एसबीआय फंड्स IPO बद्दल जाणून घ्या
एसबीआय फंड्स मॅनेजमेंटने आयपीओचा प्राइस बँड 545 रुपये ते 574 रुपये निश्चित केला असून अँकर गुंतवणूकदारांना 574 रुपयांच्या उच्च प्राइस बँडवर 4.63 कोटी इक्विटी शेअर्सचे अलॉट केले गेले. हा आयपीओ 14 जुलै ते 16 जुलैपर्यंत खुला राहील आणि पूर्णपणे OFS असेल, म्हणजे आयपीओमधून मिळणारा निधी दोन प्रवर्तक, एसबीआय आणि अमुंडी यांना जाईल आणि कंपनीला कोणतेही नवीन भांडवल मिळणार नाही.
Gold Silver Price Today: युद्धाच्या तणावात सराफा बाजारात उलटफेर; सोन्याच्या भावात मोठी पलटी, चांदीने फुंकला महागाईचा बिगुल
17 जुलै रोजी शेअर्सचे अलॉटमेंट निश्चित केले जाईल आणि 21 जुलै रोजी एनएसई आणि बीएसईवर शेअर्सचे लिस्टिंग अपेक्षित आहे. त्याचवेळी, एसबीआय फंड्सच्या आयपीओ शेअर्सना ग्रे मार्केटमध्ये चांगला प्रतिसाद मिळत आहे. या आयपीओचा ग्रे मार्केट प्रीमियम 89 रुपये असून बाजारातील उत्साह कायम राहिल्यास अप्पर प्राईस बँडच्या तुलनेत लिस्टिंग रोजी अंदाजे 16% वाढ अपेक्षित आहे. मात्र, लक्षात घ्या की ग्रे मार्केटमधील हालचालींनुसार आयपीओचे शेअर्स बाजारात सूचीबद्ध होतीलच असे नाही, कारण ग्रे मार्केटच्या हालचालींवरून केवळ अंदाज मिळतो.
एसबीआय फंड्स आयपीओच्या एका लॉटमध्ये किमान 26 शेअर्स आहेत आणि अप्पर किंमत बँडनुसार किमान 14,924 रुपये गुंतवावे लागतील. अशाप्रकारे, लिस्टिंग होईपर्यंत सध्याचा 89 रुपयांचा GMP कायम राहिला, तर 26 शेअर्सवरील संभाव्य लिस्टिंगवर 2,548 रुपयांचा नफा होईल. म्हणजे अप्पर किंमत बँडच्या तुलनेत अंदाजे 17.07% संभाव्य लिस्टिंग नफा अपेक्षित आहे.
US Iran Hormuz Standoff: तिकडे पुन्हा संघर्ष पेटलं, तिकडे तेल तापलं; ट्रम्प यांचा होर्मुझवर 20% टोल, युद्धाच्या ठिणगीने क्रूडचे दर भडकले
एसबीआय फंड्स मॅनेजमेंटची स्थापना 1992 मध्ये झाली, जी एसबीआय आणि अमुंडी यांचा संयुक्त उपक्रम असलेल्या एसबीआय म्युच्युअल फंडासाठी गुंतवणूक व्यवस्थापक म्हणून काम करते. 2025 पर्यंत कंपनीने अंदाजे 16.32 लाख कोटींच्या व्यवस्थापनाखालील AMU चे व्यवस्थापन केले, तर भारतातील म्युच्युअल फंड उद्योगात कंपनीचा बाजारहिस्सा 15.5% होता.
