Gadchiroli News : लैंगिक अत्याचाराच्या गुन्ह्यांना शिक्षणासारखे क्षेत्रदेखील अपवाद ठरलेले नाही, ही विद्यार्थ्यांच्या दृष्टीने चिंतेची बाब ठरत आहे. यातच गडचिरोली मध्येही संतापजनक घटना घडली आहे. गडचिरोलीतील एका जिल्हा परिषदेच्या शाळेतील मुख्याध्यापकानेच विद्यार्थीनींसोबत अश्लील वर्तुणूक केल्याची घटना उघडकीस आली आहे.
पीडित मुलींच्या आईंनी मुख्याध्यापकाविरोधात लाहेरी पोलिसांत तक्रार दाखल केली. तक्रारीची दखल घेत पोलिसांनी मुख्याध्यापकाला ताब्यात घेतले. पीडित मुलीच्या आईने तक्रारीत नमूद केले की, रविंद्र गव्हारे असे मुख्याध्यापकाचे नाव आहे. गव्हारे हा रजिस्टर पाहण्याच्या बहाण्याने शाळेतील एका-एका विद्यार्थीनीला आपल्या केबिन मध्ये बोलवायचा आणि त्यांच्याशी लैंगिक चाळे करायचा. एवढेच नाहीतर याबद्दल कोणालाही सांगितल्यास शाळेत काढून टाकणार, अशी धमकीही द्यायचा. 
Pune News: पतीचं अफेअर सहन होईना, विवाहितेने आयुष्य संपवलं; पण अखेरच्या पत्राने गुंता वाढला, पुण्यात काय घडलं?
या सर्व प्रकारामुळे विद्यार्थीनींमध्ये घबराट पसरली होती. परिणामी मुली शाळेत जाणे टाळत होत्या. मुलींच्या पालकांनी त्यांना विश्वासात घेऊन याबद्दल विचारले असता हा धक्कादायक प्रकार उघडकीस आला आहे. या घटनेमुळे परिसरासह जिल्हा देखील हादरला आहे. पोलिसांनी नराधम मुख्याध्यापकाविरोधात बाल लैंगिक अत्याचार आणि ॲट्रॉसिटी कलमांखाली गुन्हा दाखल केला असून त्याला अटक केली आहे.
लैंगिक अत्याचारांच्या गुन्ह्याची कीड काही सरत नाही आहे. बदलापुरात विद्यार्थीनींवर आणि पुणे स्वारगेट बसस्थानकात तरुणीवर झालेल्या अत्याचारांच्या घटनांनी महाराष्ट्र हादरला आहे. यामध्येच शालेय विद्यार्थीनींवर होणारे अत्याचार तर अतिशय चिंतेची बाब आहे. यामुळे पालक देखील धास्तावले आहेत. महिला तसेच शालेय विद्यार्थींनीच्या सुरक्षेचा प्रश्न अशा घटनांमुळे ऐरणीवर येत आहे. पोलीस प्रशासन या घटनांना आळा घालणार हा मोठा प्रश्न उभा राहत आहे.
लेखकाबद्दलविमल पाटीलविमल पाटील, महाराष्ट्र टाइम्समधून वेब पत्रकारितेला सुरुवात केली, गेले एक वर्ष कन्सलटन्ट म्हणून काम करत आहे. डिजिटल पत्रकारितेत वृत्त संकलन, सोशल मीडियाचे व्यवस्थापन आणि फिल्ड रिपोर्टिंगचा अनुभव आहे. याआधी त्यांनी आर. एन. ओ. वृत्तसंस्थेसाठी फिल्ड रिपोर्टर म्हणून कार्य करत असताना विविध सामाजिक, राजकीय व स्थानिक विषयांवर रिपोर्टिंग केले आहे. तसेच, त्यांनी सामना आणि लयभारी या माध्यमांमध्ये सोशल मीडिया हँडलर म्हणूनही काम पाहिले आहे. त्या मुंबई विद्यापीठाच्या पत्रकारिता विभागातून पत्रकारितेची पदव्युत्तर प्राप्त आहे.… आणखी वाचा