Hidayat Patel Death Case : काँग्रेसचे ज्येष्ठ नेते आणि महाराष्ट्र प्रदेश काँग्रेसचे उपाध्यक्ष हिदायत पटेल यांच्यावर जीवघेणा हल्ला झाला होता. त्यांचा आता उपचारादरम्यान दुर्दैवी मृत्यू झाला आहे.
नेमकं काय घडलं?
अकोट तालुक्यातील मोहोळ या त्यांच्या गावी हिदायत पटेल यांच्यावर राजकीय वैमनस्यातून हा हल्ला झाला होता. हिदायत पटेल व मोहोळ गावातीलच एका पटेल कुटुंबीयांसोबत त्यांचे बऱ्याच वर्षापासून राजकीय भांडण होतं, याच भांडणातून विरुद्ध गटाच्या उबेद पटेल नावाच्या एका तरुणाने हिदायत पटेल यांच्यावर काल चाकू हल्ला केला. काल दुपारी दोन वाजताच्या नमाजानंतर हिदायत पटेल मोहोळा गावातील मरकज मशिदीत नमाज पडून बाहेर येत असताना उबेदनं हिदायत पटेल यांच्यावर चाकू अचानक हल्ला केला.
हिदायत पटेल यांच्या पोटावर आणि मानेवर चाकूचे प्रचंड घाव लागल्यानं हिदायत पटेल यांना अकोट येथील एका रुग्णालयात दाखल करण्यात आलं होतं. मात्र, त्यांची प्रकृती गंभीर असल्याने त्यांना तात्काळ अकोल्याला हलविण्यात आलं होतं. उपचारादरम्यान आज बुधवारी रोजी पहाटे त्यांचं दुःखद निधन झालं. हिदायत पटेल यांच्या आकस्मिक मृत्यूमुळे काँग्रेसच्या ज्येष्ठ नेत्यांनी आपल्या शोक संवेदना व्यक्त केल्या आहेत.
जुना वाद नेमका काय होता?
24 मे 2019 रोजी मोहोळ या गावामध्ये काही मुलांच्या भांडणावरून एक रक्तरंजित थरार घडला होता. त्यामध्ये भाजपचे कार्यकर्ते मतीन पटेल यांचा मृत्यूझाला होता. या हल्ला प्रकरणात हिदायत पटेल यांच्यासह 10 लोकं आरोपी होते. आता हिदायत पटेल यांच्यावर हल्ला करणारा आरोपी उबेद पटेल 2019 मध्ये हत्या करण्यात आलेल्या मोहोळ गावातील भाजप कार्यकर्ते मतीन पटेल यांचा पुतण्या आहे. 2019 मध्ये लोकसभेचा निकाल लागल्यानंतर हिदायत पटेल यांचं गाव असलेल्या मोहोळ गावात राजकीय वादातून भाजप कार्यकर्ते मतीन पटेल यांची हत्या झाली होती. याच बदलेच्या भावनेतून हिदायत पटेल यांची हत्या करण्यात आली आहे.
हिदायत पटेल राजकारणातलं मोठं नाव
हिदायत पटेल राजकारणातील मोठं नाव असून 2014 व 2019च्या लोकसभा निवडणुकीमध्ये ते काँग्रेसचे अधिकृत उमेदवार होते. त्यावेळी दुसऱ्या क्रमांकवरचे मत हिदायत पटेल यांना पडले होते. तसेच सहकार क्षेत्रात सुद्धा त्यांचं प्रचंड वर्चस्व होतं. अकोला जिल्हा सहकारी बँकेचे ते संचालक होते, तर अकोट कृषी उत्पन्न बाजार समितीचे पदाधिकारी देखील होते. नेमकं महानगरपालिका निवडणुकीच्या पार्श्वभूमीवर झालेला हा हल्ला सर्वांना चकित करणारा असून स्थानिक गुन्हे शाखेचे प्रमुख शंकर शेळके यांच्या मार्गदर्शनात अकोट पोलिसांनी फरार आरोपीचा शोध घेतल्यावर अकोट तालुक्यातील पणज येथे आरोपीला ताब्यात घेतलं असून, आरोपी अटकेत आहे. हिदायत पटेल यांच्या मृत्यूनंतर हत्येचा गुन्हा दाखल करण्यात आला आहे.
