Akola Crime News : अकोल्यातील घडलेल्या संतापजनक घटनेच्या निषेधार्थ नातेवाईकांसह गावकऱ्यांचा पोलीस उपविभागीय कार्यालयावर ठिय्या आंदोलन केलं आहे. आरोपी पोलीस फरार असल्याने त्याचा शोध घेणं सुरु आहे.
नेमकी घटना काय?
दरम्यान, संशयित आरोपी पोलीस कर्मचारी पवन वडगावे याच्याविरुद्ध पोक्सो कायद्यासह विविध गंभीर कलमान्वये गुन्हा दाखल करण्यात आला असून, त्याच्या अटकेसाठी सुमारे 40 पोलीस कर्मचाऱ्यांची विशेष पथके रवाना करण्यात आली आहेत. मिळालेल्या माहितीनुसार, आरोपी पोलीस कर्मचारी पवन वडगावे हा बाळापूर येथे भाडेकरू म्हणून राहत होता. त्याने घरमालकाच्या पीडित अल्पवयीन मुलीला विवाहाचं आमिष दाखवून तिच्याशी शारीरिक संबंध ठेवले. मात्र, नंतर त्याने विवाहास स्पष्ट नकार दिला. या मानसिक धक्क्यातून पीडित तरुणीने राहत्या घरी गळफास घेऊन आत्महत्येचा प्रयत्न केला होता. शेजाऱ्यांच्या सतर्कतेमुळे तिला तातडीने रुग्णालयात दाखल करण्यात आले होते. मात्र, उपचारादरम्यान ती सतत बेशुद्धावस्थेत होती.
Pandharpur: पंढरीत भाविकांची मांदियाळी! सुमारे 25 लाखांहून अधिक संख्या; दर्शनासाठी 30 ते 32 तासांचा वेळ
मोबाईलमधील चॅटवरुन प्रकरणाचा पर्दाफाश
तरुणीच्या मोबाईलमधील चॅट आणि संदेशांवरून या संपूर्ण प्रकाराचा पर्दाफाश झाल्याचा दावा तिच्या कुटुंबीयांनी केला आहे. या प्रकरणी तरुणीच्या वडिलांनी 12 जुलै रोजी बाळापूर पोलीस ठाण्यात लेखी तक्रार दाखल केली होती. मात्र, कारवाईस विलंब होत असल्याचा आरोप करत संतप्त नागरिकांनी 24 जुलै रोजी उपविभागीय पोलीस अधिकारी कार्यालयासमोर जोरदार आंदोलनही केलं होतं. पीडितेची प्राणज्योत मालवल्यानंतर शहरात तणावपूर्ण शांतता पसरली आहे. कोणताही अनुचित प्रकार घडू नये यासाठी शहरात अतिरिक्त पोलीस बंदोबस्त तैनात करण्यात आला आहे.
तरुणीच्या मृत्यूनंतर तिच्या मृतदेहाच्या शवविच्छेदनाचं संपूर्ण चित्रीकरण करण्यात यावं, अशी मागणी नातेवाईक व नागरिकांकडून करण्यात आली आहे. पोलीस प्रशासनाकडून तपासात विलंब झाल्याच्या आरोपांवर अद्याप कोणतीही अधिकृत प्रतिक्रिया मिळालेली नाही. मात्र, आरोपीला लवकरात लवकर अटक केली जाईल, असं आश्वासन पोलिसांकडून देण्यात आलं असून या प्रकरणाचा पुढील तपास सुरू आहे.Weather Update: हवामान विभागाचा टेन्शन वाढवणारा अंदाज जाहीर, महाराष्ट्रात जुलैअखेरीस सरासरीहून कमी पाऊस; ऑगस्टमध्ये स्थिती काय?
प्रकरणाला अत्यंत दुर्दैवी वळण
अल्पवयीन मुलीवरील अत्याचार प्रकरणाला अत्यंत दुर्दैवी वळण लागलं आहे. घरात भाड्याने राहणाऱ्या एका पोलीस कर्मचाऱ्यावर अल्पवयीन मुलीवर अत्याचार केल्याचा आरोप आहे. या घटनेनंतर पीडित मुलीने आत्महत्येचा प्रयत्न केला होता. गेल्या काही दिवसांपासून तिच्यावरती उपचार सुरू होते. मात्र, उपचारादरम्यान तिचा मृत्यू झालाय. तिचा मृतदेह उत्तरीय तपासणीसाठी अकोला जिल्हा शासकीय रुग्णालयात पाठवण्यात आलाय. दरम्यान, आरोपी पोलीस कर्मचारी अद्याप फरार असून, त्याच्या तातडीने अटकेची मागणी अधिक तीव्र झाली आहे.
