लाइफस्टाइल या विविध विषयांवर त्यांनी बातम्या केल्या आहेत.
शैक्षणिक पात्रता
किशोरी तेलकर यांनी कै. बिंदू रामराव देशमुख कला व वाणिज्य महिला महाविद्यालय, नाशिकरोड येथून एम.कॉम पदवी संपादन केली. त्यानंतर गोखले एज्युकेशन सोसायटीचे एच.पी.टी आर्ट्स अँड आर.वाय.के सायन्स कॉलेजमधून कम्युनिकेशन अँड जर्नलिझम विषयात पदव्युत्तर शिक्षण घेतलं आहे. जर्नलिझमचे शिक्षण घेत असतानाच किशोरी यांनी देशदूत, दिव्यमराठी सारख्या वृत्तपत्रात इंटर्नशिप केलेली आहे. मराठी भाषेवर प्रभुत्व असून हिंदी, इंग्रजी भाषाही त्यांना अवगत आहेत.… आणखी वाचा
