Nashik Indiranagar Vansampda Society Garden Paying Guest Girl Killed Over Love Affair; रात्रीच्यावेळी रुमवर जाताना अचानक हल्ला, नाशकात तरुणाने PG मध्ये राहणाऱ्या तरुणीला संपवलं; घटनेला प्रेमप्रकरणाची किनार

नेमकी घटना काय?

या घटनेबाबत मिळालेल्या प्राथमिक माहितीनुसार, नाशिकच्या इंदिरानगर येथील वनसंपदा सोसायटीतील गार्डनजवळ काल शुक्रवारी रात्री 10:30 वाजेच्या सुमारास ही घटना घडली. वैष्णवी अनिल आवारे असं मृत तरुणीचं नाव आहे. वैष्णवी ही मूळची जळगाव जिल्ह्यातील अमळनेर तालुक्यामधील रहिवासी असून ती नाशिकमध्ये वनसंपदा सोसायटीत पेईंग गेस्ट म्हणून राहत होती.
Maharashtra Weather: पूर्व भारतात कमी दाबाचं क्षेत्र, राज्यातील मान्सून पुन्हा सक्रिय; पुढील आठवड्यासाठी हवामान विभागाचा अंदाज काय?

प्रेमप्रकरणातून हत्या झाल्याचा संशय

रात्रीच्यावेळी वैष्णवी सोसायटीजवळून जात असताना, एका माथेफिरू तरुणाने तिच्यावर अचानक हल्ला केला. त्याने धारदार चाकूने वैष्णवीवर सपासप वार केले. हा हल्ला इतका भीषण होता की, वैष्णवी रक्ताच्या थारोळ्यात जमिनीवर कोसळली. ती निपचित पडल्यानंतर हल्लेखोर घटनास्थळावरून फरार झाला. वैष्णवी रस्त्याच्या कडेला रक्ताच्या थारोळ्यात पडलेली पाहून स्थानिक नागरिकांनी तातडीने याची माहिती पोलिसांना दिली. माहिती मिळताच इंदिरानगर पोलिसांनी घटनास्थळी धाव घेतली.

प्रेमप्रकरणातून हत्येचा संशय

पोलिसांनी घटनास्थळाचा पंचनामा करून वैष्णवीचा मृतदेह ताब्यात घेतला आणि तो शवविच्छेदनासाठी जिल्हा रुग्णालयात पाठवला. हा संपूर्ण प्रकार प्रेमप्रकरणातून घडला असावा, असा प्राथमिक संशय पोलिसांनी व्यक्त केला आहे. या प्रकरणी इंदिरानगर पोलीस ठाण्यात गुन्हा दाखल करण्यात आला असून फरार आरोपीचा शोध पोलिसांकडून घेतला जात आहे. दरम्यान, नाशिक हा कायद्याचा बालेकिल्ला आहे, असं पोलीस गुन्हेगारांकडून वदवून घेत असले तरी प्रत्यक्षात शहरातील कायदा व सुव्यवस्थेची अवस्था बिकट होत चालली आहे. शहरातील वाढत्या गुन्हेगारीवर नागरिकांनी संताप व्यक्त केलाय.
Sanjay Ghadi : दहिसरहून येताना ट्राफिक जॅम, मुंबईत बंगला द्या; उपमहापौरांच्या मागणीवर रितू तावडेंची पहिली प्रतिक्रिया

श्रीमंतीचा तोरा मिरवणारा अट्टल चेनस्नॅचर

अंगावर महागडा ब्रँडेड सूट, डोळ्यावर गॉगल, सुशिक्षित भाषा आणि लाखो रुपयांची स्पोर्ट्स बाइक… अशा रुबाबदार अवतारात फिरणाऱ्या व्यक्तीवर कोणीही सहज विश्वास ठेवेल. नेमक्या याच विश्वासाचा फायदा घेऊन नाशिकसह इतर शहरांत वृद्ध महिलांना लक्ष्य करणाऱ्या सराईत गुन्हेगार सर्फराज फिरोज बेग उर्फ इराणी (वय ३६) या चोराला पोलिसांनी बेड्या ठोकल्या आहेत.

गुन्हे शाखा युनिट दोनचे प्रभारी सहाय्यक पोलिस निरीक्षक हेमंत तोडकर यांच्या सूचनेनुसार सहाय्यक निरीक्षक समाधान हिरे व त्यांच्या पथकाने शहरातील तब्बल १८० किलोमीटर अंतरावरील सीसीटीव्ही फुटेज तपासले. तांत्रिक विश्लेषणावरून संशयित मुंबई-नाशिक महामार्गाने जाणार असल्याची खात्री पटताच पोलिसांनी घोटी टोलनाक्यावर सापळा रचला. संशयिताला सुगावा लागू नये म्हणून पोलिसांनी स्वच्छता कर्मचाऱ्यांचा वेश परिधान केला. संशयित महागड्या स्पोर्ट्स बाइकवरून टोलनाक्यावर पोहोचला. तेव्हा स्वच्छता कर्मचाऱ्यांच्या वेशातील पोलिसांनी त्याला घेरले.
Baramati News : उच्च शिक्षणासाठी धडपडणाऱ्या विद्यार्थिनीवर काळाचा घाला, बारामती हळहळली

चोरी करण्याची पद्धत ‘हायप्रोफाइल’

अटक करण्यात आलेल्या सर्फराजवर तब्बल ४७ गुन्हे दाखल आहेत. त्याची चोरी करण्याची पद्धत अत्यंत ‘हायप्रोफाइल’ होती. तो गरीब किंवा संशयास्पद वाटेल अशा वेशात येत नव्हता. श्रीमंत घरातील तरुण असल्यासारखा वावरायचा. रस्त्याने जाणाऱ्या वृद्ध महिला किंवा नागरिकांना गाठून तो अतिशय सुसंस्कृत भाषेत पत्ता विचारण्याचा बहाणा करायचा. समोरची व्यक्ती पत्ता सांगण्यासाठी गडबडली किंवा पुढे आली, की सेकंदाच्या आत गळ्यातील सोन्याची चेन लांबवून तो बाइकवरून सुसाट पळ काढायचा, असे तपासात उघड झाले आहे.