Ann Walton Kroenke and Nancy Walton Laurie Lifestyle; वॉलमार्टच्या अब्जाधीश घराण्याच्या वारसदार लेकी! एकीकडे 2800 कोटींची सुपरयाट तर दुसरीकडे वॉशिंग्टनपेक्षा 13 पट मोठा भूखंड

वॉलमार्टच्या वारसदार – नॅन्सी वॉल्टन लॉरी – $300 दशलक्ष (सुमारे 2500 कोटी रुपये) किमतीच्या ‘Kaos’ या आलिशान सुपरयॉटसाठी ओळखल्या जातात. दुसरीकडे, त्यांची मोठी बहीण ॲन वॉल्टन क्रोनके, वॉशिंग्टन डी.सी पेक्षा 13 पटीने मोठ्या अशा आलिशान टेक्सास रँचच्या मालक आहेत. या प्रचंड मोठ्या फार्महाऊसचा आकार इतकं भव्य आहे की तिथे गायींना चरायला नेण्यासाठी हेलिकॉप्टरचा वापर केला जातो. ॲन यांचे टेक्सासमधील 6 काउंटींमध्ये पसरलेले ‘वॅगनर रँच’ म्हणून ओळखले जाणारे रँच 5,10,527 एकरमध्ये पसरलेले असून येथे अनेक मोठी सरोवरे, डझनभर तेल विहिरी, हजारो गुरे, महागडे घोडे आणि वन्य प्राणी आहेत.

2016 पासून या आलिशान संपत्तीचे मालकी हक्क ॲन वॉल्टन क्रोनके आणि त्यांचे अब्जाधीश पती, स्टॅन क्रोनके यांच्याकडे आहेत. स्टॅन यांनी या प्रॉपर्टीसह अमेरिकेच्या इतिहासातील सर्वात प्रसिद्ध मालमत्तांपैकी एकाच ताबा घेतला. तब्बल $25 अब्जच्या मालमत्तेचे मालक आणि 78 वर्षीय स्टॅन क्रीडा जगतातील प्रमुख व्यक्तिमत्व असून लॉस एंजेलिस रॅम्ससारख्या मोठ्या क्रीडा फ्रँचायझींचे मालक आहेत. स्टॅन आणि ॲन यांच्या लग्नाला 50 वर्षांहून अधिक काळ लोटला असून त्यांच्या या आलिशान मालमत्तेत 1400 एकरांचे खाजगी तलाव, मासेमारीसाठी गुप्त तळी आणि मैलोन् मैल पसरलेले रस्ते आहेत.

वॅग्नर रँच केवळ ऐशोआरामाची जागा नाही तर, एक मोठे शेती आणि पशुपालन केंद्र आहे. या विस्तीर्ण ठिकाणी एकाच वेळी 14,000 पेक्षा जास्त गुरे चरू शकतात. इतक्या मोठ्या ठिकाणी घोडे किंवा पायी चालून जनावरांना सांभाळणे कठीण आहे त्यामुळे, रँचमधील पूर्णवेळ पायलट डेव्हिड ब्रॉकलहर्स्ट जनावरांना एकत्र आणण्यासाठी आणि त्यांच्यावर लक्ष ठेवण्यासाठी बेल जेटरेंजर हेलिकॉप्टरचा वापर करतात. याशिवाय येथे 25,000 ते 30,000 एकर जमिनीवर लागवड केली जाते.

स्टॅन क्रोनके अमेरिकेतील सर्वात मोठे जमीनदार असल्याचे मानले जाते आणि देशभरात त्यांची 27 लाख एकर जमीन आहे. वॅग्नर रँच देखील त्यांच्या या विशाल मालमत्तेचा भाग आहे. त्याउलट ॲन वॉल्टन यांची धाकटी बहीण, नॅन्सी वॉल्टन लॉरी, यांना समुद्राची खूप आवड आहे 1995 मध्ये वडील, जेम्स ‘बड’ वॉल्टन यांच्या निधनानंतर नॅन्सी यांना मालमत्तेचा वारसा मिळाला.

नॅन्सी यांच्या मालकीची ‘Kaos’ नौका जगातील सर्वात मोठ्या आणि सर्वात महागड्या खाजगी नौकांपैकी मानली जाते, जी डच बांधणीची असून 100 मीटर लांबीच्या आलिशान जहाजाचे मूल्य अंदाजे 30 कोटी डॉलर्स आहे. या yatch मध्ये 30 पाहुण्यांना राहण्यांसाठी 15 आलिशान स्वीट्स आहेत. तसेच या नौकामध्ये मौल्यवान संगमरवर, इराणी पांढरा ओनेक्स दगड, 1 स्विमिंगपूल, एक स्पा, हेलिपॅड, थिएटर आणि मोठे मत्स्यालय आहे.