Major League Cricket 2026 : मेजर लीग क्रिकेटच्या एलिमिनेटरमध्ये वॉशिंग्टन फ्रीडमने एमआय न्यूयॉर्कने उभारलेल्या 267 धावांच्या आव्हानाचा यशस्वी पाठलाग करत टी-२० क्रिकेटच्या इतिहासात नवा विक्रम केला. स्टीव्ह स्मिथ आणि अँड्रीज गौस यांच्या शतकांनी हा विजय साकारला.
निकोलस पूरनची झंझावाती खेळी
प्रथम फलंदाजी करताना एमआय न्यूयॉर्कने 9 बाद 266 धावा उभारल्या. कर्णधार निकोलस पूरनने 33 चेंडूंत 106 धावांची तुफानी खेळी करत 13 षटकार आणि 5 चौकार लगावले. निकोलसचे हे शतक या लीगमधील सर्वात जलद शतक ठरले. तसेच क्विंटन डी कॉकने 51, तर किरॉन पोलार्डने 64 धावांचे योगदान दिले. संघाने डावात तब्बल 29 षटकार ठोकत लीग क्रिकेटमधील एका डावातील सर्वाधिक षटकारांचा विक्रम नोंदवला. रचिन रवींद्रने चार विकेट घेत वॉशिंग्टनसाठी सर्वाधिक प्रभावी गोलंदाजी केली.
स्मिथ-गौसची विक्रमी भागीदारी
दरम्यान, 267 धावांचे आव्हान स्वीकारताना वॉशिंग्टन फ्रीडमने सुरुवातीपासून आक्रमक फलंदाजी केली. अँड्रीज गौसने 51 चेंडूंत 132 धावांची खेळी करत 10 चौकार आणि 12 षटकार लगावले. दुसऱ्या बाजूला स्टीव्ह स्मिथने 48 चेंडूंत नाबाद 110 धावा फटकावत 7 चौकार आणि 9 षटकारांची आतषबाजी केली. या दोघांच्या भागीदारीमुळे सामना पूर्णपणे वॉशिंग्टनच्या बाजूने झुकला.
अंतिम फेरीत लॉस एंजेलिस नाईट रायडर्सशी लढत
एमआय न्यूयॉर्कच्या गोलंदाजांची या सामन्यात जोरदार धुलाई झाली. ट्रेंट बोल्ट, रुशिल उगरकर आणि रोमारिओ शेफर्ड यांनी मोठ्या प्रमाणात धावा दिल्याचे पाहायला मिळाले. अखेरीस ग्लेन मॅक्सवेलने विजयी षटकार ठोकत वॉशिंग्टनचा ऐतिहासिक विजय निश्चित केला. या विजयासह वॉशिंग्टन फ्रीडमने अंतिम फेरीत प्रवेश केला असून तिथे त्यांची लढत लॉस एंजेलिस नाईट रायडर्सविरुद्ध होणार आहे. त्यामुळे या स्पर्धेला आयपीएलसारखाच सध्या जोरदार रंग चढला आहे.
लेखकाबद्दलसुनिल लाटेसुनिल प्रभाकर लाटे हे ‘महाराष्ट्र टाइम्स ऑनलाइन’मध्ये कन्सल्टंट या पदावर कार्यरत आहेत. ते गेल्या तीन वर्षांपासून पत्रकारिता क्षेत्रात सक्रिय आहेत. महाराष्ट्र टाइम्स ऑनलाइनमध्ये ते स्थानिक बातम्या, लाइव्ह ब्लॉग कव्हरेज, गुन्हेगारी, राजकारण, देश-विदेश, सरकारी योजना, तसेच इन्फ्रास्ट्रक्चर आणि नागरी विकासाशी संबंधित विषयांवर नियमित लेखन करतात. २०२२ मध्ये पत्रकारितेचे शिक्षण पूर्ण केल्यानंतर त्यांनी आपल्या कारकिर्दीची सुरुवात ‘लोकसत्ता ऑनलाइन’ (मुंबई) येथून केली.सुनिल यांनी राजकारण, मनोरंजन, क्रीडा आणि गुन्हेगारी अशा विविध विषयांचे वार्तांकन व विश्लेषण प्रभावीपणे केले आहे. हायपरलोकल न्यूज, क्राईम रिपोर्टिंग, राजकारण आणि चालू घडामोडींवरील नाविन्यपूर्ण डिजिटल कंटेंट लिहिण्याचा त्यांना दांडगा अनुभव आहे. त्यांनी डॉ. बाबासाहेब आंबेडकर मराठवाडा विद्यापीठाच्या वृत्तपत्रविद्या विभागातून पत्रकारितेतील पदव्युत्तर शिक्षण (MA) पूर्ण केले आहे. शिक्षण घेत असतानाच त्यांनी ‘दैनिक दिव्य मराठी’ आणि ‘दैनिक पुण्य नगरी’ यांसारख्या नामांकित वृत्तपत्रांसाठी बातम्या लिहून प्रत्यक्ष कामाचा अनुभव घेतला. यादरम्यान त्यांनी प्रामुख्याने शिक्षण क्षेत्रातील बातम्यांचे कव्हरेज केले.अचूक आणि प्रभावी डिजिटल रिपोर्टिंग ही सुनिल यांची खासियत आहे. गेल्या तीन वर्षांत त्यांनी उत्कृष्ट ‘न्यूज सेन्स’ आणि ‘ब्रेकिंग न्यूज’ कव्हरेजचे संपादन कौशल्य विकसित केले आहे. महाराष्ट्र टाइम्स ऑनलाइनमध्ये काम करताना वेगवान अपडेट्स देणे आणि डिजिटल वाचकांना समजेल अशा सोप्या शैलीत घडामोडींची मांडणी करणे, यात त्यांनी प्राविण्य मिळवले आहे. पत्रकारितेतील नवनवीन तंत्रे शिकून स्वतःला अधिक सक्षम बनवण्यावर त्यांचा सतत भर असतो.पत्रकारितेसोबतच त्यांना फोटोग्राफी, व्हिडिओ एडिटिंग आणि ग्राफिक्स डिझाइनची विशेष आवड असून, जाहिरात क्षेत्रातही त्यांनी काम केले आहे. सर्जनशील लेखनाची ओढ असलेल्या सुनिल यांनी काही लघुपटांचे दिग्दर्शन आणि पटकथा लेखनही केले आहे. तसेच, संगीत आणि गायन क्षेत्रातही त्यांना विशेष रुची आहे.… आणखी वाचा