लेखकाबद्दलप्रशांत पाटीलप्रशांत पाटील ‘महाराष्ट्र टाईम्स ऑनलाईन'(TIL) या आघाडीच्या डिजिटल माध्यम समूहात सीनियर डिजिटल कंन्टेट प्रोड्युसर पदावर कार्यरत आहेत. पुणे जिल्ह्यातील नामांकित ‘थोडक्यात’ न्यूज वेब पोर्टल, हैदराबादमधील ‘आधान शॉर्ट न्यूज अॅप’, ‘सकाळ मिडिया ग्रुप’ आणि आता ‘महाराष्ट्र टाइम्स ऑनलाईन’, असा जवळपास पाच ते साडेपाच वर्षांपेक्षा अधिक काळ ते कार्यरत आहेत. प्रशांत पाटील यांना महाराष्ट्रातील ग्रामीण भागातील सर्व गुन्हेगारी, अपघात, शेतकरी विषयक बातम्या, ग्रामीण भागात यश संपादन केलेल्या तरुणी किंवा तरुणांच्या सक्सेस स्टोरीज् आणि महाराष्ट्र हायपर लोकल अशा विविध विषयांची आवड आहे. ऑगस्ट (2026) पासून ‘महाराष्ट्र टाईम्स ऑनलाईन’साठी (TIL) काम करत आहेत. या दरम्यान, राज्यातील विधानसभा, लोकसभा आणि स्थानिक स्वराज्य संस्थाच्या निवडणुकींच्या बातम्यांवर विशेष लक्ष ठेवतात. याआधीही त्यांनी याच माध्यम समूहासोबत तीन वर्ष काम केलं आहे.
प्रशांत पाटील यांनी पुण्यातील नामांकित आबासाहेब गरवारे महाविद्यालयातून मास कम्युनिकेशन विषयात पदव्युत्तर शिक्षण घेतलं आहे. शिक्षण घेत असतानाच त्यांनी ‘थोडक्यात’ या न्यूज वेब पोर्टलला काम केलं. तिथे डिजिटल माध्यमासाठी लेखन करत असताना त्यांना डिजिटल क्षेत्रातलं कसं काम करतात? हे यश संपादन केलं. त्यानंतर त्यांना मुंबईत ‘महाराष्ट्र टाइम्य ऑनलाईन’ (TIL) या नामांकित माध्यम समूहामध्ये काम करण्याची संधी मिळाली. 28 मार्च 2022 रोजी ते ‘महाराष्ट्र टाइम्स ऑनलाईन’ या मोठ्या ब्रँण्डसोबत पहिल्यांदा जोडले गेले. तिथे त्यांनी प्रदीर्घ काळ म्हणजे तीन वर्ष डिजिटल विभागात काम केलं. त्यांनतर त्यांनी फेब्रुवारी 2025 ला ‘सकाळ मिडिया ग्रुप’ला काम करण्याची संधी मिळाली. परंतु तिथे ते काम करत असताना त्यांना पुन्हा ‘महाराष्ट्र टाइम्स ऑनलाईन’ (TIL) या माध्यम समूहाने संधी दिली. त्यानंतर ऑगस्ट 2026 पासून प्रशांत पाटील हे ‘महाराष्ट्र टाइम्स ऑनलाईन’सोबत (TIL) काम करताय.
‘महाराष्ट्र टाइम्स ऑनलाईन’मध्ये (TIL) काम करताना त्यांना खूप मोठमोठ्या संध्या मिळाल्या. जसे की, व्हिडिओ करणे, महाराष्ट्रातील संपूर्ण जिल्ह्यातील रिपोर्टर यांच्याशी समन्वय साधणे, जिल्हा प्रतिनिधींकडून वेळोवेळी काम करुन घेणे, विशेष आणि काही महत्वाच्या बातम्या मागवून घेणे, अशा बऱ्याच गोष्टींची त्यांना इथे मिळाली. प्रशांत पाटील हे सकाळच्या शिफ्टला काम करत असताना लाईव्ह ब्लॉग, रिपोर्टरशी बोलणे, ब्रेकिंग बातम्या, हायपर लोकल बातम्या, ग्रामीण भागातील सर्व घडामोडींकडे लक्ष देण्याचं काम ते करतात.… आणखी वाचा
