आज वेदांता ग्रुप या समूहाला आंतरराष्ट्रीय बाजारपेठेत एक मानाचे स्थान आहे. वेदांत समूहाचे संस्थापक आणि अब्जोधीश व्यावसायिक अनिल अग्रवाल यांनी कोणत्याही उच्च शिक्षणाशिवाय आज जगभरातील बाजारपेठेत सुवर्णाक्षरात स्वतःचे नाव कोरले आहे. नॅच्युरल रिसोर्सेस क्षेत्रात एक मोठे व्यावसायिक साम्राज्य तयार केले आह. अनिल अग्रवाल यांची संघर्षकथा! नक्की वाचा.
अनिल अग्रवाल मूळचे पटनाचे आहेत. पटण्यातील मिलर हाई स्कुल येथे त्यांचे शालेय शिक्षण झाले. त्यांची मॅट्रिक झाली आहे. परंतु, त्याकाळी त्यांनी महाविद्यालयीन शिक्षण घेण्यापेक्षा वडिलांच्या व्यवसायात जास्त रस दाखवला. त्यामुळे विद्यापीठात प्रवेश घेण्यापेक्षा त्यांनी पाटणा सोडून मुंबईत येण्याचे ठरवले. त्याआधी त्यांनी वडिलांच्या व्यवसायात वडिलांची साथ दिली. अनिल अग्रवाल यांच्या वडिलांचे नाव द्वारका प्रसाद अग्रवाल आहे. त्यांच्या वडिलांचा ऍल्युमिनिअम कंडक्टर बनवण्याचा व्यवसाय होता. सुरुवातीला अनिल यांनी वडिलांना त्यांच्या व्यवसायात मदत केली.
वयाच्या विसाव्या वर्षी अनिल अग्रवाल पटण्याहून मुंबईत आले. अनिल यांना नोकरी पेशात फार काही रस नव्हता, व्यवसाय करण्याच्या उद्देशानेच त्यांनी मुंबईची वाटचाल धरली होती. अनिल अग्रवाल हे काही जन्मापासूनच अब्जोधीश नव्हते. एका लोवर मिडल क्लास कुटुंबात त्यांचा जन्म झाला होता. मुंबईत येताना त्यांच्याकडे फार काही संसाधने नव्हती. पण त्यांच्याकडे असणारी एक गोष्ट मात्र तीव्र होती, ती म्हणजे जिद्द!
मुंबईत आल्यावर त्यांनी विविध व्यवसाय केले. अनेक गोष्टींचे अनुभव घेतले. धडे घेतले. अखेर त्यांना त्यांचा मार्ग मिळाला. 1976 मध्ये अनिल यांना धातू आणि खाणकाम उद्योगात यश मिळत असल्याचे जाणवले आणी याच काळात एका मोठ्या व्यवसायाची कल्पना त्यांच्या डोक्यात घुमू लागली. वेळेनुसार व्यवसाय वाढत गेले. एल्युमिनिअम, झिंक, कोपर तसेच लोह अशा अनेक नॅच्युरल रिसोर्स क्षेत्रात त्यांचा उद्योग पसरू लागला.
दादागिरी करता-करता अमेरिका बनला भारताचा सर्वात मोठा LPG पुरवठादार! आखाती देशांनाही मागे टाकलेएक लहानशा व्यवसाय हळूहळू मोठ्या उद्योग साम्राज्याचे रूप घेऊ लागला. वेदांता समूहाची निर्मिती झाली. 2003 साली, लंडन स्टॉक एक्सचेंजध्ये लिस्ट करणारी पहिली भारतीय कंपनी म्हणून वेदांता समूहाने इतिहास घडवला. आज वेदांत समूहाला आंतरराष्ट्रीय स्तरावर एक वेगळी ओळख आहे. नॅच्युरल रिसोर्स क्षेत्रात त्यांची एक वेगळी पकड आहे. भारतीय उद्योग क्षेत्रात अनिल अग्रवाल यांच्या वेदांत समूहाला एक मनाचा दर्जा आहे. कोणतेही उच्च शिक्षण नसताना मनोबल, तपस्चर्या आणि जिद्दीच्या जोरावर अनिल अग्रवाल यांनी गाठलेले हे यश, देशातील तरुणांसाठी एक प्रेरणादायी कथा आहे.
लेखकाबद्दलटीम मटा ऑनलाइनमहाराष्ट्र टाइम्स ऑनलाइन हा गेल्या २६ वर्षांपासून महाराष्ट्रातील अग्रगण्य पोर्टल आहे. राजकीय, सामाजिक, आर्थिक, कला, क्रीडा, मनोरंजन, लाइफस्टाइल या विषयावर बातम्या देण्याचा आणि वाचकांना अपडेट ठेवण्याचे काम केले जाते. या टीममधील प्रत्येक पत्रकार हा वाचक हा केंद्र बिंदू मानून त्यांना बित्तमबातमी देण्याचा प्रयत्न करतो.… आणखी वाचा
