मी पाहून घेतो! विराट सलग दोनदा शून्यावर बाद झालेला, कोचला सांगून पुढच्या सामन्यात टप्प्यात कार्यक्रम केलेला, किंग कोहलीचा किस्सा चर्चेत

दोन शून्यांनंतर सल्ला नाकारला

अभिषेक नायर यांनी ‘गुगलीज’ या कार्यक्रमात सांगितले की, ऑस्ट्रेलियाविरुद्धच्या वनडे मालिकेत विराट सलग दोन वेळा शून्यावर बाद झाला होता. त्यावेळी त्यांनी विराटला सर्व काही ठीक आहे का आणि काही चर्चा करायची आहे का, असे विचारले. मात्र कोहलीने शांतपणे, “सगळं ठीक आहे. हा खेळाचा भाग आहे,” असे उत्तर दिले. नंतर नायर यांनी काही निरीक्षण सांगण्याची इच्छा व्यक्त केली, पण विराटने हसतच, “मी माझ्या पद्धतीने यातून बाहेर पडेन, मी पाहून घेतो” असे सांगत सल्ला घेण्यास नकार दिला.

Washington Freedom vs MI New York : 267 धावांचं लक्ष्य 18.4 षटकांत पार; मुंबई इंडियन्सच्या संघाला विरोधी टीमनं पछाडलं, कॅप्टनचं 33 चेंडूतलं शतक वाया

पुढच्याच सामन्यात दिलं उत्तर

नायर यांच्या मते, विराटने केवळ बोलूनच नाही तर कृतीतूनही स्वतःवरील विश्वास सिद्ध केला. पुढील सामन्यात त्याने ऑस्ट्रेलियाविरुद्ध नाबाद 74 धावांची खेळी करत दमदार पुनरागमन केले. नायर म्हणाले, महान खेळाडू कठीण परिस्थितीत नेमकं काय करायचं हे जाणतात. म्हणूनच विराट कोहली आणि रोहित शर्मा यांच्याविषयी त्यांच्या मनात विशेष आदर आहे.

रोहित-विराट संघाला देतील आत्मविश्वास

इंग्लंडविरुद्धच्या पहिल्या वनडेत विराटने 5, तर रोहित शर्माने 11 धावा केल्या. दोघेही मोठी खेळी करू शकले नसले तरी भारताने सामना सहा विकेट्सने जिंकला. नायर यांच्या मते, रोहित आणि विराट यांचा अनुभव भारतीय संघासाठी मोठी ताकद आहे. त्यांची उपस्थिती ड्रेसिंग रूममधला आत्मविश्वास वाढवते आणि उर्वरित खेळाडूंवरही त्याचा सकारात्मक परिणाम होतो. त्यामुळे उर्वरित वनडे सामन्यांत दोघेही मोठी खेळी करतील, अशी अपेक्षा त्यांनी व्यक्त केली.