लेखकाबद्दलप्रशांत पाटीलप्रशांत पाटील ‘महाराष्ट्र टाईम्स ऑनलाईन'(TIL) या आघाडीच्या डिजिटल माध्यम समूहात सीनियर डिजिटल कंन्टेट प्रोड्युसर पदावर कार्यरत आहेत. पुणे जिल्ह्यातील नामांकित ‘थोडक्यात’ न्यूज वेब पोर्टल, हैदराबादमधील ‘आधान शॉर्ट न्यूज अॅप’, ‘सकाळ मिडिया ग्रुप’ आणि आता ‘महाराष्ट्र टाइम्स ऑनलाईन’, असा जवळपास पाच ते साडेपाच वर्षांपेक्षा अधिक काळ ते कार्यरत आहेत. प्रशांत पाटील यांना महाराष्ट्रातील ग्रामीण भागातील सर्व गुन्हेगारी, अपघात, शेतकरी विषयक बातम्या, ग्रामीण भागात यश संपादन केलेल्या तरुणी किंवा तरुणांच्या सक्सेस स्टोरीज् आणि महाराष्ट्र हायपर लोकल अशा विविध विषयांची आवड आहे. ऑगस्ट (2026) पासून ‘महाराष्ट्र टाईम्स ऑनलाईन’साठी (TIL) काम करत आहेत. या दरम्यान, राज्यातील विधानसभा, लोकसभा आणि स्थानिक स्वराज्य संस्थाच्या निवडणुकींच्या बातम्यांवर विशेष लक्ष ठेवतात. याआधीही त्यांनी याच माध्यम समूहासोबत तीन वर्ष काम केलं आहे.
प्रशांत पाटील यांनी पुण्यातील नामांकित आबासाहेब गरवारे महाविद्यालयातून मास कम्युनिकेशन विषयात पदव्युत्तर शिक्षण घेतलं आहे. शिक्षण घेत असतानाच त्यांनी ‘थोडक्यात’ या न्यूज वेब पोर्टलला काम केलं. तिथे डिजिटल माध्यमासाठी लेखन करत असताना त्यांना डिजिटल क्षेत्रातलं कसं काम करतात? हे यश संपादन केलं. त्यानंतर त्यांना मुंबईत ‘महाराष्ट्र टाइम्य ऑनलाईन’ (TIL) या नामांकित माध्यम समूहामध्ये काम करण्याची संधी मिळाली. 28 मार्च 2022 रोजी ते ‘महाराष्ट्र टाइम्स ऑनलाईन’ या मोठ्या ब्रँण्डसोबत पहिल्यांदा जोडले गेले. तिथे त्यांनी प्रदीर्घ काळ म्हणजे तीन वर्ष डिजिटल विभागात काम केलं. त्यांनतर त्यांनी फेब्रुवारी 2025 ला ‘सकाळ मिडिया ग्रुप’ला काम करण्याची संधी मिळाली. परंतु तिथे ते काम करत असताना त्यांना पुन्हा ‘महाराष्ट्र टाइम्स ऑनलाईन’ (TIL) या माध्यम समूहाने संधी दिली. त्यानंतर ऑगस्ट 2026 पासून प्रशांत पाटील हे ‘महाराष्ट्र टाइम्स ऑनलाईन’सोबत (TIL) काम करताय.
‘महाराष्ट्र टाइम्स ऑनलाईन’मध्ये (TIL) काम करताना त्यांना खूप मोठमोठ्या संध्या मिळाल्या. जसे की, व्हिडिओ करणे, महाराष्ट्रातील संपूर्ण जिल्ह्यातील रिपोर्टर यांच्याशी समन्वय साधणे, जिल्हा प्रतिनिधींकडून वेळोवेळी काम करुन घेणे, विशेष आणि काही महत्वाच्या बातम्या मागवून घेणे, अशा बऱ्याच गोष्टींची त्यांना इथे मिळाली. प्रशांत पाटील हे सकाळच्या शिफ्टला काम करत असताना लाईव्ह ब्लॉग, रिपोर्टरशी बोलणे, ब्रेकिंग बातम्या, हायपर लोकल बातम्या, ग्रामीण भागातील सर्व घडामोडींकडे लक्ष देण्याचं काम ते करतात.… आणखी वाचा