सरकारी शिक्षकांच्या मागण्या नेमक्या आहेत तरी काय?
सरकारी क्षेत्रामध्ये कार्यरत असणाऱ्या शिक्षकांनी शिक्षक संघटनेच्या माध्यमातून आठव्या वेतन आयोगाकडे महत्वाच्या मागण्या केल्या आहेत.
निवृत्तीचे वय 65 करण्यात यावे
देशभरातील सरकारी क्षेत्रात शिक्षकांच्या निवृत्तीचे वय 60 वर्षे इतके आहे. शिक्षक संघटनांनी त्यात वाढ करून ते 65 वर्षे इतके करण्यात यावे अशी मागणी केली आहे. त्यांचे म्हणणे आहे की, “वरिष्ठ शिक्षकांना अनुभव दांडगा असतो. या अनुभवाचा लाभ घेण्यासाठी शिक्षकांच्या एकूण सेवेत आणखीन 5 वर्षांची वाढ करण्यात यावी.” अद्याप या मागणीसंबंधित कोणताही निर्णय घेण्यात आलेला नाही.
प्रमोशन संबंधितही करण्यात आल्या मागण्या
देशातील सरकारी क्षेत्रातील शिक्षकांच्या संघटनांनी प्रमोशन संबंधित दोन मोठया मागण्या केल्या आहेत, त्याचबरोबर दिल्ली सरकारच्या अधिपत्याखाली येणाऱ्या सरकारी शिक्षकांनी प्रमोशन संबंधित त्यांची एक संयुक्त मागणीही केली आहे. संपूर्ण देशातील सरकारी शिक्षण वर्गाची मागणी आहे की मुख्याधापक या पदासाठी 50% नियुक्ती ही विभागीय शिक्षकांच्या प्रमोशनमार्फत व्हावी तर 25% नियुक्तीही परीक्षेमार्फत घेण्यात यावी. त्याचबरोबर त्यांनी शिक्षण क्षेत्रात ‘हेड ऑफ सब्जेक्ट’ हे नवीन पद समाविष्ट करण्याची मागणीही केली आहे. शिक्षण संघटनेचे असे म्हणणे आहे की या पदासाठीच नियुक्ती प्रमोशनच्या माध्यमातून करण्यात यावी.
दिल्ली सरकारच्या नियंत्रणात येणाऱ्या शिक्षकांची मागणी आहे की उपमुख्याध्यापक या पदासाठी 100% प्रमोशनल कोटा देण्यात यावा.
शिक्षकांना हवीये जुनी पेन्शन व्यवस्था
सध्या निवृत्त शिक्षकांना जुन्या पेन्शन व्यवस्थे ऐवजी नवीन पेन्शन व्यवस्था पुरवण्यात येते. 2004 पासून सरकारी सेवेत रुजू झालेल्या कर्मचाऱ्यांसाठी NPS म्हणजेच नॅशनल पेंशन सिस्टम लागू आहे. NPS या पेंशन प्रणालीत दर महिन्याला कर्मचाऱ्याच्या NPS खात्यात कर्मचारी तसेच सरकारकडून पैसे डिपॉजिट केले जातात. हे पैसे पुढे गुंतवले जातात. निवृत्तीआधी झालेली जमा झालेली एकूण रक्कम, निवृत्तीनंतर कर्मचाऱ्याला काही रक्कम खात्यात शिल्लक ठेवून पेन्शन Lum Sump मध्ये मिळवता येतो. तर शिल्लक रक्कम पेन्शन स्वरूपात दरमहिन्याला प्राप्त होते.
शिक्षकांना ही नवीन पेन्शन व्यवस्था (NPS) नको आहे. शिक्षक संघटनेकडून जुन्या पेन्शन व्यवस्थेची मागणी करण्यात येत आहे. जुनी पेन्शन व्यवस्था म्हणजे OPS (Old Pension Scheme). जुन्या पेन्शन व्यवस्थेत कर्मचाऱ्यांच्या सेवानिवृत्तीच्या आधीच्या पगारावर आधारित ठराविक रक्कम दरमाह पेन्शन म्हणून पुरवण्यात येते.
शिक्षकांना सुट्ट्यांमध्ये हवीये वाढ
शिक्षक संघटननी आयोगाकडे सुट्ट्यांमध्ये वाढ करण्यात येण्याची मागणी केली आहे. शिक्षकांना वर्षाला 14 कॅज्युअल लिव्ह, 30 Earned Leave आणि 20 वैद्यकीय सुट्ट्या देण्यात याव्या अशी मागणी केली आहे. तसेच काही अटींवर चाईल्ड केअर लिव्हही देण्यात यावी अशी शिक्षक संघटनांची मागणी आहे.
Vedanta Group : ना उच्च शिक्षण, ना खिशात जास्त पैसे! ‘पटना ते लंडन स्टॉक एक्सचेंज’ अनिल अग्रवालांनी कसे उभारले इतके मोठे साम्राज्य?आणखीन इतर मागण्याही करण्यात आल्या
देशामध्ये प्रत्येक शहरात महागाईचा दर अगदी सारख्याच स्वरूपात वाढत असल्याचे शिक्षक संघटनांचे म्हणणे आहे त्यामुळे देशभरातील केंद्रिय सरकारी शिक्षकांच्या वेतन व भत्त्यांमध्ये समानता आणावी अशी शिक्षक संघटनांची मागणी आहे. तसेच शिक्षकांना कॅशलेस मेडिकल फेसिलिटी मिळावी अशी मागणी करण्यात आली आहे.
