Murder Case Latest News : क्राइम डायरी या आमच्या खास मालिकेत आज गुन्ह्याची अशी घटना तुमच्यापर्यंत पोहोचवणार आहोत, ज्याचा तुम्ही विचारही करू शकणार नाही. म्हणजे अशी हत्या जी सुरुवातीला हत्या वाटलीच नाही. मुंबईच्या या घटनेमुळे संपूर्ण परिसरात खळबळ उडाली असून पोलिसही यामुळे थक्क झाले आहेत.
व्यक्तीनं आधी त्याच्या पत्नीचा खून केला. यानंतर त्याने दुसऱ्या मुलीशी विवाह ठरवला आणि तिलाही लग्नाआधीच ठार केलं. आरोपीने दोघांनाही नायट्रोजनचा वास घ्यायला लावला आणि त्यामुळे त्यांचा मृत्यू झाला. अर्थात सिनेमा पाहूनच त्याच्या डोक्यात हत्येची ही कल्पना आली. २२ ऑक्टोबर २०२१ रोजी या भयानक घटनेचा उलगडा झाला. दोन वर्षांआधी पंजाबच्या रहिवाशी असलेल्या छपिंदरपाल कौरचे पतियाला इथल्या नवनिंदरप्रीत सिंग या सनकी सीरिअल किलरशी लग्न ठरलं.
Crime Diary: रोज थोडं-थोडं करून पतीला जीव घेतला, पुरावाही नाही ठेवला; वाचा सायलंट किलर ‘सौ’ची कहाणी…
होणारी पत्नी अचानक गायब झाली अन् उलगडलं हत्येचं गूढ…
कौर आणि सिंग यांचं लग्न ठरल्यामुळे त्यांचे कुटुंबियही आनंदात होते. घरात उत्साहाचं वातावरण होतं. अशात लग्नाच्या तयारीला सुरुवात झाली होती. त्यामुळे सिंग याने होणाऱ्या बायकोला म्हणजेच कौर हिला तो शॉपिंगसाठी घेऊन गेला. ११ ऑक्टोबर ते १३ ऑक्टोबरपर्यंत सगळं काही ठीक होतं. पण त्यानंतर मात्र कौरचा संपर्कच कोणाशी झाला नाही. तिच्या कुटुंबियांनी तिला खूप फोन केले, पण तिचं काहीच उत्तर आलं नाही. अखेर तिच्या कुटुंबाने सिंग यांचं घर गाठलं. तिथे ते दोघे पतियालाला गेले असल्याचं समजलं.
मुलीचं लग्न ठरलं आहे. अशात ती बेपत्ता झाल्याने कुटुंब चिंतेत होतं. त्यामुळे त्यांनी तातडीने पटियाला गाठलं. १५ ऑक्टोबर रोजी ते पटियालाला गेले. पण त्यांना तिथेही ती नाही सापडली. अखेर त्यांनी पोलीस स्थानक गाठत कौर बेपत्ता असल्याची तक्रार दाखल केली.
पोलिसांनी कसा केला घटनेचा उलगडा?
घटनेची माहिती मिळताच पोलिसांनी आधी सिंग याला ताब्यात घेतलं. सुरुवातील त्याने पोलिसांनी उडवाउडवीची उत्तरं दिली. पण त्यानंतर पोलीसी खाक्या दाखवताच त्याने आपल्या एक-एक गुन्ह्यांची कबुली दिली. पोलिसांनी सिंग याची कुंडली काढली असता त्याचा याआधीही विवाह झाला असल्याचं समोर आलं. त्याने या लग्नाबद्दल कोणालाही माहिती दिली नव्हती. सुखदीप असं त्याच्या पहिल्या पत्नीचं नाव होतं. महिन्याभरातच तिचा रहस्यमय पद्धतीने मृत्यू झाला होता. पण सिंग याने तिचा हृदयविकाराच्या झटक्याने मृत्यू झाल्याचं सगळ्यांना सांगितलं.
सुखदीप यांचा मृत्यू झाला तेव्हा त्यांच्या शरीरावर कुठल्याही जखमा आढळल्या नाहीत. त्यामुळे कोणालाही सिंगवर संशय आला नाही. पण त्याच्या लग्नाची ही कहाणी कोणालाच माहिती नव्हती.
सिरिअल किलरचं भयंकर प्लॅनिंग….
नवनिंदरप्रीत सिंग हा एक सीरियल किलर असल्याचं पोलिसांच्या तपासात उघड झालं. पहिल्या पत्नीच्या हत्येचा उलगडा झाल्यानंतर त्याने कौर हिलादेखील तशाच पद्धतीने मारल्याचं समोर आलं. आरोपीने पोलिसांनी दिलेल्या माहितीनुसार, त्याने नायट्रोजनचा वास देऊन दोघींचा खून केला. यानंतर त्याने घरातच फरशी खोदून त्यामध्ये त्यांचा मृतदेह गाडला.
नायट्रोजन गॅसने केली पत्नीची हत्या…
सुखदीपची हत्याही त्याने सारख्याच पद्धतीने केली. पण ज्यावेळी त्याने तिला ठार केलं तेव्हा ती गर्भवती असल्याचा खुलासाही आरोपीने पोलीस तपासात केला आहे. कोणालाही संशय येऊ नये अशाच पद्धतीने त्याला खूनाचं प्लॅनिंग केलं होतं. अशा पद्धतीने हत्याकांड करण्यासाठी त्याने हॉलिवूड आणि साऊथ सस्पेन्स थ्रिलर सिनेमेदेखील पाहिल्याचं त्याने पोलीस तपासात सांगितलं आहे. त्याने पोलिसांना सांगितलं की मला बायकोचा खून करायचा होता पण तिला कुठल्याही वेदना न देता. मी सगळ्या संबंधापासून कंटाळलो होतो. मला शांती हवी होती. त्यामुळे मी असं कृत्य केल्याचं त्याने पोलिसांना सांगितलं आहे.
लेखकाबद्दलरेणुका धायबररेणुका धायबर, महाराष्ट्र टाइम्समध्ये Senior Digital Content Producer आहेत. डिजिटल पत्रकारितेचा आठ वर्षांचा अनुभव आहे. २०१४ पासून पत्रकारीतेत आहेत. झी २४ तास , न्यूज १८ लोकमत, टीव्ही ९ अशा वेबसाइटसाठी त्यांनी काम केले आहे. महाराष्ट्र, राजकारण, गुन्हेगारी, देश, विदेश, स्पेशल बातम्या यासोबत व्यवसाय विषयात त्यांची आवड आहे.… आणखी वाचा