Bhandara Tiger Attack: उमरझरी शेतशिवारात वाघाच्या हल्ल्यात एक शेतमजूर महिला गंभीर जखमी झाल्याची घटना घडली आहे. संतप्त नागरिकांनी जंगल परिसरात जाळपोळ केली.
शनिवारी सकाळी ११ वाजताच्या सुमारास घडलेल्या या घटनेत माया रामकृष्ण सोनावणे या गंभीर जखमी झाल्या. वनविभागाच्या उदासीनतेमुळे संतप्त झालेल्या काही स्थानिक नागरिकांनी जंगल परिसरात जाळपोळ केली.
Coal Crisis: राज्यात बारा दिवसांचाच कोळसासाठा! विजेची मागणी वाढली, संचबंदी टाळण्यासाठी महानिर्मितीकडून खबरदारी
शनिवारी सकाळी १० वाजताच्या सुमारास माया सोनावणे आणि त्यांचे पती रामकृष्ण सोनावणे हे आपल्या शेतात हिरव्या मिरच्या तोडण्याचे काम करत होते. यावेळी शेतालगतच्या जंगलातून अचानक आलेल्या पट्टेदार वाघाने माया यांच्यावर हल्ला केला. वाघाने आपल्या तीक्ष्ण दातांनी माया यांची मान पकडून त्यांना सुमारे १० फूट अंतरापर्यंत फरफटत नेले. हा थरार पाहून पती रामकृष्ण यांनी आरडाओरडा केली. जवळच काम करणाऱ्या इतर शेतकरी आणि मजुरांनी तातडीने धाव घेतल्याने वाघाने माया यांना सोडून जंगलात पळ काढला. यात महिलेच्या गळ्याला गंभीर खोल जखम झाली आहे.
Solapur News : ‘मी तुमच्या लायकीचा बाप नाही’; मुलाला व्हॉट्सअॅपवर मेसेज केला अन् वडिलांनी उचललं टोकाचं पाऊल, सोलापूरमध्ये हळहळ
माहिती मिळताच गावकऱ्यांनी घटनास्थळी धाव घेतली. जखमी माया सोनावणे यांना तातडीने साकोली उपजिल्हा रुग्णालयात दाखल करण्यात आले. तेथे डॉ. कृष्णा मेश्राम आणि त्यांच्या सहकाऱ्यांनी त्यांच्यावर प्राथमिक उपचार केले. त्यानंतर त्यांना पुढील उपचारासाठी भंडारा येथील शासकीय वैद्यकीय महाविद्यालयात दाखल करण्यात आले. दरम्यान, वनपरिक्षेत्र अधिकारी धनविजय यांनी वाघाला दिसताक्षणी गुंगीचे डार्ट मारण्याचे आदेश दिले आहे.
Maharashtra Politics : ‘महाराष्ट्राच्या राजकारणात मोठा भूकंप होणार’, शिवसेनेच्या खासदार ज्योती वाघमारे यांचा दावा
तर दुसऱ्या एका घटनेत शेतात काम करत असताना ग्रामपंचायतीच्या कोरड्या विहिरीत तोल जाऊन पडल्याने गंभीर जखमी झालेल्या श्रमिकाचा उपचारादरम्यान मृत्यू झाला. मधुकर इसन वरठे (वय ५६, रा. धाबेटेकडी) असे मृतकाचे नाव आहे. ही घटना बोरगाव शेतशिवारात घडली.
लेखकाबद्दलकिशोरी तेलकर किशोरी तेलकर
किशोरी तेलकर महाराष्ट्र टाइम्स ऑनलाइनमध्ये कन्सल्टंट या पदावर कार्यरत आहेत. किशोरी या २०२२पासून मटा ऑनलाइन सोबत जोडलेल्या आहेत. राजकारण, हायपर लोकल स्टोरी, क्राईम बातम्या, महिलांविषयक समस्या, गाव खेड्यातल्या बातम्या करण्याचा त्यांचा अनुभव आहे.
पत्रकारितेतील अनुभव
किशोरी यांना वृत्तपत्र, टीव्ही आणि डिजिटल माध्यमांमधील ६ वर्षांचा अनुभव आहे. किशोरी यांनी सकाळ वृत्तपत्रातून पत्रकारितेला सुरुवात केली. सकाळ वृत्तपत्रात काम करतांना त्यांनी प्रिंट मीडियासोबतच सोशल मीडिया हॅंडलिंग, वेबसाईटचेही काम केलं आहे. सध्या चार वर्षांपासून त्या महाराष्ट्र टाइम्स ऑनलाईनमध्ये कार्यरत आहेत. लेखन कौशल्याच्या जोरावर सामाजिक समस्या, शाळा- कॉलेज विद्यार्थी समस्या, आरोग्य टिप्स, महिलांविषयक प्रश्न, फॅशन, लाइफस्टाइल या विविध विषयांवर त्यांनी बातम्या केल्या आहेत.
शैक्षणिक पात्रता
किशोरी तेलकर यांनी कै. बिंदू रामराव देशमुख कला व वाणिज्य महिला महाविद्यालय, नाशिकरोड येथून एम.कॉम पदवी संपादन केली. त्यानंतर गोखले एज्युकेशन सोसायटीचे एच.पी.टी आर्ट्स अँड आर.वाय.के सायन्स कॉलेजमधून कम्युनिकेशन अँड जर्नलिझम विषयात पदव्युत्तर शिक्षण घेतलं आहे. जर्नलिझमचे शिक्षण घेत असतानाच किशोरी यांनी देशदूत, दिव्यमराठी सारख्या वृत्तपत्रात इंटर्नशिप केलेली आहे. मराठी भाषेवर प्रभुत्व असून हिंदी, इंग्रजी भाषाही त्यांना अवगत आहेत.… आणखी वाचा