राज्यामध्ये सप्टेंबरनंतर ‘क्रांतिकारी’ राजकीय घडामोडी घडतील, असे संकेत सहकार मंत्री के. एन. राजण्णा यांनी दिले होते. त्यांच्या या विधानानंतर कर्नाटकात नेतृत्वबदलाची अटकळ बांधली जात आहे; तसेच पक्षाच्या वर्तुळात मंत्रिमंडळात फेरबदल आणि काँग्रेस प्रदेशाध्यक्ष बदलाचीही चर्चा आहे. ‘सुरजेवाला येत असून, आमच्या निश्चितच बैठका होतील. त्यांनी सर्वांना याबाबत थेट माहिती दिली आहे. मलाही त्यांच्या भेटीचा कार्यक्रम मिळाला आहे आणि मी आमच्या सर्व आमदारांना माहिती देत आहे,’ असे उपमुख्यमंत्री डी. के. शिवकुमार यांनी रविवारी पत्रकारांना सांगितले.
Bihar Election : मी मतदार आहे! विधानसभा निवडणुकीमध्ये पटवावी लागणर ओळख, कोणासाठी असणार बंधनकारक?
आळंदचे आमदार बी. आर. पाटील यांनी अलीकडेच गृहनिर्माण विभागांतर्गत घरांच्या वाटपात लाच घेतली गेल्याचा आरोप केला आहे. विकासकामांमध्ये आणि निधी वाटपात झालेल्या विलंबाचे कारण देत कागवाडचे आमदार राजू कागे यांनी राजीनामा देण्याचे संकेत दिले, तर प्रशासन पूर्णपणे कोलमडले असल्याचा आरोप केला. त्यांच्या वक्तव्यामुळे सत्ताधारी काँग्रेसला धक्का बसला. विरोधी पक्ष भाजप आणि जेडीएस यांनी सरकारवर भ्रष्टाचाराचे आरोप करून, मुख्यमंत्री सिद्धरामय्या आणि गृहनिर्माण मंत्री बी. झेड. जमीर अहमद खान यांच्या राजीनाम्याची मागणी केली आहे. सिद्धरामय्या यांनी बुधवारी दिल्लीहून परतल्यानंतर पाटील आणि कागे दोघांचीही भेट घेतली. पक्ष नेतृत्वाने सिद्धरामय्या यांना समस्यांतून मार्ग काढण्याच्या, आमदारांना विश्वासात घेण्याच्या आणि सरकारविरुद्ध कोणीही सार्वजनिक वक्तव्य करू नये याची खात्री करण्याच्या सूचना दिल्याचे समजते.
शक्तिपीठ महामार्गाची गरजच नाही, सतेज पाटील सरकारवर संतापले
‘शिवकुमार मुख्यमंत्री होतील’
‘उपमुख्यमंत्री डी. के. शिवकुमार यांना पुढील दोन ते तीन महिन्यांत राज्याचे मुख्यमंत्री होण्याची संधी मिळू शकते,’ असा दावा कर्नाटक काँग्रेसचे आमदार एच. ए. इक्बाल हुसेन यांनी रविवारी केला. शिवकुमार यांच्या जवळच्या मानल्या जाणाऱ्या आमदाराचे हे वक्तव्य म्हणजे नेतृत्वबदलाच्या चर्चांना पुष्टी मानली जात आहे. ‘हे सरकार सत्तेत येण्यापूर्वी आपल्या (काँग्रेस) ताकदीची जाणीव सर्वांना होती. हा विजय मिळवण्यासाठी कुणी संघर्ष केला, घाम गाळला, प्रयत्न केले हे सर्वांना माहिती आहे,’ असे ते म्हणाले. ‘मी चर्चांवर विश्वास ठेवत नाही. पण आम्हाला पूर्ण खात्री आहे की काँग्रेसच्या वरिष्ठ नेत्यांना येथील परिस्थितीची जाणीव आहे आणि शिवकुमार यांना संधी देण्यासाठी योग्य वेळी निर्णय घेतील,’ असे ते म्हणाले.
